للمغرب دخل وكال سووو طريق كلها ركضت واني وياهم امهم بقت كاعدة بس اني والبنات رحنا كعدنا بلمطبخ دقايق واجة ..
ياسر... عسل تعالي وياية ...
عسل.. صفنت نعم ..
ياسر...اجة ابوج واجة وياه اسعد وامه ..
عسل...صدك كمزت كمزة عود اني اعرج صرت غزال من كال ابوج اجة ابتسم وطلعت كبله رحت اركض شفت ابوية كاعد اووووف ياريحتك عبالك صار سنة مشايفتك ولا جنها ليلة ضليت حاضنته وابجي صارت عيوني شلال وهو هم يبجي ابو عسل...يبعد عمري عمرج عسولة ليش تبجين يابة رحمه من الله الي رجعت شفتج اني كلت اموت وماشوفج بعد عسل...ظليت حاضنته وماريد اوخر منه اسم عليك بصديق ايهم ولابيك وبعشيرة صديق ايهم ولابيك حبيبي ...كلها ضحكت...
ابو محمد ...يابة دسلمي علينا لو من لكا احبابه...
عسل... انداريت عليه لكيته كاعد هو وامه شكد عيب رحت سلمت عليهم وبوست امه خطية ضلت تنعي وتبجي لحد مادموعي خلصت تذكرت امي وظلت تبجي ..
ام اسعد..عبالك داستكم لعنة من يوم الماتت ...
عسل...والله ماعرف ياخالة الله يرحمها ويصبرني على فراكها عبالك البارحة ماتت...
ام ياسر... صلو ع النبي وترحمولها اقرولها الفاتحة احسن عسل...وهي هم بجت ويانة خطية كلنا قرينة الفاتحة ورجعت كعدت يم ابوية وكلهم كاعدين ونسيت الكل كاعد وصافنة على ابوية يمة عبالك سنة مشايفته انداريت لكيت الحب يباوعلي يمة فديت هلعيون الي نظرتلي نظرة يمة ماانساها ابد عبالك حييتني اول مرة اشوف عيونه وهو يباوعلي كلما يحجي وياية لو مدنج لو مندار هلمرة لا عيونة لمحتني واخيرا عبالي اني بلنسبة اله سراب مديشوفني ولا اخطر ع باله ولا حاسس بوجودي ابد عاد رأسن دار عينه ع ابو محمد لان جان يحجي وياه ع السالفة ..
ياسر...كم يوم افضها بس بكعدة عشاير وحتى ايهم هم اطلعه والجماعة بعد يمي علما تنفض السالفة هنا أأمن لان واحد من اخوته مهدد وكايل الا اكتل واحد منهم شلون يسوون هيج بأخوية وكاتب ع البيت مطلوب دم ..
اسعد...والله ياخوية اني هم ماأمن عليهم يرجعون للبيت علما تنفض وايهم عندي صديق ضابط وصيت عليه هناك بس يبقة يكعد الولد من الغيبوبة بس لو ما استاذ ياسر وولد معرفته خطية فتحوا الطريق لان جانو ناصبيلهم سيطرة وكاعدين ووصلو للبيت وطردوهم وحطوا دورية مال شرطة براس الفرع واجة للبيت خطية جنا متواصلين وياه بتليفون علما اندلو البيت ووصلونا اني كدرت اطلع بس ابوج مكدرت اجازف واطلعه واجيج لحد ما استاذ ياسر اجة وطلعنا والحمدلله ..
ابو عسل...ينطيك ع كد نيتك وطيبتك استاذ ياسر...
ياسر... لا عمي شنو استاذ ياسر انت وابو محمد احنة اهل ان شاءالله صيحولي ياسر وبس اني هم مثل ابنك ...
ابو عسل ...اي والله ابني الله يشهد ..بس اني باجر اسحب فلوس ونطلع لاربيل عدنا شقة هناك لحد ماتصفه السالفة وحتى هم كافي ازعاج من البارحة واليوم شالشيكم انتو هم شنو ذنبكم خاف يصير شي واني هم شيلتكم هم وبيت ابو محمد هم انخبصوا بينا بلا معنى واخاف عليهم هم عدهم جهال اخاف من هذولة الي ميخافون الله ليسوون شي وتطلع من وجهنا انتو شنو ذنبكم تتحملون كافي الي شفتو وتحملتوا من ورانا ومن ورة ايهم ..
اسعد...لا عمي كافي انت شدتحجي صدك جذب احنة اهل لو نسيت والله ماكدر انسى لحم جتافي وستر عائلتي واهلي من خيرك والبيت الي اني كاعد بي بلا ايجار مو مالتكم ليش هيجي عمي تحسسني اني مو كد المسؤولية...
ابو عسل... لا وليدي بلعكس كدها وكدود بس ماريد احملك فوك طاقتك...
اسعد... ولايهمك عمي ربك موجود والقانون نمشي وراه واتفقنا اني وياسر نسويها عشاير...
ابو عسل....بس تعرف احنة ماعدنا احد ابني ياعشيرة الي تجي توكف وياية هسة..
اسعد... اطمئن حجي احنة نعرف ندبرها لتخاف ....
ياسر ..عبالك انتظر ابو محمد يكمل وانداريت على الحجي اي حجي لازم بيتنا مو كد المقام تريد تروح لاربيل واكيد ضوجناكم بحجاية بتصرف كول عمي ...
ابو عسل ... لا والله ابني بلعكس فضلكم ما أنساه والله من حجيت وياك ووية الحجية اطمئنيت على عسل وهي بنصكم ومسمعتها شكد حمدت بيكم وبلبنات والحجية ووكفتك هاي من طلعتني ورجعتلي عسل طول عمري مانساها ابقى مديونلك بيها شماسويت مااوافيك ..
ياسر...لاعمي هذا واجبي واي احد بمكاني يسوي هيج واكثر هم اكو ناس نظيفة وطيبة وخيرة عمي بعدها الدنيا بخير ولو قليل بس ان شاءالله ينتصر .
عسل..كعدوا تقريبا ساعة وام اسعد كلش اندمجت وية امهم ووصتها عليه ....خالة مروة ليش مجتي وياج عفية والله شكد مشتاقتلها ...
ام اسعد...والله يمة ضلت يم ابوها ويم مرت اسعد تعرفين وحدهم بس غير مرة تجيج ان شاءالله بنيتي ..
عسل...كاموا ترخصوا وطلعت وراهم خالة وياسر واني شوية وطبيت اركض لزمت ايد ابوية وابوس بيها ...طب الجلاوي واني خطية كلش مؤدبة تسلم استاذ ياسر ماعرف شأكولك والله العمر كله منكدر نوفي دينك والي سويته ويانة وخصوصا اليوم فضل مننسالكياه ابد ...
ياسر....لا ليضل ابالكم يمعودين قابل شمسوي وبعد وبعد الى ان تفض السالفة وحتى ايهم هم اطلعه من حبسه كعدنا وصاح خواته يسلمن ع ابوية وكعدنا كلنا فكلتلها لدعاء فدوة عندج فيس او فايبر اي شي اكدر اخابر ادهم منه هسة كلبه نار لان متعودة يومية اخابره ونحجي وياه ..
دعاء...ايي عندي ..
عسل..بعد اذن خالة واستاذ ياسر اكدر اخابر من دعاء بس اطمن ادهم اخوية لان هو برة وسولفتلهم عليه ... عاد هو مكال شي...
ام ياسر... تصرفي ع راحتج حبيبتي خابري يبعد روحي ليش تسألين كل التليفونات ترخصلج حبيبتي..
عسل...تسلمين خالة ضفت فيس ادهم وكبل دزيتله رسالة ع المسنجر ادهم حبيبي ضيفني اني عسل راسن هو دك وفتحت
كاميراجان ابوية يبجي ويشهك حجيت وياه طبعا كلها كاعدة وتتفرج عليه سولفتله لادهم بس مو كلشي لان ظل يسالني وانتو ليش مو بلبيت وهذا بيت منو واخذه ابوية وحجي وياه بس كلش مقهور وضايج لان هو بعيد ومابيده اي شي وطلب يحجي وية ياسر وفعلا اخذه وتعرف عليه وطمنه انو مراح يعوفنا لحد مايرجع وايهم يطلع من سجنه وتشكر منه ادهم هواااية وكله راح انهي كلشي هنا باسرع وقت وارجع كله ع راحتك حبيبي اهلك بلحفظ والصون يمي وترجع بالف سلامة رجعت حجيت وياه والي فهمته مختصر هوااية برسالته حتى يرجع لان جان عندة احساس اكو شي صاير ومستعجل بكلشي ومباقيله شي اقل من شهرين ويرجع لبغداد سديته منه وابوية كل شوية يتشكر منهم والي سووو ويانة .وطبعا اني كلسع ابوكلي نظرة منه وهو عابتله ولا عادها ابد بعد ...مسيطر الخبيث يباوع على ابوية وامه ويحجي كمنا دنريد نسوي عشا هو مقبل اني اكوم ...
عسل.....اكعدي عسل اني جبت عشا من برة بس يحضروه البنات انتي متكدرين ...
عسل..هذا كله وهو مدنج اني سكتت كلشي محجيت ربع ساعة وكمنا اكلنا وهو عبالك متقصد ميباوع عليه واني عيني شكد كوية بس اباوع عليه ومرات اصفن بدون وعي شكل وهيبة تسطر ميهلي اوخر عيني مرتب بشكل كله جينزات وتيشرتات كله سبورت النوبة شهم واخو خيته يعني من كلشي ياربي ..نكرصت من دعاء يبووو يمكن انتبهت عزة شكد عيب من اول يوم اخته انتبهت عليه يعني هو هم اكيد انتبه يعني اني شكد زاحفة ادري شبيه مشايفة رياجيل هذا سطرني سطرة مال يزي قهر فاتت الايام عادي وهو يحجي وية ابوية بلموضوع بس وحدهم وياهم خالة الي فهمته متفق وية كم شيخ عشيرة معارفه ودائما يوكفلهم ويكفوله ووياهم اسعد طبعا وواصلين لشيخ عشيرتهم ومتفق وياهم على كعدة بس اخوه ميقبل لاصلح ولا فصل ولا فلوس يريدها دم ليش كسروا اخوية وشكو بطنه......
للحكاية بقية.....
