حسام و كنزة

11

رحت نجري لقيت ماني وجدي يتقابضوا وامير في وسطهم باغي يهدي الوضع هزت ماني لمقلة وتقول لجدي:والله يالوكان ماطلقش هاديك اللفعة غير نحاوزك من الدار  جدي:يامخلوقة انعلي الشيطان شكون نطلق  ماني:هاديك اللفعة نتاع عيشوش  جدي:ربي يهديك المخلوقة عندها 10 سنين من لي توفات ونتي تجبدي فيها  انا:هههههههههههههه ماني عقلها راح  رحت نجري جبت موبيلي ودرت سلفي وهوما يتقابضو ههههههه سلفي والحرب خلفي......... عيطلي حسام حكيت معاه قالي بلي عرس اختو بقالو 15 يوم وقالي لازم تجي ههههههه حبي توحشني قعدت سمانة ونا في دار جدي فوتهم ضحك وتمسخير ههههههه  اليوم روحت لدارنا لقيت ماما و خواتاتي قاعدين يحكيو سلمت عليهم وقعدت معاهم  ماما:كنزة في رايك شكون عرضنا للعرس  انا:ماعلاباليش شكون؟؟ماما:جات البارح سليمة أم امال صاحبتك عرضتنا لعرس بنتها  انا:امممممم وحاتروحي و غمزتلها ماما:لالا مانروحش مانيش قاعدة  انا:فففففف ماما علاش عليك والله غير بغيت نروح نشوف امال توحشتها  ماما:توحشتي امال ولا خو امال هههههههه  انا:هههههههه يا ماما توحشتهم لزوج  ماما شالاتني بالبليغة  ماما:والله ماتحشمي  انا:هههههههه نتي سقسيتي وانا جوبتك  ماما:اقلبي وجهك عليا لانجي نفزدهولك  انا:هههههههههههه ماما ربي يعيشك قولي يخي نروحو  ماما:ايه نروحو بركاي ماتندبي على راسي  رحت عنقت ماما و بستها ودخلت لبيتي نشوف فلي روب نتاعي وحدة ماعجبتني رحت عند ماما قاتلي غدوة نروحو نشريو  الغدوة هاديك رحت شريت روبا بيضا بالذراع باش شراتهالي ماما قاتلي تبان ناتع عرايس وشريت طالون بيض رحت عند الماشطة حكمت رونديفو وروحت عيطت لحبي  انا:حسومي عمري كيراك  حسام:لاباس الحمد لله ونتي  انا:لباس عمري واش راك دير  حسام:هدا وين خرجت من البيرو راني رايح نشري ل يما صوالح وصاتني عليهم  انا:اممممم اوك  حسام:اسمعي ياك حاتجي للعرس  انا:oui عمري راح نجي  حسام:توحشتك ياجدك راني نستنا و كتاه يجي لخميس باش نشوفك  انا:حتى انا توحشتك راو مابقاش يومين ونتلاقاو حسام:اه واش حايفوتلي هاد اليومين المهم عمري نخليك دورك راني نسوق  انا:اوك حبي ماتسوقش بزربة  حسام:اوك مايكون غير خاطرك  باش مانطولش عليكم جا يوم الخميس نضت على العشرة درت دوش ورحت عند الماشطة دارتلي شعري كورلي و حكمتهولي لفوق دارتلي ماكياج خفيف غير الغوج لي قاوي روحت لدار لبست وقعدت نستنا في ماما و خوتاتي يكملوا  انا قاعدة نلبس فالسنسلة و عيطلي حسام:كنزة راكم طولتو بزاف وكتاه تجيو  انا:ساي عمري دورك يجي بابا و نجيو  حسام:اسمعي البسي عبائة و ماديريش ماكياج و هبطي راسك كي تمشي  انا:اوك حبي كيما بغيت  حسام:اوك كيما وصيتك فهمتي  انا:ايه حسام فهمت راو جا بابا يدينا  حسام:اوك حبي ازربي مانيش قادر نزيد نصبر ............ انا لبست غير عبائة و مانحيتش لغوج كيعاد عجبني و ماكانش منين نعاودو نتاع الماشطة...... جا بابا وصلنا انا نزلت من الطاكسي ونشوف في حسام جاء يجري عند بابا سلم عليه وقالنا ادخلوا شفت عندو شنف عليا...... دخلنا ل لاصال لقيت ماماه فالباب سلمت علينا و منبعد جاو خوتاتو سلمو عليا جاتني امولة الكلبة توحشتها عنقتها و قعدنا نحكيو  جاو دار لعريس الحالة تقلبت بالبارود و الغناء انا نشطح مع امال خوتاتي قاعدين مع ماما و معاهم نسا مانعرفهمش هكاك و تجي عندي نورهان قاتلي:كنزة حسام راو الفوق قالك زوج دقايق نلقاك عندي  انا:وين الفوق  نورهان:اطلعي فهاد الدروج تلقاي بيت على يدك اليسار تلقايه ثما طلعت وانا خايفة اليوم يقتلني حليت الباب لقيتو قاعد حاط رجل على رجل هاز قارو في يدو و يتكيف  حسام:ماكنتش معولك تجي  انا:لازم نجي حبيبي عيطلي و مانروحلوش  حسام:صدقتك كيفاش ا لالة انا نمشي و نوصي ونتي هدرتي دخلت من وذن خرجت من الاخرى  انا:والله يا حسام غير غاضني الغوج ماقدرتش نمسحوا جاني شباب بزاف  حسام:انا نضن بلي نتي ماعندك حتى حاجة في حياتك غير انك تقلقيني و تهبليني و تجهليني حابتيني نخرج من رحمة ربي اهدرييييي (يحكي وهو يصيح)  انا:والله والو حسام سامحني والله ماو قصدي نقلقك ياك تعرفني نحب نكون شابة  حسام:ايه احشيلي بالقدر  انا:ساي اضحك اليوم عرس اختك ماكالاه نفزدوه حسام: ايه خلي يفوت العرس و نتفاهمو رجعت هبطت لتحت لقيتهم مروبلينها بالشطيح زدت دخلت معاهم شطحنا حتان غلبنا  جا وقت العريس يدخل يدير لخاتم لسهام عيطلي حسام قالي:اسمعي راو حايدخل راجلها يديرلها الخاتم و حايدخلو معاه صحابو البسي عبائتك و نحي الغوج و اقعدي مع ماماك و ماتتحركيش و ماتضحكيش  انا:وما نتنفسش  حسام:اسمعي الكلام واسكتي دخل لعريس ودخلوا معاه صحابو شطحوا و غناو دارلها الخاتم و كلاو القاطو وشطح معاها وانا قاعدة في بلاصتي ماتخركتش اصلا كيفاش نتحرك وهو قاعد عند راسي..................  روحو دار العريس و بقاو غير نتاع العروسة دخل حسام باس اختو من راسها و هدالها براسلي نتع ذهب  وناض يشطح معاها جا جبدني من يدي و شطحني معاهم  شطحت معاه بردت قلبي مكانش هامني فاناس لي يتغامزو و يحكيو علينا كل ليكان هامني هو حسام  قدم لوذني وقالي:راني طالع لفوق دقيقة نلقاك لحقتيني هو طلع وانا رحت عند ماما قتلها نروح لتوالات  لحقتوا انا حليت الباب هو جبدني من يدي خبطني فالحيط حاوطني بيديه وقالي:واش درتي فيا راكي خرجتيني من كل عقلي ماخلانيش نجاوب جبدني وعنقني