حسام و كنزة

6

دخلت لصال انا فالعراس ماناكل مانشرب ومانحوس على حتى حاجة ابار الشطيح دخلت من لباب نحي فالعبائة ونشطح ماسلمت لا على الجيران لا على صحاباتي حتان كملت شطيح جات عندي ماما  ماما:بخصتي بيا وجه الشر تباني في حياتك ماشطحتي روحي سلمي على الناس  انا:ففففف نسلم على هادو كامل يروحو يجيبوا لعروسة ويكمل العرس ويروحو فواياج دو نونس وتهز الكرش وتولد وانا حتان العقيقة نتاع ولدها باش نكمل تسلام  ماما:روحي واسكتي  رحت نسلم ونعاود حتان خدودي عدت مانيش حاسة بيهم (ماسلمتش عليهم كامل وحدة نسلم عليها وعشرة نخليهم ههههههه) وصلت عند ام حسام و خواتاتو نبوس ونعاود خسارة مجاتش امال صاحبتي (حسام عندو 5 خواتات بنات وغير هو طفل) رجعت حذا ماما شوي وجا خو العريس قالنا لبنات ليروحو فالكورتاج يجيو رحت نجري لبست عبائتي بلا مانقفلها خرجت نلقا موسيو حسام شافني ماهدرش حتى معايا دارلي بيدو نتاع ديري دوميتور وليت رجعت كي القافزة قفلت العبائة و مسحت الغوج وخرجت قالي وليد جارنا هيا تركبي معيا جيت رايحة حتان جاتني اختو ريمة  ريمة:هيا حسام راو يستنا فينا  انا:اوك هيا نروحو  ركبت انا و ختو ريمة من لورا و ختو سهام من قدام (هو لكبير و منبعد سهام ومنبعد ايمان و منبعد ريمة و منبعد امال و الصغيرة نورهان)  ديمارا وطلقنا لغنا خلانا على راحتنا كيعاد لكاروات نتاعو فيمي يعني مانبانوش غنينا صفرنا ههههه روبلناها بصح السخانة فالطونوبيل زيد كيفاش يشوف عندي نكشت اختو  انا:قوليلو يحل الكارو راني شعلت حتان شعري هبط  ريمة:حسام ماعليش نحل لكارو كنزة راي قلقت  حسام:لالا ماتحليش  انا:ريمة شوفي هو حال الكارو نتاعو وحنا لالا انا دورك نحل  حسام:قوليلها تحلو نرميها منو  وصلنا لدار لعروس صحاب لعريس برا روبلوها لي فيميجان البارود لغنا وهوما يشطحوا روعة نزل سي حسام انا جيت هابطة هو قالي  حسام:وين ! خير !  انا:حانهبط نشوف كيفاش يخرج لعروسة  حسام:الله الله اقعدي وبلعي فمك قالك نهبط الزوفر الرجال ونتي تدخلي في وسطهم هداك ماخص  خبط الباب وسكرو من برا دار دارلي باي باي وبعثلي بوسة انا بزقت عليه ستر ربي لكاروات مايبينوش هههههه قعدت ناكل في روحي قاتلي اختو  سهام:ماعليش دورك توالفي حنا ساي والفنا ههههههخخه ريمة:ههههههههههه اسمحيلي مي راكم مهابل هههههه انا:إيه اضحكوا و زيدو انا حا نترتق ونتي تضحكي شوفي شوفي كيفاش راهم مروبلينها غير حنا ليقاعدين اوفففففف لبرا كانو يشطحوا ويغنيو و يصورو و انا قريب نندب قعدو نص ساعة و جاء حل الباب حسام:كنزة حبي يخي بغيتي تشوفي كيفاش يخرجها راني صورتهملك  انا:هيهيهيهيهيهيهي حبي زيدهم في روحك دوركا  حسام:ايا بلعي فمك مابقاش قدر اووو راني كبير عليك هههههه يضحك غير باش يقلقني بففف اصبر تشوف نوصلو  وصلنا لاصال زادو روبلوها و للمرة الثانية يغلق الباب ويخرج خلاني ناكل في روحي  ريمة:اسمعي نعرضوك في عرس سهام ارواحي  سهام:إيه راني نجي نعرضك في عرسي عندك ماتجبش  انا:ان شاء الله بصح خلي السي خوك بعيد عليا هههههههههه  سهام: هههههههههه ا مانوعدكش ههههههه حتان دخلوا الناس كامل ودخلت لعروس باش جا فتحلنا الطاكسي وتاني وصلنا حتان لباب نتع لصال دخلت رحت عند ماما شافت فيا وقاتلي  ماما:نتي الناس كامل دخلو دار لعروسة قهواهم قريب يروحو ونتي هدا وين تجي ههههههههه انا:اسكتي برك راني قريب نندب حكيتلها لحكاية ضحكت وقاتلي: تستاهلي لكان نلقاه نقولو يعطيك الصحة يعني كيتخرجي وسط الرجال واش الفايدة اركحي شح فيك  انا:زيدي معاه زيدي خليتها ورحت نشطح ههههههه الحاجة الوحيدة ليمانسمحش فيها ههههههههه  جا وقت يدخل العريس يلبس الخاتم لمرتو وباينة يدخلو صحابو نشوف في سهام و ريمة تخطفوا يجريو لبسو العبايات و دارو لخمارات انا هكاك ويصوني موبيلي اه واش بغا  حسام:اسمعي البسي عبايتك و قعدي قدام امك ماتتحركيش  انا:ففففففف اوك وكوبيت عليه رحت لبست عبايتي ماما مسكينة بقات مشوكية فيا موالفا راني نشطح ماعلابالي بوالو واليوم جا الموسيو وحكم بحكامو ماعليش كل شيء علاجالو يهون  دخل لعريس و صحابوا و بيان سير السي حسام ههههههه شافني قاعدة عاقلة ضحك معايا و غمزلي وانا راني حا نترتق بغيت نوقف نشطح و نزغرت و نصفر مي خفتوا وليت قعدت كي لعاقلة نتفرج وساكتة ..... وصلني مساج من عندو