وصلت العشرة خرجت من لكلاس رحت عند لولاد ليقراو معايا العام ليفات (قرينا مع بعض فالاولى ثانوي و هاد العام كل واحد دار الفرع لي حبو كانو لي دارو تسيير و اقتصاد و لي داروا تقني رياضي و لي دارو علوم كيما انا)
تفاهمنا نروحو ندورو انا قلت كي تقابضة معاه الصباح ماوش حايجيني خلي نروح نحي على روحي شوي وكي نروح نتفاهم معاه خرجت انا و صحاباتي صوفيا و منى و قمر و لولاد رزيم و جلال و رزقي و سفيان درنا فاليفيل و من بعد رحنا لكافات كريستال كلينا ليكراب و لولاد شيشوا............ خرجنا من الكافات نضحكوا انا هزيت راسي و نلقا حسام يشوف فيا بواحد الشوفة تمنيت لارض تتشق و تبلعني كيلني وركب فالطاكسي نتاعو وراح
دموعي هبطوا بلا مانحس مشينا شوي لقيت خويا رحيم مع صحابوا شافني جاتو شوك ديجا البلاصة بعيدا بزاف على دارنا جا يجري عندي جبدني من يدي و كركرني لطاكسي
ركبني و ركب مع مشينا بدا يعيط
رحيم:واش جاب ربك هنا اهدري انا مداير فيك كونفيونس ونتي طعنتيني في ظهري
قلت اختي راي تقرا ونتي راكي هنا تتهوملي مع الزوفر ياقح......
اناقعدت ساكتة و دموعي هابطين وحدهم
وصلنا للدار كركرني من يدي حل الباب دخلني ورماني فالارض ويسب فيا ويعيط
جا بابا و ماما و خاوتي يجريو
بابا:وش كان علاش تعيط على اختك واش كان
رحيم:الهاملة هادي حنا باعثينها على اساس تقرا وهي تروح تسوج علابالك وين لقيتها لقيتها في ******* مع الزوفر
محمد:كيفاش هادي خرجوا رجليها من العش لازم نعاودو نربيوها وجا حا يضربني عيط عليه بابا
بابا:محممممد هبط يدك ماتهزش يدك عليها كي نكون انا واقف
رحيم:خليه يضربها باش تتربا
انا:بقيت مشوكيا من جيهة حسام لي يكون قال انا خليتها منا و هي راحت تسوج منا ومن جيهة خاوتي
ماما كان في بالها على الاول حكمني مع حسام خلعت و من بعد كي عرفت بلي خاطيا لحكاية تنفست و قعدت تتفرج فينا (فيلم على المباشر هههههه)
شاف بابا فيا وقال :نتي تقراي في ****** واش داك ل ******* بلا ماتشاوري
انا:بابا رحت مع صحاباتي نحوسو
بابا: وبلا ما تشاوري تروحي وزيد شكون لولاد لي كنتي معاهم
انا:بابا ولاد يقراو معايا
بابا:عدتي تمشي مع لولاد و تروحي معاهم هادي اخرت تربيتي فيك اهدري حلي فمك
انا:سامحني بابا والله اخر مرة مانزيدش نعاود
بابا:روحي من قدامي لا نقتلك هادا اخر دلالي ليك
رحت لبيتي قفلت لباب بالمفتاح و قعدت نبكي
مع انو الحكاية تافهة مي دارنا جاتهم بيزار بابا مخليني نلبس كيما نحب و لي نطلبوا نلقاه مي باش نحكي مع لولاد و نخرج معاهم خاصة ليمانعرفهمش هادي مستحيل.
عشيا كامل وانا قاعدة في بيتي ونبعث فالي ميساج لحسام باش يسامحني مي هو ماردش مامبا عليا
لغدوة هاديك نضت لبست سروال نوار و بيل غوج بوردو و كونفارس بيضا حكمت شعري كوت شوفال و هزيت ساكي كنت خارجة حبسني بابا:كنزة اسناي دورك نوصلك انا
وصلني بابا وقالي نسناه لعشيا يروح بيا
سمانة و بابا يديني و يجيبني
انا توحشت حسام سمانة ماشفتوش كل ليلة نبات نبعثلوا فاليميساج و نعيطلو وهو ماعلابالوش بيا
كل ليلة نبات نبكي ونرقد و دموعي في عيني واحد ماحس بيا
اليوم رحت نقرا ماوصلنيش بابا عقلي ماوش في راسي نخمم غير في حسام قلت اكيد يكون دار وحدة جديدة علابيها هلاني
دورك يكون راو معاها قلبي و جعني بغيت نبكي انا هكاك و نسمع في صوت توحشتوا
حسام:واش نسيتينا
(انا كنت باغيا نروح نعنقوا ونبوسوا مي حكمت روحي ههههههه)
انا:علاش كاين واحد ينسا روحو...توحشتك
حسام: حتى انا توحشتك مي كان لازم نبعد عليك باش تعرفي غلطاتك
انا:ساي والله غير مانزيد نعاود ديجا ساي تبت ههههههه حسام:هههههههههه كيفاش حتان ركحتي
انا: بعدك عليا و زادولي مشاكل مع دارنا و حكيتلو لحكاية
حسام:شح ياربي شح تستاهلي شفتي لي مايسمعش لهدرة مي والله ياكنزة وراس امي لعزيزة غير تزيدي ديريلي هاد ليجاست وجهي ماتزيديش تشوفيه ............ حسستيني بلي انا رخيس بلي مانسواش عندك انا كنت جاي باش نراضيك ونطلب سماح على عياطي عليك و دموعك ل يسالو في سبتي نلقاك معلابالكش بيا خارجة تضحكي مع لولاد كيلي ما صرا والو وانا نتحرق من . زدت شفتك داخلة للكافات وقاعدة تباني قح...... ناري شعلت كنت باغي نجي نخنقك
انا:ساي سامحني مانزيدش نعاود
حسام:ساي خلينا نفوتو لحكاية نتي ادخلي تقراي و من بعد نحكيو
دخلت نقرا وانا فرحانة نضحك وحدي
فات شهر وانا وعمري على هاد الحال انا مازدتش قلقتوا ههههههه تبت
مانتلاقاش معاه غير قليل كيعاد خاوتي دارو عليا العسة.
أنت تقرأ
حسام و كنزة
Casualeحسام و كنزة🔞🔞 من اجمل القصص لي راح تقراها طويله شويا اتفاعلو برك وكل جزئ تقراوه ديرو جام باش نعرف وين راكم لاحقين
