حسام و كنزة

37

وصلني لدار وراح .....دخلت لدار جات عندي ماما تسب فيا ههههه
ماما: انتي راح تخرجيني من عقلي الناس ضرك يجو يقراو الفاتحه تاعك وانتي مزالك موجدتيش روحك وتتهوملي ف الزنقه
انا : ههههههه ماما واش بيك متقلقيش وديجا ناس هذو لراح يجو يقراو فاتحتي...كنت نتهومل ف الزنقه مع ولدهم هههههه
ماما: ههههههه ربي يحفظكم م العين.....
طلعت لبيتي او جبدت شعري ولبست غوبا غوز بيبي وطالون نوار ... ودرت مكياج خفيف....جيت راح نهبط التحت عند ماما نشوف ف حياة اختي جات لعندي وقالتلي: كنزه مكلاه تهبطي راهم وصلوا ...عاودت دخلت لبيتي قعدت ندير ف سالفي ههههههههه حتى وصلني مسج من عند حسام حبي اني نستنا عل نار وكتاه تولي مرتي.....
بقيت نقرا ف المساج ونضحك حتى جات ماما عيطتلي باش نهبط
دخلت لصالونلقيت ماما وخوتاتي كامل جاو جات خالتو وبنات خالتو ف زوج ومرت عمو وبنات عماتو ف 3 وعمو.. وانا لقيت خالتي وبناتها ومرت خالي وعروستها وعمتي وبيتها سلمت عليهم كامل قعدت معاهم حكينا وضحكنا جا خويا قالنا بلي قرينا الفاتحه او وليت مرتو عند ربي....دخل لبسلي الخاتم والبارير و ماماه لبستلي الخاتم نتاعها لبسهولي المره لفاتت ورجعتهولهم وقالتلي : نتمنى هذا الخاتم يبقى ف يدك ومتنحيهش كيما المره لفاتت ان شاء الله الوقت لتنحيه تلبسيه لمرت ولدك وسلمت عليا وخرج حسام ...... وبقينا حنا نحكو ونضحكو حتى دخلت عمتي ومرت عمي امو لهيثم
عمتي: واش يا سيدي ديري في لعراس ومتعرضناش بصحتكم
ام هيثم : هيه خلات ولدي ورجعت عند هذا... الله لا تربحك يا خامجهربي جبهالك ف صحتك او في راجلك يا ال.....
عمتي زاهية : احترمي روحك راكي في دارها وتسبي فيها احشمي عل روحك
جا محمد يجري يشوف واش كاين ..دخل يشوف فيها كفاه تعيط وتسب ... هبط راسو اصلا واش راح يقدر اقول مرت عمو وعمتو اسبو ف اختو وعايرو فيها عمتي: يا الفاجره يا الخامجه بدلتي ولد عمك بهذا الخامج ...
ماما: انتي هي الخامجه ومتحشميش تجي لدار خوك وتهضري هك في بنتو....اخرجي من داري اخرجي
مرت عمي : الله لا تربحك يا كنزه ربي يجبهالك ف راجلك ولادك يا الفاجره ........جا بابا يشوف واش كاين يلقى مرت خوه واختو اسبو ف بنتو....
بابا : اخرجوا من داري منسحقش نزيد نشوف وجوهكم قدامي جايين لداري وتسبو بنتي..مليحه هذي...

عمتي : تحاوز اختك..بصح ربي يخرج فيكم ويحرقكم كامل ....بابا : اخرجوووووووا من داري.... راحت عمتي ومرت عمي....انا مقدرت نهضر حتى كلمة بقيت مشوكيا فيهم مقدرتش نستوعب واش راو يصرا....جات عندي ماما عنقتني وقالتلي مدريش عليهم....راي الغيرة دايرتلهم هك......حتى ام حسام جات عنقتني وقالتلي مدريش في بالك ومتقلقيش..............رجعو يحكو نورمال كلي مصرا والو مي انا مقدرتش ننسا ...مهما كان راو جاو لداري وهانوني نهار الفاتحه تاعي..........
روحوا دار حسام بقينا غير احنا .... ماما تحكي مع بابا وتعيط: والله يا مجيد غير اختك ومرت خوك لا يزيدو يدخلوا داري.....
بابا : واش تحبني ندير ياك حاوزتهم .....تحبيني نروح نضربهم ....ماما: مقلتلك اضبرهم بصح انا منسحقش نشوف اختك قدام باب داري يا لوكان فايته
بابا : ربي صبرني برك والله ملقيت واش ندير
خرج بابا وبقينا غير احنا نسا مع بعضانا كنا نحكو حتى هضرت عمتي: هذوك غير خافي منهم يعودوا كاش ما يديرو لبنتك سحور ولا كاش حاجه تفرق بينها وبين راجلها ...هذوك ميخافوش ربي ....ماما: ربي يستر والله يا زهية اختي راني خايفه طول عليها....عمتي: هيه عندك الحق ياك المره لفاتت كانت راح تدي الخمار تاع بنتك باش تسحرها وستر ربي فاقت بنتك ......ماما: وخاه وكتاه هذي .....عمتي : فالفاتحه تاع كنزه وحسام ...انا قالتلي بنتها بلي دخلت لبيت بنتك باش تدي خمار يسحروها فيه...
انا : اييي تفكرت نضت في ليل لقيت عمتي واقفه عند راسي...انا وقت شفتها دخت م الخلعة....
ماما: ايه تفكرت يا خوفي كاش ما يديرو لبنتي المسكينه.......انا: ماما متخفيش احنا نأمنوا ربي و ان شاء الله ما يكون غير الخير
مدابيكم لتقرا تخلي جاام على تعليقاتطلعت لبيتي هزيت موبايل تاعي لقيت حسام عيطلي ..عاودت عيطتلو
انا : وي حبي صافا
حسام : صافا حبي وانتي
انا: لباس حمد الله
حسام: واش حكاية عمتك ومرت عمك .....
انا عاودت حكيتلو لحكاية ملوله .....حسام: متقلقيش حبي ميقدروا يديرو والو يجربوا كاش ميديرو والله نباصي عليهم.......انا: مممم خلينا منهم اني باغيه ننسا جدهم .....حسام:ايه عندك حق .. اسمعي غدوه صباح نخرجوا ونخيروا حوايج دارنا .....انا : لالا حسام غدوه علبالك نخدم
حسام : واش حكينا يا لاله يا قلتلك الخدمه تحبسيها ولا لازم نعاود هضرتي 10 مرات باش تفهمي
انا : كان في بالي ورا العرس نحبس ماش ضرك
حسام: لالا مريتي تحبسي ضرك.....كنزه اسمعي مليح غدوه صباح نفوت عليك ونروح معاك ........نروح معاك لكلينيك تقدمي استقالتك...... ونخرجوا مع بعض.... فهمتي؟؟؟
انا:ايه فهمت........ انا نعست نروح نرقد...... تصبح على خير................
....ماقدرتش نرقد ليلية كامل من القلقة..... مانيش قدرة نتخيل حياتي بلا خدمتي......الخدمة لي فوتت حياتي كامل نقرا باش نوصللها.... وفالاخير راح نستقيل منها.........
.......نضت الصباح.... لبست جيب نوار..... وبيل غوز كلاغ..... خمار غوز كلاغ.... وصندالا نوار..... درت مكياج خفيف..... عيطلي حسام قاللي بلي راو يستنا فيا قدام الدار..... خرجت بلا مانفطر........لقيتو يستنا فيا قدام الطوموبيل...... ركبت بلا مانحكي معاه..........
حسام: صباح النور... راني لاباس الحمد لله وانت.......
انا:..........................
حسام:(شغل الطوموبيل وديمارا) واش بيه جدك على صباح ربي.... تشنفي عليا...... واش خصك......
انا:...مابيا والو.......
حسام :ماتكفرينيش صباح ربي.........ماصبحتي عليا ماوالو....والشوفة ماشفتيش عندي.... وزيد من فوق تشنفي عليا..... والله غير مليحة هادي.......
انا :حسام مابيا والو........من فضلك خليني على راحتي.........
حسام :ماعليش هاني سكتت.......حسابك ماششي دوركا ....اصبري برك.......
انا:........................
بقيت ساكتة حتى وصلنا لكلينيك......
حسام:انزلي رانا وصلنا.... ماتقوليليش راقدة وعينيك مفتوحين........
انا: هيهيهيهيه وقلت في قلبي بايخ كي نتا كي النكتة نتاعك........
......دخلت لكلينيك .....حسام حاكملي يدي.....هاد لكلينيك دخلتلها قبل 3 سنين.......مع احلام وطموحات كبيرة........ كنت متمنية نكون احسن جراحة فهاد لكلينيك....... كنت نقرا ونبذل في مجهود كبير باش نقدر نكون احسن جراحة....... كنت نقلد فالدكاترة الكبار...... كنت باغيا نوصل للي وصلولو هوما..... ونكون احسن منهم..............كنت كل يوم كي ندخلها..... نكون مليانة طاقة ايجابية .....نكون حابا ننقض حياة اكبر عدد من الناس....... مي اليوم راني داخلة أحد....... هازا معيا استقالتي...... اليوم هو نهاية حياتي المهنية...........
رحت للبيرو نتاع مسيو سامي...... مدير لكلينيك...... دخلتني السكرتيرة نتاعو........... قدمت صافحتوا.... وزاد حسام قدم ليه وصافحو.....
مسيو سامي: صباح الخير دكتورة كنزة..... كي راكي....
انا: صباح النور مسيو سامي...... والله لباس الحمد لله..... وحضرتك....
مسيو سامي : والله لباس الحمد لله.......وبقا يشوف مع حسام
انا:مسيو سامي.... هدا حسام راجلي..... حسام هدا مسيو سامي..... مدير نتاع لكلينيك
مسيو سامي : متشرفين مسيو حسام
حسام: لينا الشرف مسيو سامي....
مسيو سامي:كنزة نضن بلي احازتك مزال مخلصتش.... هههههه واش توحشتي الخدمة وقررتي ترجعي
انا:مسيو سامي..... انا بصراحة جيت اليوم باش نقدم استقالتي....
مسيو سامي :( تشوكا بقا فير يشوف معايا ) ممم كنزة ادا كان مشكل قوليلي.... يعني ادا معجباتكش كاش حاجة.... والا قلقك كاش واحد هنا فلكلينيك قوليلي..... مكان لاه تخلي الخدمة..... وانا مانقدرش نسمح في طبيبة..... بخبرتك وذكائك تروح من عندي...... قوليلي كاش مكان.....
انا:مسيو انا يعني (قاطعني حسام وبدا يحكي)
حسام: لالا مسيو ماقلقها حتى واحد..... مي حنا عرسنا قريب.... وانا بصراحة مانحبش مرتي تخدم........
مسيو سامي :ممممم ادا كان هكدا... ماعندي مانقوللك.... ربي يهنيكم ان شاء الله.... ونتي كنزة باب لكلينيك راح تستقبلك في اي وقت قررتي ترجعي فيه.................
انا:(نضت صافحتو) مارسي مسيو سامي.................................
خرجت من البيرو نتاعو...... رحت للبيرو نتاعي.... هزيت حوايجي......ورحت ودعت زملائي..........من لي كنت نقرا فالجامعة كان حلمي اني نخدم فهاد لكلينيك.....و وقت حققت حلمي.... ماطولتش بزاااف وحطمتو بيدي.....
خرجنا من لكلينيك وانا دموعي على خدي........ ماقدرتش نسكت...... ركبت مع حسام فالطوموبيل........