حسام و كنزة

شابتر 1

اليوم هو اسعد يوم في حياتي فرحتي مانيش عاطيتها لواحد اليوم خرجت نتيجة امتحان شهادة التعليم المتوسط نجحت بمعدل 18,26 ماما تعنق وتبوس وبابا تاني نسييييت ماعرفتكمش على روحي أنا اسمي كنزة عمري 16 سنة عايشة في عائلة ميسورة الحال والحمد ل الله عندي 3 اخواتي بنات و 3 ولاد وانا الوسطانية فوقي 3 و تحتي 3 نضن طولت عليكم حكايتي بدات فاليوم لجات فيه صاحبتي المقربة وعرضتني ل الحفلة لي دارتها في دارهم الجديدة لأنهم رحلو من كارتينا
بعد اسبوع قاعدة مع أمي و إخواتي لبنات نحكيو دق دق الباب راحت أختي الصغيرة رباب تفتح. شويا وجات قاتلي صحاباتك راهم يناديولك خرجت لقيت امال صاحبتي و نورهان اختها ترميت على امال عنقتها
أنا:امولة حبي توحشتك هكذا من نهار رحلتي ماحوستيش علينا
أمال:يا كبدي وانا نقدر ننساك نتي هوما 15 يوم ماشفناش بعض رديتيهم عام هههههه
أنا :والله توحشتك مبروك علينا والله فرحتلك من قلبي كيقالولي لبنات
نورهان:احم احم والله الضاهر اني مخفية مانبانش قدامكم
أنا:والله غير نسيتك هههه
سلمت عليها وعرضت عليهم يدخلوا
امال:والله ماعندي وقت جيت نعرضك لحفلتي بعد غدوة
أنا: انشاء الله نجي والله نشوف مع بابا و نقولك
امال:ارواحي حبي stp ديجا راني معولة عليك
انا:اوك بإذن الله نجي
روحوا لبنات وانا رحت قلت لماما قاتلي يجي باباك شوفي معاه
روح بابا رحت نجري عندو قتلوا يديني قالي انا نخدم (نسيت ماقتلكمش بابا يخدم شرطي وماما ماتخدمش قاعدة فالدار) أنا:بابا Stp والله صاحبتي المقربة ماتصلحش نخليها وحدها نهار حفلتها
بابا:علابتلي مي الطفلة رحلت و دارها بعيدة حتى كي نوصلك انا شكون يجيلك
انا:بفففف اوك رحت لبيتي وقعدت نبكي والله كنت باغيا نروح داتني عيني ودموعي في عيني المهم الغدوة هاديك نضت عاونت ماما في شغل الدار و ريحت نكونيكتي مليت وحدي قلت نروح نقول ل ماما تخليني نروح عند دار خالي أنا:ماما مليت وحدي لبنات خرجوا يحوسو وانا قاعدة وحدي بفففف حبيت نروح لدار خالي
ماما:اوك روحي و ماتبطايش
رحت لبست سروال و بيل نوار نسيت ماوصفتلكمش روحي انا قصيرة و لاطاي نتاعي معدولة ماما تقولي تباني مرسومة شعري واصل لخصري اكحل و عينيا كوحل عندي حفرات الزين بلا مانضحك يضهروا المهم لبست سروال نوار و بيل قصير نوار طلقت شعري وخرجت دار خالي اصلا موش بعاد علينا في نفس المنطقة تقريبا نمشي فالطريق و لولاد يرميو فالهدرة و البوسات هههه نحسهم تافهين وصلت لدار خالي قعدت عندهم حتان لعشيا و روحت.....