حسام و كنزة

41

..قاعدة نفطر مع حسام....... حتى دخلت علينا خالتو وبنتها قرلو......... من نهار رجعنا من كندا هوما هنا.....كل نهار يجيو يعكرولي مزاجي ويروحوا........
خالتو: صباح الخير.... نضت الصباح قلت خلي نجي نطل عليكم......
حسام:صباح النور خالتي اقعدي تفطري معانا......
قعدت معانا هي وبنتها لي كلات حسام بعينيها...................راح حسام يخدم..... ماقدرتش مامبا نبوسو ولا نعنقوا..........بقاو نهار كامل هوما عند راسي.... ديري هكدا وماديريش هكدا والله قريب يهبلوني.... كل يوم الفطور معانا والعشاء معانا.... قريب يجيو يرقدوا في وسطنا..........................................انا اليوم حاسة روحي مانيش مليحة......الدوخات يديو فيا ويجيبو.... والقيا (حشاكم)دار فيا حالة...........حليت الخزانة نتاع الدوش باش نجبد لنجات قابلتني الساشي نتاع always....... تفكرت بلي من ليلية دخلتي مازدتش استعملتهم..... اوووو ليغاقل عندهم شهرين مجاونيش..... مع انهم متعودين يجيوني في وقتهم.... ففففف ياربي كيفاش مافقتش..... قادر نكون اونسانت. ااااااا الفكرة يابعد فرحتني........قعدت نخمم واش راح ندير..... نروح نشري تاست.... لالا لازم نروح ندير تحاليل باش نتأكد مليح.... فففغف زعمة نقول لحسام.... اععععع مانيش فاهمة واش راح ندير.............من بعد قررت نروح عند وحدة نعرفها تخدم فلكلينيك لي كنت نخدم فيه.... طبيبة نتاع نساء كامل يشكروا فيها....... عيطت لحسام باش نقولو...
انا:الو....حسام وين راك......
حسام:راني في دار صاحبتي.... وين راح نكون باينة فالخدمة...
انا:حسام انا راح نخرج....مع صاحبتي....
حسام: ماتخرجيش.... ودجا شكون صاحبتك هادي.... وعلاش ماقلتيش الصباح.....
انا:حسام راح نشوف وحدة كانت تخدم معايا....... نحتاجها..... بلييز خليني نخرج..... والله اخر مرة نطلب منك طلب هاد الشهر.....
حسام: ههههه هاد الشهر برك...... ماعليش روحي وماطوليش..... نحبك
انا: وانا نموت عليك حبي................
لبست قشي وخرجت...... وصلت لكلينيك دخلت نجري عند الطبيبة..... وستر ربي لقيت عندها مريضة وحدة ماستنيتش بزاااف....... دخلت لعندها.... سلمت عليا ورحبت بيا...... انا:دكتورة....انا عندي شهر ونص متزوجة..... وعندي سمانة نحس في دوخة.... مي اليوم قوات عليا.... وشكيت بلي قادر نكون اونسانت....
طبيبة: مممم ماعليش... بون حنا دورك نديروا تحاليل وان شاء الله يكون خير.........
درت التحاليل وقعدت نستنا فيهم وقتاش يوجدوا..........حسام كل دقيقة يعيط يسقسي روحت ولا مزال.........
جات الفرملية قالتلي بلي سايي وجدوا التحاليل نتاعي.... والطبيبة راي تستنا فيا.............
دخلت عندها...... شافت عندي وضحكت معايا......
طبيبة: ههههه الظن نتاعك في محلوا مدام.... راكي حامل و عندك 6 اسابيع.... نظن هزيتي من الليلة الاولى........
انا:ههههههههه راني حامل ههههه مانيش مصدقة.... (حاسة روحي راح نطير من الفرحة في حياتي مافرحت كيما فرحت اليوم) .........
الطبيبة: مبروك عليك مدام.... مي لازم ديري بالك..... راكي في مرحلة حساسة.....ودورك هيا نشوفو وضع البيبي ونطمنو عليه......
دارتلي ايكو..... وراتلي ولدي هههههه قد الحبة نتاع الكاوكاو ههههه سبحان الله...................................
روحت للدار راح نطير من الفرحة......كيفاش راح نقول لحسام..... هههههه ادا انا صرا فيا هكدا راني متشوقة نشوف هو كيفاش راح تكون ردت فعلوا...........
عيطت لماما قلتلها......مسكينة فرحت اكثر مني..........وستنيت حتى يجي حسام باش نقوللو...... رحت طيبت العشاء وقعدت نستنا فيه.......لبست نويزات نوار.... وطلقت شعري..... درت مكياج قاوي..... ورحت وجدت العشاء...... شعلت الشموع وطفيت الضواوي..... جو رومانسي مي حسيت روحي فالزاوية الرحمانية ههههههههههه .........قعدت نستنا في حبيبي....... نسمع فيه يحكي مع يماه لتحت..... طالع فالدروج يغني زاهيتلوا...... وصل حل الباب.... ودخل طووول للكوزينة لانو متعود يلقاني تما....... نسمع فيه يصفر.... ويحكي معايا......
حسام: اووووو عشاء رومانسي.... الشموع.... اييي يا كنزة الليلة ليلتك حمرا.... والله ماني طالقك الليلة ............عنقتو من ضهروا...... جبدني بسرعة قدامو وبدا يبوس فيا ويحكي..... حسام: ااااه واش درتي ....الزين هدا كامل نتاعي انا وحدي...........حط شفايفو على شفايفي وغطس فيهم....... جبدت روحي منو بالسييف.......
انا: حبي اقعد نتعشاو.... ومن بعد نحكيو...... جبدتو من يدو وقعدتوا....
حسام: حاضر يا لالة.... كيما تحبي نتي دوركا.... وكيما نحب انا مبعدا (وعض شفتو وغمزلي ).........كملنا تعشينا.... حكمتو من يدو ودخلتو للبيت......... حطيت يديا ورا رقبتوا ونحي معاه.....
انا: حسام انا مارحتش شفت صاحبتي..... انا رحت عند الطبيبة....
........الوحم نتاعي جا كامل على حسام..... رجعت مانيش حاملاتو..... كل يوم نحاوزو من البيت ومسكين يرقد فالصالون..........مي هو مسكين متحملني.... وماوش مخليني نهز يدي لراسي........وحسام حسيتو هبل يعني من نهار عرف بلي راني حامل بطفل حسيتو خرج من عقلوا..... وجدلوا بيت و العاب..... كل نهار يجيبلي لعبة جديدة..... و حتى القش ماخلاش.... كل نهار يجيبلي لبسة جديدة..... تخيلوا راح جابلي كوستيم نتاع 5 سنين وقاللي نلبسو لولدي كي يزيد...... سعات يقلقني طول... وسعات يضحكني ......حتى الطبيبة قالتلي مايلزمش تقلقي بزاااف ماوش مليح للبيبي ....مي لي كمل عليا خالتو وبنتها..... لي بسبتهم حاسة روحي راح ننفاجر...... كنت قاعدة فالجنينة نتاع عجوزتي....نستنا في شيخي وقتاش يجي.... وصيتو على كراب بالشوكولا من عند بابيلون..... والله بنتهم في فمي .... ...وحامي جا على الحلو... كل نهار نتشهى حاجة.............كنت هازا التابلات نكنكتي.... جات عندي خالت حسام وبنتها قرلو........
خالتو: ايه يالالة نتي نهار كامل راقدة وحنا نخدمو فيك.... لاعبتهالنا بالحمل.... الله اعلم ولد شكون..... وحدة صايعة كيفك بنت شوارع مانعرف مع من زبلتها وجات حابة تلصقوا فينا.....
انا بقيت مشوكيا في هدرتها اوووو راي تتاهم فيا بلي خنت حسام ولا كيفاش..........
انا: اووووو نتي هبلتي.... واش راكي تقولي.........
قرلو: هيه راي تقول فالحقيقة يا قحب..... ولا في بالك معلابالناش بخدايمك..........
انا سايي مانيش قادرة نزيد نتحمل..... طلعت لبيتي عيطت لحسام قلتلو يا تجي دوركا وتديني من هاد الدار..... يا نخرج انا والله ماتزيد تشوف وجهي ............جا حسام حكيتلوا لحكاية......... مهدرش طووول معاهم..... لملي قشي وقاللي نديك لداركم تباتي الليلة مابين مايوجد دارنا ونروحولها....... هزيت قشي ورحت لدارنا قعدت عندهم هاديك الليلة..... والغدوة هاديك جا حسام داني لدارنا.......... ربي يبارك ماشي دار قصر...... خدمتها متحوفة تهبببل...........لقيتو وجد كلشي فيها.. .....كيما حبيت انا..... الغدوة هاديك جات عجوزتي تطلب فالسماح مسكينة... وقالتلنا ارجعوا للدار.... مي حسام حلف وقاللها مدام اختك وبنتها فهاديك الدار.... ماندخللها لا انا لا مرتي............صح نتعب في خدمة الدار كيعاد كبيرة بزاااف.... وماحبيتش يجيبلي مرا تعاونني..... مي والله خير من العيشة في دار عجوزتي........يعني على الاقل مكانش شكون يسمعني كلام ولا يهينني..................................
بعد 3 اشهر......
كنت راقدة..... حسيت بما خرج مني..... انا حسبت روحي بلت تحتي..... مي الوجاع قوا عليا.... عرفت بلي راح نولد...... بديت نعيط على طولي ونوض في حسام....... ناض وحالتو اكثر من حالتي..... مكانش عارف واش راح يدير.....
حسام:كنزة ....كنزة اتنفسي مليح حبي..... دورك يروح لوجاع....
انا: اااااااااااااااععععععععععععععع حسااااااااااام راني راح نوووولد مانيش ندير في بروفا..... ادييييني لكلينيك.....
حسام: ايه هيا نديك هيا....
انا: حسااااااااااام ماتكفرنيش...... روح البس قشك وازرب اديني راني رااااح نمووووت... اعععععععععععععععع...
راح يجري لبس قشو وداني لكلينيك...... حسيتو هو لي راح يولد... ماشي انا.........حتى كي وصلنا لكلينيك تقابض مع لفراملة لي تما وتقابض مع الطبيبة........
حسام:والله يا لوكان كشما يصرا لبنتي ولا لمرتي غير هاد لكلينيك نحرقها بلي فيها.......
ستر ربي جا رحيم هداه شوي............................................
اااااه ياربي السطر نتاع الولادة مكانش كيفوا..... حسيت روحي راح تخرج........ مي على قلبي كي لعسل...... كل شيء يهون على جال ولدي حبيبي..............
داوني لبيتي.... جات ماما وبابا.... عجوزتي وشيخي وخاوتي وسلافاتي....... وجابولنا القط الصغير هههههه........كلاوه بالبوس مسكين حتى ولا يبكي ....
ماما:كنزةكيفاش راح تسميوه......
انا: نسميوه رزيم....
حسام: لالا نسميوه جاد.... دجا كرهت اسم رزيم من هداك لي كان يقرا معاك
انا:مي حسام انا وعدتو بلي ادا جبت طفل راح نسميه رزيم.....
حسام: انا ولدي نسميه جاد....
انا: لالا ولدي انا وراح نسميه رزيم...
حسام: علابالك جبتيه وحدك..... ولدي حتى انا وراح نسميه جاد....
محمد: اسكتووو علينا مسكين خلعتوه.... لا سايي راح نسميوه رزيم جاد..... واسكتو علينا.............. ..............ههههه محمد عطانا حل وسط..... سميناه رزيم جاد...... انا نعيطلو رزيم... ،وهو يعيطلو جاد ههههههههه