حسام و كنزة

30

حسام: لالا بديتي العملية و كملتيها مي فالاخير شريان نتاع القلب تقطع و الدم طار عندك نتي جاتك كرييز و طحتي دختي......
انا: لالا حسام راني متأكدة مادرتش العملية لالا ماقتلتوش
حسام: نتي يبالي هبلتي.... يا لالة درتي العملية و نحيتيلو اعضائو و من بعد دختي وانا جبتك لبيتي وهدا وين فقتي فففففف منك
انا: بديت نبكي ونعيط على طولي..... مانيش قادرة نستوعب بلي انا قتلت روح...........
جاء عندي سؤال حسام قعد قدامي جبدني لعندو وعنقني.... انا ستسلمت لحضنو..... وزدت عنقتو بكل قوتي..... ونبكي.... هزلي راسي وقاللي: على وجه ربي ماتبكيش.... دموعك راهم يقتلوا فيا..... حط شفايفو على دموعي ويمسح فيهم بفمو ومن بعد هبط عينيه لففمي بقا يشوف فيه..... وبدون سابق إنذار يغطس في شفايفي.... على الاول كان يبوس بالشوي... من بعد...بدا يقوي..... كان يبوس فيا بعنف يعض في شفايفي ويمص فيهم بقوة ..... وينحي فتريكوه في نفس الوقت ..... وبحركة خفيفة قلبني تحتو.... طلع فوقي ويبوس فيا من بعد نحالي الخمار و هبط لرقبتي يبوس فيها .... هزلي يديا و حكمهم بيدو ....ويد وحدة حاكملي بيها شعري ... طلقلي يديا........ حطيتهم ورا ضهروا ..... .......غمضت عينيا..... كنت حابة نعيش اللحظة...... مي مافهمتش واش صرا..... حليت عيني نلقاه وقف و دار للحيط... يمشي و يجي ... فوت يديه على شعرو و وجهو.... و ضرب يدو فالزجاج نتاع الخزانة ... الدم بقا لاصق فيها .. انا تخطفت.... وقفت و رحت عندو.... دار شاف فيا.....مسيتلو يدو راح نشوفها..... عيط عليا وقاللي: ماتمسينيش و ماتقربيليش.... ربي راو عالم كيفاش راني حاكم روحي عليك.... ماتخلينيش نغلط.....خرج و خبط الباب.....دموعي هبطو من جيهة تفكرت بلي انا قتلت انسان ماعندو حتى ذنب..... ومن جهة حسيت روحي رخيسة..... حسيت روحي عاهرة..... كيفاش خليتو يقربلي.... كيفاش قدرة نضعف قدامو..... قعدت عالسرير نبكي ونلوم في روحي......انا مخطوبة.... ونعتبر خنت خطيبي مع راجلي القديم..... ااااااااه ياربي سامحني.... مانيش عارفة واش ندير............ نضت لبست خماري..... عدلت قشي..... حليت الباب وخرجت...... نشوف في حسام قاعد يديه بين راسو.... يدو مزالت تنزف..... هز راسو وشاف عندي وقاللي: ادا راكي واجدة هيا نوصلك تروحي
انا: ايه... هيا نروحو..........مي حسام يدك راي
حسام: مراحلكش في رب يدي.... هيا اخرجي ....وصلت قدام الباب عيطلي
حسام: اسمعي... استناي نبدل قشي و نخرجو
انا: قلت في قلبي : قبيل كان يبوس و يحضن... ياعمري ويا حبي و دوركا.. اسمعي..... انا لي نستاهل... رديت روحي عاهرة....
انا: لالا خلي دورك انا نخرج نستناك برا
حسام: وين تخرجي ليماك....ففففففف.... بلعي فمك عليا ماتجهلينيش........
قعدت نستنا فيه... راح بدل و جا..... .....................................................
ركبنا فالطاكسي و مشا..............انا نشوف غير مع يدو المجروحة..... قلبي وجعني عليه...... مي هو كلي ماوش حاس بيدو ......يتصرف ببرود.... الحاجة لي خلاتني نقلق منو انا:فففففف حسام شوف يدك.... علاش دير هكدا هيا نروحو لكلينيك يخيطوهالك
حسام: .....جيت شكيتلك ؟؟؟؟ اسكتي عليا يرحم باباك......
انا مالقيتش واش نقول.... ااااااه واش داني نجي لهنا حتان يصرا فيا هدا كامل.................................
انا: ديني لكلينيك ماشي للدار
حسام: علاش ؟؟؟
انا:اليوم نخدم فالليل
حسام: فففففففففففففف
..........................................................................................................
وصلني قدام لكلينيك قبل ماننزل قاللي حسام: كنزة.... ممممم والو والو تقدري تدخلي........جاتني خيبة أمل... كنت متوقعة يطلب مني السماح.... يعتذرلي.... يدير حاجة تخليني ننسا لي دارو....... انا اصلا مانيش مصدقة بلي درت العملية يعني حتى لو فقدت الوعي كي نفيق راح نتذكر....... ففففففف كرهت من التخمام......... طلعت لبيرويا..... جبدت وراقي نحتاجهم...... و عاودت خرجت..... حبست طاكسي. ورحت للدار.............. حليت لباب نلقا الدار فارغة..... من بعد تفكرت بلي ماما راحت عند اختي...... طلعت لبيتي نلقى ميساج من عند حسام.... حليتو وياريتني ماحليتوش..............
حسام: ادا في بالك بلي فوتيها عليا..... مي دورك ماوش وقت نحاسبك على هادي...... مي شوفي واش راح يصيرلك................ شوي و وصلني فيديو حليت تفرجت فييه.... حطيت يدي على فمي و بديت نحكي مع روحي: ابردي دوركا.... خسرتي حياتك...... رجعتي قاتلة.نبكي و نضرب في روحي يعني انا مجرمة...... انا قتلتو......مانيش قادرة نصدق..... كنت فحالة انهيار..... صونا موبيلي ماقدرتش نهز........ماعرفتش قداش بقيت نبكي ونعيط.... انا مانيش انسان.... مانستحقش نعيش.... انا قتلت روح بريئة..... لازم حتى انا نموت لاززززززم....... خرجت من بيتي نكركر في رجليا.... راح نهبط للكوزينة..... هبطة الدرجة الاولى......حسيت روحي دايخة.... اووووووب نحس في روحي نتكركب فالدروج............ من بعد ماحسيت بوالو..............................................نسمع في صوت ماما ميييي بعيد نبان كنت نحلم
ماما: بنتي واش بيك واش صرالك....تبكي وتحكي........... كنت حابة نوض نعنقها مي ماقدرتش...... نحس في روحي ثقيلة.............. ............................................
حليت عينيا نحس في راسي ثقيل مقدرتش نهزو.........نشوف في ماما مسكينة قاعدة على الكرسي هازة مصحف وتقرا..... بابا قاعد تاني ومغمض عينيه..... ااااااااااه ياربي علاش مامتش...... انا مانستاهلش نعيش....... لوكان نموت خير..... نتهنى انا..... ونهني ماما وبابا..... لي راهم يعانيو معايا....... شافتني ماما ناضت عندي.........
ماما : كنزة بنتي فقتي.... الحمد لله..... والله شطنت عليك.......
انا ماقدرتش نحكي غير دموعي هابطين...... حكمتلها يدها و لضيت عليها......... جا بابا باسلي راسي... وقاللي: ربي يشفيك يا بنتي..... تحل الباب...... دخل رحيم و معاه نورهان و ماماها..... و سي حسام وراهم.... ينطبق عليه المثل لي يقول.... يقتل القتيل و يمشي فجنازتو........ قدم عندي رحيم.... باسني من راسي وقاللي:سامحيني ياختي انا السبة فلي راكي فيه .....ماركزتش بزااف مع هدرتوا اصلا مافهمتش واش كان يحكي .....................ماماه: ربي يجيبلك الشفاء ......
ماما: كثر خيرك كي جيتي و طليتي عليها
ماماه: الواجب واجب يا ختي وانا عدوي ومانشتيلوش الضر ......................ففففففف لوكان تشوفي ولدك واش راو يدير.... الهدرة ماتقدريش تهدري........ تحل الباب دخل الهم نتاع هيثم..... فففففففف هداك ماكنت خاصة غير هو جا يجري عندي.... زعمة خاف عليا..... هزلي يدي باسها.... وقاللي:حبيبتي عمري واش بيك والله خفت عليك... ربي يشفيك حبي ربي يشفيك... فففف بقيت نشوف معاه متقززة من لمستو ليا........من بعد قاللي: عمري اليوم نبات انا معاك باش ندير بالي عليك .فففففففف منو فففففففف نحيت يدي من يدو ............ودورت راسي نشوف فيه متكي على الحيط..... يديه في جيوبو.... ويشوف عندي......... غمزلي ووقاللي: ربي يجيبلك الشفاء خوفتينا عليك................ شنفت عليه ودورت راسي..... غمضت عينيا..............................................
ماما: كنزة بنتي.... انا نوصل للدار.... نجيبلك حويجك ونجي............... غمضت عيني وحليتها... نتاع ايه روحي...... كعاد مانيش حابة نحكي... وخزت عند هيثم وعندها... فهمت بلي قلتلها كركري معاك هداك الحمار ...لا تجيني سكتة قلبية منو ..... خرجت ماما وجبدت معاها هيثم زعمة تحتاجو.... لحقها بابا و زادت نورهان و حسام وامو و رحيم....... رجعت غمضت عينيا....ورقدت.......... .....................................................
نحس في حاجة تلعب على وجهي..... حليت عينيا نلقا..... نلقا حسام قاعد قدامي و يفوت في صباعو على وجهي................ بعدت وجهي وقللتلو بصوت ضعيف: ماتمسنيش اخرج عليا.... اخرج
حسام : حبي سامحيني...انا السبة فلي راكي فيه..... .
انا تفكرت واش صرا بديت نبكي.... وقلتلو حسام انا قتلت انسان......انا مجرمة........
حسام: اششششش حبيبتي.... ماتبكيش.....نتي ماقتلتي حتى واحد..... الفيديو كان مفبرك.....نتي مادرتي والو
انا: لالا حسام (و زدت قويت فالبكا) انا قتلتو ....انا شفت لفيديو......انا قتلت انسان بدم بارد.......
حسام: لالا كنزة سايي ماتبكيش نتي ماقتلتي حتى واحد..... انا خدرتك قبل ماتبداي العملية..... والباقي كامل مفبرك..... ادا حبيتي نجيبلك الراجل لي على اساس راح ديريلو العملية
انا بقيييت نشوف معاه مشوكيا
حسام : والله ياكنزة غير كلش كان تمثيل.....انا درت هكدا باش نخوفك..... هاو الفيديو الحقيقي ادا ماصدقتيش....... نعتلي فيديو... لبسلي ليغون.... ونشوف فيهم مدخلين واحد من بعد انا حكمت المشرط...... و يجي حسام من ورايا حطلي مخدر على وجهي.... ودخت ..........بقيت نشوف معاه فهاديك الدقيقة كنت حابة نحضنو.... نضربو... نخنقو..... عداها عليا الكلب......سكت شوي من بعد قاللي...... وزيد كيفاش صدقتي بلي انا وخوك ....نخدمو مع لامافيا
انا: حسام اخرج من قدامي خير مانرتاكب فيك جريمة....
حسام: سايي حبي سامحيني والله اخر مرة ......كي سمعت بلي راكي فلكلينيك قريب متت..... لوكان كشما صرالك كنت راح نقتل روحي..... سامحيني كنزة
انا: حسام مانيش قادرة نحكي..... خليني وحدي ربي يعيشك
حسام: ايه كيما تحبي.... المهم نتي ماتقلقيش..... وسامحيني............
خرج وقفل الباب وراه..... وانا دموعي نزلو...... يعني كلش كان تمثيل.... انا ماقتلت حتى واحد.......