Huli na ang tagpo na yun sa amin ni Mairo ....pero bakit andito ulit ako sa Pad ni Mairo at tahimik na hinihintay ang pag uwi nya?
After ng Engangement Party ng dalawa ay ibinigay nya sa akin ang susi ng Pad nya at sinabihan na bumalik na ulit dito...
At ako naman si Tanga agad agad na sumunod.
Huminga na lamang ako ng ubod ng lalim at saka tinakpan ang mga pagkain na niluto ko kanina kasi umasa ako na dito sya uuwi pagkatapos ng trabaho nya pero mukhang nagkamali ako.
Nang matapos ako ay umupo na ako sa Loveseat at kinuha ang cellphone na niregalo sa akin ni Mairo.
Balak ko sanang tawagan ito at tanungin kung nakauwi na sya sa Bahay nila o kaya dumalaw sya kay Giselle at kinamusta ang dalaga at ang Baby nila pero nagbago ang isip ko at sa halip ay binuksan ang Data ng Cellphone ko saka tinignan ang Facebook account ko para sana magpalipas ng antok pero sana hindi ko na lamang ginawa kasi tumambad lang naman sa mga mata ko ang mga larawan nina Mairo at Giselle na kasama ang mga pamilya nila at masayang kumakain....
Naramdaman ko ang pangingilid ng mga luha ko.
Ang sakit sakit kasi.....
Bakit ganito kasi akong tao?
Nasasaktan na pero sige lang ng sige,
Isinuko ko na lahat ng karapatan ko kay Mairo at handa na sanang pakawalan ito at tuluyan ng lumayo...
Pero nalasap ko lamang muli ang mga halik nito ay heto na naman ako sa sitwasyon na ito.
Patuloy na umaasa kahit na alam ko na tapos na ang laban at natalo na ako simula pa lamang at umaasa na lamang na maambunan ng kakarampot na pansin ni Mairo na alam kong mas dadalang pa pag naikasal na ang dalawa at naisilang na ang anak nilang dalawa....
"Ganito rin ba ang naramdaman ni Mama Ganda ko dati nun nalaman nya na nag eexist ako?" Tila sumakit ang ulo ko ng bigla ay may tanong na sumalit sa utak ko.
Sino ba ang Papa Pogi at Mama Ganda na yun na laging sumasalit sa utak ko?
Bakit pag nakakaramdam ako ng sakit at kirot sa dito sa puso ko ay sumasagi ang mga walang mukha ng mga yun sa isip ko.
Gusto ko na makasama sila at yakapin nila ako ng mahigpit, gusto ko din iiyak ang lahat ng sakit at hapdi na nararamdam nitong puso ko sa dibdib ng tinatawag ng utak ko na Mama Ganda....
Mapait na napangiti ako, marahil sila yun mga magulang ko at nangungulila lamang ako sa kanila...How I wish na makasama ko na silang dalawa maybe pag nagtuloy tuloy ang sakit na ito sa puso ko baka sumunod na rin ako sa kanila....reunion ba? Sukat sa isipin na yun ay malakas akong humalakhak habang tigmak ng luha ang mga mata ko.
___________
Hawak ang plastic bag na may laman na hamburger na binili ko kanina ay naupo na ako sa bench ng bus stop na papauwi na ng Batangas.
Lumuwas kasi dito sa Maynila para mag apply ng trabaho kasi nagdesisyon na ako na tuluyan ng lumayo kay Mairo pag ganap ng naikasal ang Binata kay Giselle and this time hindi na ako magpapaalam pa kay Mairo baka mapurnada na naman eh....
Isa pa ay dapat ko na din paghandaan ang pagdating ng bagong buhay paglipas ng walong buwan...
Yes...yung kalokohan ko....yung Joke na binitiwan ko dati kay Mairo ay nagkatotoo na at may higit isang buwan na sya malamang nabuo sya namin ni Mairo nung gabi ng Engangement Party.....
At wala akong plano na sabihin ito kay Mairo...what for pa? Baka hindi sya maniwala at kagalitan pa ako, isa pa
magkaka anak na din naman sila ni Giselle at lalayo din naman ako sa kanilang lahat at magbabagong buhay na kasama ng magiging Baby ko.....
Actually ang mas nagpatibay pa sa desisyon ko na lumayo ay ang naging pag uusap namin ng Kuya Cairo ni Mairo,
Nakiusap sya na layuan ko na si Mairo habang wala pang nasasaktan siempre si Giselle na yun....hay, ang suwerte talaga ng bruha at maraming nagmamahal dito at mas pinagdiinan pa ng Kuya ni Mairo na may Baby ng involved.
Kung papaano nya nalaman ang namamagitan sa amin ni Mairo ay hindi ko alam...hmm baka si Naira ang nagsabi...bruha kasi yun,ayaw talaga nya sa akin at mas gusto nya si Giselle para sa Kuya Mairo nya.
Nang makita nya na may paparating ng Bus ay tumayo na sya at akmang tatawid na ng may tila malakas na bagay ang sumalpok sa katawan nya na nagpabagsak sa katawan nya sa kalsada....
Nang tapunan ko ng paningin yun bumangga sa akin ay isa pala yun Puting sasakyan na hindi man lang ako hinintuan....
Tsk...na hit and run pa ako...ang malas ko naman....
Hmm....heto na ba yun?
Pupunta na ba ako kung nasaan sina Papa Pogi at Mama Ganda ko?
Oh well...may souvenier naman ako sa kanila....yun baby sa tummy ko.
Napangisi ako habang unti unting dumidilim ang paningin ko.....
