MIDNIGHT KISS Season II

Chapter 78: The Game Begins

Kaye POV

Nakakapagtaka bakit hindi bumalik si Celine? Mula pa kahapong hindi siya bumabalik.

"Olive hindi ba talaga siya nakapunta dito sa shop?" wala rin siya dito sa Midnight's Coffee.

Nasaan na ba ang babaeng 'yon?

"Wala po talaga Miss Kaye," sagot naman ni Olive.

Bakit ba kasi hindi rin makokontak ang number niya? Nag-aalala na talaga ako.

"Jason! Ikaw ba nakita mo ang boss niyo?"

"Mula po noong pagbakasyon niya hindi naman siya napunta dito sa shop," sagot naman ni Jason.

Nakailang paroo't parito na ako hindi ko pa rin talaga maisip saan pa siya pwedeng pumunta.

Sa Laguna kaya?

"Kaye!"

Tawag sa akin ni Jayden.

"Wala rin siya rito Jayden. Nag-aalala na talaga ako. Paano kung may masamang nangyari sa kanya?" nag-aalalang sabi ko kay Jayden.

Mula siya sa hospital. Sinubukan niyang hanapin doon si Celine.

Hindi ko talaga mapapatawad ang sarili ko 'pag may nangyaring masama kay Celine. Ako pa naman ang nagsabi sa kanyang tanungin niya si Tito Mikael.

"Wala talaga. Tinanong ko si Tito pero ang sabi niya umalis naman daw agad si Celine. Tiningnan ko ang footage na sa parking burado ang time na papunta siya roon."

Oh my God!

Hindi ko talaga alam kung anong gagawin ko kapag nawala si Celine. Ano na lang ang sasabihin ko sa mommy niya pag nawala siya?

"Wala rin siya sa Avila," sabi naman ni Em na bagong dating.

Celine naman! Bumalik ka na! Nag-aalala na talaga kami sa 'yo. Promise ko bibilhan kita ng Stitch mo.

"KAYE, EM, JAYDEN!" sigaw ni Mika nang papalapit sa amin kasama si Seb. "I got it! Celine's name was registered at PAL! She's heading to Australia!"

"Australia?!!" tanong naming lahat.

Australia? Ano namang-

Si Renz!

"Pupuntahan niya si Renz," sabi ni Em. Pareho kami ng hinala.

"No," napatingin kaming lahat kay Jayden. "If she's going to Renz why she deleted her footage in GMH but used her name registered at PAL?" bigla akong napaisip.

Bakit nga naman gagawin 'yon ni Celine? Ang sabi niya lang kahapon pupunta siya kay Tito Mikael para malaman kung magkapatid nga sila ni Galvan.

"Who could it be?" napaisip rin si Mika.

"Maybe France is behind this," seryosong sabi ni Jayden sa amin. "Siya lang naman ang alam kong may motibo para dukutin si Celine."

"Oh my God!" napatingin naman kami kay Mika. Bigla siyang umiiyak. "F-france... F-france told me b-before they left. She s-said if we do w-wrong move we could r-ruin K-kuya's plan. I think Kuya left to protect us. To protect Celine."

Sabi ko talaga e. May sa ahas talagang babaeng 'yon. Humanda siya 'pag nalaman ko lang talagang may kinalaman siya. Babalatan ko talaga siya ng buhay.

"Miss Kaye..." tawag sa akin ni Olive.

"Tumawag na ba si Celine?!"

"Hindi po! Nakaharang po kasi kayo. May mga costumer na po kasi hehe."

Napapikit ako sa inis.

"Balik na lang tayo ng Avila. Babe remind me killing Olive after I kill France," nabalot naman ng takot ang ekspresyon sa mukha ni Olive.