حسام و كنزة

15

هوما راحو يدورو وانا رحت روحت مع دخلت رحت لبيتي جبدت لكادو ليعطاهولي حليت لبوات لقيت سنسلة مكتوب فيها اسمي و اسمو وتحتها خيمار هزيتو قربتو لخشمي شميتو و حضنتو وقعدت نفكر حتان داتني عيني رقدت نضت وقت لعشا تعشيت و رجعت رقدت
الغدوة هاديك نضت لبست و رحت نقرا ماشفت حتى واحد من دارنا لاني خرجت بكري مارحتش فالبيس مشيت حتان وصلت لليسي كي دخلت كامل شافوا عندي صحباتي داخو جاو يجريو عندي مستحييييل كنزة دارت لحجاب مستحيل
ايه درتو كيعاد حبيبي قنعني بيه كيعاد كنت باغيا نفرحو لبست روبا نوار طويلة و الحجاب الازرق ليجابهولي درت مكياج خفيف مايبانش و جيت
دخلت للقسم كامل يشوفوا عندي من يومين برك كنت لابسة سروال مقطع لحمي كامل عريان واليوم جيتهم لابسة لبسة مسطورة و مدايرة حجاب
وصلت العشرة خرجنا للراحة عيطت لحسام قتلو نحب نشوفو دورك قالي خمس دقائق و نكون عندك
رحت نحكي مع لبنات صحباتي عيطلي قالي اخرجي خرجت لقيتو متكي على الطاكسي نتاعو لابس سروال بيض و تريكو ابيض و فاست كوير كحلة ومداير لينات صولاي يحكي مع الطفل صاحبو
دور راسو شافني هبط راسو عاود هزو بزربة نتاع واحد متفاجئ واحد شاف حاجة مايش عادية نحا لينات نتاعو وبقا مركز معيا شفت معاه وضحت ههههههه راني متأكدة بلي ماوش مصدق رحت حليت الباب نتاع الطاكسي وطلعت زاد شوي وطلع حتى هو*

طلع طريق كامل وهو ساكت وصلنا لبلاصة العادة نزل وقالي الحقيني نزلت ومانيش فاهمة واش صرالو شاف عندي وقالي
حسام:ما شاء الله الحجاب نورلك وجهك مي كنزة اسمعيني انا جبتلك هاد الخمار كيعاد عجبني و تمنيت نشوفو عليك مكانش قصدي نجبرك باش ديريه انا كنت باغيك ديري الخمار ونتي مقتنعة بيه و باغيا ديريه
انا:حسام الخمار درتوا وانا مقتنعة بيه و شاتيا نديرو
حسام:راكي متأكدة يعني الحجاب ماوش حاجة تلبسيها و وقت تكرهي منها تنحيها
انا:والله يا حسام راني حاسة بروحي مرتاحة داخليا اممممم قولي كيفاش جاء عليا
حسام:ربي يبارك كي شفتك ما صدقتش زدتي كبرتي في عيني
انا:حشمتني هههههه ماما و بابا مزال مشافونيش
حسام:ههههههه يشوفوك تجيهم شوك مي دورك لازم تبداي تصلي لانو الصلاة هي عماد الدين
انا:ان شاء الله ممممم عرفت شكون هادي هيبة؟؟؟
حسام:لالا مزال معرفتش
انا:حسام هاد الطفلة راي صاحبت اختك ايمان
حسام:كيفاش عرفتي
انا:سقسيت وحدة نعرفها امي معاها قاتلي وزدت شفت فايسبوك نتاع ختك لقيتها امي معاها
حسام:اوك ماتكسريش راسك دورك انا نشوف واش الحكاية هيا نروحو دورك راح الحال
انا كنت راح نطلع فالطاكسي هو جبدني من يدي دورني ليه بقوة راسي تخبط في صدروا
انا مستحليا الحضن نتاعو نشم في ريحتوا و نعاود
هزلي راسي باسني من خدي وزاد باسني من خدي لاخر و باسلي جبهتي وقالي:ربي عالم بلي ناويك حلالي و مانيش حانقربلك غير فالحلال والله ياكنزة راكي عينيا لي نشوف بيهم من نهار ليدخلتي لحياتي بدلتيني خليتيني طايح فيك غرق في حبك كنزة نحبببببك نعششششششقك نتي مرتي و ام ولادي ياك
انا:حركت راسي نتع هيه وقتلوا انا ماشي غير نحبك نموت عليك وعلى هاد الكلمة جبدني وغاص في شفايفي يبوس و يتبنن يعض و يمص هبل و هبلني معاه جبد روحو بسيف وقالي بصوت فيه بحة اطلعي لا نوليو في قضية إغتصاب الشيطان راو حاضر وانا حاكم روحي بالسيف عليك
ضحكت وطلعت معاه وصلني بعيد على دارنا باسني من خدي
نزلت وهو ورايا حتان وصلت للدار حليت الباب دخلت نسمع فيهم يحكيو و يضحكو باين راهم متلامين على الغداء دخلت لبيت لفطور
انا:سلام............ بصتكم