حسام و كنزة

3

بعد اسبوع:
قاعدة تكونيكتي وصلني ميساج من عند ايمان اخت امال لكبيرة
ايمان: Slm kenza cv
انا:cv hmd et toi
ايمان: wlh b1 hmd
Kenza rani bghitk n7ki m3ak ida makanch problème
انا:oui b1 sur Tfedli
ايمان:bla mantwl houssam khouya men nhar lichafk fih ma9derch yn7ik men balou 3jebtih bzaf raw baghi ykoun m3ak
انا:vu
ايمان:kenza khemi fiha mli7 w mbe3d rej3ili
انا:OK rani 9abla
ايمان:hhhhhhh lyoum ymout men lfar7a mais a3tini num nta3k
انا:OK **********
Ok mrc 7biba derka nkhlik mbe3d nchlh
انا:nchlh bay
ماكانش علابالي علاه وافقت ولا لي راني ندير فيه صحيح ولا غالط مي علابالي بلي درت لي قالي عليه قلبي

قعدت نخمم و حاسة بشعور جديد فرحانة و خايفة حاسة روحي داخله في حيط شوي و يصوني تيليفوني نيميرو جديد مانعرفوش هزيت
انا:الو شكون معايا
حسام:امممم ماعرفتينيش
انا:لالا شكون (عرفت مي بغيت نلعبها)
حسام:فففف انا حسام
انا:ااا ديزولي ماعرفتش صوتك واش راك
حسام:لاباس الحمد ل الله ونتي
انا: سافا حمد الله
حسام:اسمعي انا راني حانجيك من لخر من النهار لشفتك فيه عجبتيني و بغيتك تكوني معايا مرانيش باغي التمسخير نتاع الذر راني في عمري 27 سنة يعني تمسخرت و مشيت مع بنات و فوت وقت معاهم ونتي الوحيدة لقدرت تأثر فيا بربي نشاء الله نخرج معاك راجل ونحبك تكوني معايا مرا
انا:اوك مي راني باغيا نتعرف عليك كثر
حسام:واش حابا تعرفي
انا:كل شي عليك
حسام:بون تعرفي اسمي و عمري 27 سنة نخدم مع بابا انا حاكم لوزين نتاع رخام و بابا حاكم لمطاعم عندي طوموبيل و دار و حدي والباقي تعرفيه ودورك نحب نعرف عليك كل شي حتى انا
انا:امممم اسمي كنزة يعيطولي صحاباتي كيزو عمري 16 سنة هاد العام ديت البيام و حانقرى فاليسي نتاع ****
حسام:واش حاتقراي
انا: انا نحب لغات اجنبية وماما قاتلي ديري علوم
حسام:ديري الحاجة ليتحبيها
انا:مانعرف حتان نرجعوا نقراو و نشوف
جوزت معاه شهر قبل مانرجع نقرا روعة نحسوا حنين بزاف و يهتم بيا ويحب يفرحني

بعد شهر نهار قبل مانرجع نقرا عيطلي حسام
حسام:صباح الخير زينة نتاعي كيفاش راكي
انا:لاباس حمد الله وانت
حسام:سافا حمد الله امممم غدوة ترجعي تقراي واخيرا نقدر نشوفك على راحتنا
(لأني كنت نتلاقا معاه مانطولش اصلا ماعرفتش عقليتو مليح ما قدرتش نريسكي و يشوفوني معاه وانا مانيش مقررا نكمل معاه ولا لالا)
انا:ايه غدوة راني فرحانة بزاف
حسام:كنزة نتفاهم معاك من ضورك انا راني مانحبش الطليع و الهبيط بزاف يعني ماكالاه دوران و مانحبكش تحكي مع لولاد ماتقولي لازميلي لا صديقي
انا:اوك كيما تحب ونقول في قلبي هههه صح كونك هاني خذيتلك رتيك
حسام:اوك عمري نخليك مبعدا ان شاء الله
انا:باي حبي ......................
اليوم نرجع نقرا اول نهار ليا فاليسي فرحانة و متوترة لبست سروال جين فيه تقطيعات و بودي نوار و طابلية اكييد محلولة و فاست بيضا فيها شراشب و Air max ابيض تاني طلقت شعريو رحت مع صحاباتي دخلنا لليسي لقيت لولاد لينعرفهم بقينا نحكيو و نضحكو دخلنا قرينا الساعة الاولى ومن بعد هربنا المعروف عليا اني في حياتي مادخلت للقسم الاسبوع الاول نتاع لقراية خرجنا درنا لعبنا و تمسخرنا انا نحكي مع طفل يقرا معيا و عيطلي حسام
انا:الو وي بيبي واشراك
حسام:لاباس أ لحب راكي تقراي؟؟؟
انا:امممم لالا هربنا من ليسي ههههه
حسام:راكي فالدار؟؟؟
انا:لالا راني مع لبنات ندورو
حسام:À oui رايحة تقراي ولا رايحة دوري دجا وين راكي
انا:راني وين Ľ école privée نتاع الامل الجديد
حسام:اوك
انا:...... كوبا عليا بفففف بالناقص
كملنا نضحكو ونديرو فالسالفي وتوقف قدامي طوموبيل لاند روفر 2017 نوار هبط منها موسيو حسام هايج حكمني من يدي كركرني وراه
انا:حسام اووو واش بيك زادم لاسلام لاكلام واش كاين
حسام:ايه يا لالة انا قاتل روحي بالخدمة باش نكمل بكري و نجي نخرجك وانتي ماكيش لاتيا بيا قاعدة
دوري و تتصوري وزيد يخي تفاهمنا ماتحكيش مع لولاد
كان يعيط على طولو
انا:حسام نقص صوتك والله غير يقراو معايا برك
حسام:كنزة اطلعي واسكتي
طلعت معاه وانا ساكتة دجا هادي اول مرة نركب معاه بعد ما ولينا مع بعضنا