GROWLING HEARTS

41. MONSTER PARTY (p.1)

TAISSA

Bukas na ang Monster Party kaya ngayong araw ay kukunin ko na ang costume na isusuot ko para bukas. Nagpresentar si Henry na sasamahan niya daw ako sa Dress Shop na kung saan ako magrerent ng susuotin namin.

"Hey nasaan ka na?" tanong ko kay Henry sa kabilang linya.

Kanina pa kasi ako naghihintay dito sa bahay kaya nagpasya na akong tawagan siya. Mabuti at sinagot na niya sa wakas ang tawag ko.

"I'm coming!" sigaw niya.

"Bilisan mo! Kanina pa ako naghihintay dito sa bahay. Asan ka na ba?" tanong ko.

"Malapit na ako, huminto pa ako para sagutin ang tawag mo." eksplinasyon niya.

"Oh sige, hintayin na lang kita dito." pinatay ko na ang tawag.

Wala na akong maisip na isusuot na itsurang monster kaya nagpasyahan na lang namin ni Henry na magsuot ng anti-hero costumes. Monsters din naman sila dahil mga kontrabida sila sa buhay ng superheroes.

Mga ilang minuto ang lumipas at dumating na rin si Henry. Rinig ko ang busina ng Motor niya sa labas.

"Nay alis na po ako!" paalam ko kay nanay na nasa likod ng bahay.

"Mag-ingat ka! Umuwi ka kaagad!" rinig kong sigaw din niya.

"Opo!"

Sinimangutan ko si Henry ng makita ko siya na nakangiti sa suot ang helmet. Daig ko pa ang shotang nagseselos. Wala namang kami at magkaibigan pa lang.

"Late ka!" asik ko ng makaangkas na ako sa Ducati niyang motor.

"Sorry Tais, hindi ko kasi namalayan ang oras." sabi niya na nakatagilid ang ulo sa akin.

"Okay lang," mahinahon ko nang sabi. "Basta huwag na mauulit."

"Yes Maam!" patawa niyang sabi.

"Tara na!" anyaya ko.

"Wear this first." inabot sa akin ang helmet. Pagkatapos ko itong masuot ay
pinaharurot na niya ang motor.

Malapit lang itong Dress Shop na pupuntahan namin kaya mabilis lang ito naming narating. Dumagdag pa ang mabilis na pagpapatakbo ni Henry.

"Good morning Maam, Sir." bungad sa amin ng anak ni Aling Shiella - ang may-ari ng Dress Shop.

"Good morning too." magalang din na gumanti ng bati si Henry. Ngumiti na lang ako.

"Kukunin na sana namin ang rerentahan naming costumes." ngiti ko sa babae.

"Saglit lang po ah," nginitian niya din ako. "may kausap pa si Mama sa loob."

"Ah sige, hintayin nalang namin siya dito." umupo kami ni Henry sa may upuan.

"We will be awesome supervillains tomorrow!" biglang excited na sabi ni Henry sa tabi ko.