حسام و كنزة

32

..كنزة كان في بالها بلي محمد راح يسكت على لحكاية مي كانت غالطة.... محمد كيما اي راجل جزائري..... يقدر يتغاضى على كل شيء غير على حاجة وحدة وهي الشرف.... مستحيل يسامح فيه..... هيثم كان راح يعتديلو على شرفو كان راح يغتاصبلوا اختو.... وراح يخلصها غالية كان قاعد في بيتو وجهو احمر دموعو نازلين حاكم سكين في يدو ويتحلف في هيثم
محمد : والله كون نحكمو والله غير نشرب من دمو والله نقتلو ونباصي.... الطحان ....النقش.... نحكمو والله نقتلو ورب العزة غير نقتلو
رحيم: اووووووو شكون تقتل واش بيك واش صرالك احكي
محمد : مكان والو يا خويا مكان والو غير الطحان نتاع هيثم كان راح يغتاصب ختنا ولوكان ماسمعتهاش تحكي فالموبيل كون رانا ماعرفناش حياتنا كامل.... حنا رجال حنا.... اهدرررررر حنا رجال حنا طحااااحنة خلينا ختنا تعاني مع واحد كيفو.... قلبي راو يوجع فيا ياخويا قلبييي(يحكي و يضرب على قلبو و دموعو نازلين )
رحيم:محمد ماوش وقت التمسخير نتاعك
محمد: ايه راني نتمسخر
رحيم: ااااااااااااااه ياربي الطحان راح نقتلو المرخس راح نقتلوااا (كان راح يخرج مي حكمو محمد )
محمد: اصبر يا خويا اصبر مكلاه نتسرعوا... لازم نخمموا في خطة.... ندمروه بيها ومن بعد نقضيو عليه مرة وحدة .....
رحيم: ايه انا عندي خطة نكرهوه في حياتو ... مي راح ندخل فيها واحد اخر
محمد : ايه قول الخطة.... وشكون هدا لي راح يكون معانا
رحيم......................................................................................................................................................
نرجعو لكنزة .................................
هبطت لبيجاما عند نورهان و قعدنا نحكيو....
حياة: بنات واش رايكم اليوم نرقدوا كامل بعضانا نفرشوا فالارض ونرقدوا
انا اصلا ماكناش حابة ترقد وحدي
انا: ايه رووووعة نفرشو في بيتي و نرقدوا ....والولاد الصغار نرقدوهم في بيت رحيم
نورهان: ههههههه اوك هيا نروحو....
رحنا فرشنا لولاد الصغار.... رقدوا وزدنا طلعنا لبيتي فرشنا
انا: ماما ارواحي نسهروا مع بعضانا ومن بعد نرقدوا
ماما: لالا يابنتي انا مانخليش باباك يرقد وحدو ياك تعرفيني من لي تزوجنا ماخليتوش يرقد وحدو حتى ليلة
انا: هههههههه يا البنات راحت عليكم ماما لي 35 سنة متزوجة مع بابا ماتقدرش تخليه وحدو.... ونتوما لي مادرتوش حتى 10 سنين مخلينهم وحدهم هههههه ماسقسيتوش مامبا ادا تعشاو ولا لالا
حياة: هههههههه والله عندك حق .....................................................قعدنا نحكيو و نضحكو حتى وصلت 04:00 نتاع الصباح ههههههه انا طلت باش نرقد على سريري ههههههههه هزيت موبيلي باش ندير الرفاي نلقا ميساج من عند حسام
حسام: خممي في عقلك......وخوذي وقتك.... مي انا نحبك تعرفي حاجة وحدة يا كنزة..... والله والله والله ورب العزة ماتكوني غير ليا.... نتي نتاعي.... حاجة تخصني.... ومانقدرش نسمح انها تكون مع غيري...... ايه و راح تخلصيها غالية كي كوبيتي عليا وانا ماكملتش هدرتي..... احلام سعيدة حبي .......
انا نقرا و مشوكيا فالتيليفون....حطيت راسي عالمخدة والميساج نتاعو بقى يتعاود في راسي ....حسيت روحي طايرة هههههههه محضنة الموبيل ونضحك ههههههههه غمضت عينيا و تمنيت امنية.... تمنيت نرجع انا و حسام..... تمنيت حسام يعاود يجي يخطبني..... اكييييد راح نصلح غلطتي..... ومستحيل نزيد نسمح فيه.... ياربي و يرجعلي والله مانخليه.....................
داتني عيني رقدت........... ............
فقت على صوت الرفاي..... حليت عينيا بالسيف..... راني تعابانة ومانيش قادرة نهز راسي..... فففف راني حاساتو راح يترتق .....جيت راح نوض حطيت رجليا فالارض و نسمع في عيطة
رباب: اييييييييييي كرشي
مسحت عينيا هبطت راسي لقيت روحي عفستلها على كرشها فففففف
انا: سامحيني والله ماشفتك... ارجعي ارقدي راو مزال الحال.......
رباب: ايه ماعليش.... ونتي علاش نضتي دوركا
انا: فففف اليوم راح نرجع للخدمة ومانيش قادرة مامبا نوض .......شفت عندها نلقاها راقدة ههههه نحكي مع روحي..................... رحت غسلت وجهي.... عينيا منفخين و ليسارن فففففف...... بدلت قشي.... لبست روبا فالبلو غوا... و فاست كوير فالنوار درت و خمار فالنوار و لبست طالون فالنوار نزلت فطرة مع بابا وماما..... لبست طالون نوار ودرت لينات صولاي..... خرجت من الدار وصلت تقريب للطريق عاودت رجعت للدار..... انا اصلا فقت دايخة ومانيش قادرة نمشي نزيد نلبس طالون باش نطيح يتكسر فمي........... حلتلي ماما الباب
ماما: خير بنتي كشما نسيتي
انا: لالا ماما رجعت نحي الطالون ماقدرتش نمشي بيه.......... لبست بالغينا نوار ورجعت خرجت.......جيت راح نحبس طاكسي كيعاد راني روطار..... نشوف في طاكسي بيضا تدي العقل.... واااااااو تهببببل.... بقيت حالا فمي فيها....... حبست قدامي و انا مشوكيا..... نشوف فالباب تحل.... وخرج منو مسيو حسام..............
حسام : صباح الحب عمري.... هيا اركبي نروحو
انا: حسام الطاكسي هادي نتاعك (مارديتش مامبا عليه هههههه)
حسام : ايه نتاعي وصلت البارح من كندا.....وهيا اركبي باش نوصلك
انا: حسام خليني انا نسوق بلييييز والله حبيت نسوقها
شاف فيا شوفة نتاع واش راكي ديري كيما يقولو... بوكر فايس ههههه
حسام : قلتلك انا نوصلك ماشي تي توصليني..... وجا جبدني من يدي وركبني..... والله فكرني في ايماتنا
انا: حسام والله ذوقك هايل اول مرة في حياتي تجذبني طاكسي والله
حسام : ايه يا حبي حتى انا هادي باش شريتها دفعت لي فوقي ولي تحتي
انا: والله يا حسام كون جات نتاعي راني والله مانخرجها من الدار
حسام: ايه علابالك شريتها باش نتفرج فيها... على وجه ربي اسكتي.... لانك سعات تبانيلي اغبى مخلوق في تاريخ البشرية
انا: انا غبية ماعليش يا سي حسام
حسام: واش بيها حبي تغششت مني؟ سايي سامحيني مش قصدي
انا: ..........................
حسام: ففففففف منك ياك قلتلك ماتزيديش تصمتيني.انا بقيت ساكتة و ماحبيتش نرد عليه........
حسام: ايه زيدي صمتي زيدي........دجا نحي النواظر هادو من عينيك .....
نحاهملي و شاف في عينيا و طرشق بالضحك....
حسام:هههههههههههههه حبي واش صرالك
انا:ففففف بايتة سهرانة عندك مشكل مع لبنات عندك مشكل
حسام: لالا ماعنديش مشكل.... مي غاير منهم......كون غير جيتي سهرانة معايا .....
انا هبطت راسي و سكتت بيسك فهمتو على واش يحكي......
وصلني لكلينيك.... قبل مانهبط جبدني من يدي وقاللي : لعشية نجيك على الخمسة و ياويلك ادا مالقيتكش وادا طولت عليك تستنايني..... فهمتي
انا: ايه فهمت.... انا راح ننزل وهو جبدني لعندو باسني من خدي وقاللي: هادي نصبر بيها روحي.........
حكمت الضحكة ونزلت...... دخلت لكلينيك...... طلعت للبيرو نتاعي طووول..... بدلت لبست قشي نتاع الخدمة..... وخرجت.....رحت عند المرضى لي لازملهم معاينة.....وكاين لي لازملهم تصريح خروج.......كملت راح نروح للبيرو نتاعي جات عندي فرملية تجري
هي: دكتورة محتاجينك في قسم الاسعاف
انا: رحت نجري معاها.....فهميني واش كاين
هي: دكتورة كاين واحد متعرض لعنف وحشي.... و طلبك نتي بالاسم و اللقب
انا قلبي راح يخرج... خفت لايكون حسام ولا واحد من خوتي والله نموت
دخلت لقسم الاسعاف.... نشوف في امينة شاورتلي بيدها نتاع ارواحي
رحت عندها شفت معاها من بعد شفت مع المريض لي كان ثما.... بقيت نثبت مع وجهو.... مع الاول معرفتوش....
انا: ااااا هيثم واش صرالك.... شكون دارلك هكدا...... وجهو كان كلو دم ماو باين منو والو.... يدو مكسرة و رجلو مفصوعة.....
هيثم : مانعرفش شكون.... انا كنت خارج من الدار.... هوما سكرولي عينيا و ضربوني و طيشوني فالطريق غدروني والله غدروني (هو كان يكذب الانو تواجه هو و محمد راس راس و محمد كان ملثم..... كي غلبو محمد ناض يبكي و قريب يبوسلو يدو باش يخليه)
انا: والله مايحشموا كيفاش يديرولك هكدا (وانا نقول في قلبي شح شح فيك تستاهل مااكثر)
المهم خليهم دوركا يداويوك ومن بعد نحكيو
هيثم : موش نتي لي راح داويني
انا:لالا هادي ماشي خدمتي.... دوركا تخيطلك امينة جراحك ومن بعد نجي انا .................................................
رحت للبيرو نتاعي وانا فرحانة راح نزغرت..... نستعرف بيه لي دارلو هكدا.......... بقيت نهار كامل نخدم و نتجنب في هيثم...... وصلت الخمسة رحت بدلت قشي عاودت ماكياجي وخرجت...... والله حاسة روحي راح نرقد بالواقفة...... خرجت قدام لكلينيك راح نهز طاكسي ونروح.... مانيش قادرة مامبا نوقف و زيد نسيت حسام طووول