حسام و كنزة

8

  ماما بابا و خواتي كامل قاعدين على الطابلة يستناو فالاذان وانا قاعدة برا سمعت الامام قال الله أكبر ونروح نجري نتلاح على الطابلة ناكل ونعاود يبان عندي قرن ماكلياش   انا:ماما اعطيني البوراك بابا الكفتة من قدامك ربي يعيشك رباب نتي ماكيش صايمة اعطيني صحن نتاع البطاطا محمد خويا اعطيني الطاجين لحلو ناكل ونعود زلابية مع الكفتة والشربة و البوراك ماخليتهمش ياكلو في عقلهم  بابا:بنتي بعقلك راي مايش حاتهرب الماكلة  حياة:ياربي شوف شوف واش تاكل وجامي تسمان قريب تاكلينا  انا:مانيش قاعدتلكم دوركا نكمل ونتفاهم معاكم  رحيم:يالطيف بقرة لكان ماتلقاش واش تاكل تاكلنا  انا:علاش راك توكل فيا من جيبك صوارد بابا و ماتساليش دجا اقعدوا فيها وحدكم والله مانكل معاكم  محمد:حتان لحست الصحونا وقاتلك زعفت ههههههه انا نضت اكيد يعني بعد ماشبعت ههههههه مانسمحش في كرشي رحت لعبتها قلقانة عيطتلي ماما:كنزة ارواحي اغسلي لماعن خواتاتك غلبوا  انا:مانغسلش الفطور ماخليتونيش نفطر كيلعباد دجا اييييييي راسي حاندوخ انا مانحملش الصيام  حياة:ايه روحي كيما موالفة رمضان كامل وحنا لينخدمو وانتي راقدة  هاجر:ايا طيري اغسليهم ختك رباب ليصغيرة عليك و تعاوننا ونتي راقدة  انا:اه بابا الدوخة الستر في راسي اييي رجلي وكرشي راي تستر من لجوع دجا ما فطرتش  ماما:روحي قيليني نعود نشاليك بالبشماق نندب عليه مسكين ليحايديك  محمد:ماما هادي تقعدلكم بايرة شوفي وجهها نتع وحدة تتزوج  انا:نزوج و نجيكم مع زوجي المستقبلي في رمضان نجيبلكم بوراك  و كفتة ونفطر عندكم  رحيم:هههههههههههه مسكين يعود كل عشية يدير لاشان في مطعم الرحمة هههههههههه بابا:ههههههههههههه وقفة رمضان هههههههههههه انا:à oui تفاهمتو عليا انا نروح اقعدوا فيها وحدكم  رحت قعدت نكنكتي بعثت ميساج ل حسام  انا:sa7a ftourk hbb  وقفلت الموبيل باش مايعيطليش لانه قد حان وقت الهملة هههههههه رحت بدلت قشي لبست بونتا شوفي بيض و بيل غوز طلقت شعري و قعدت نسنا في ماما و خوتاتي يلبسوا باش نخرجوا  ماما:نتوما روحوا انا نكمل شفع ونلحقكم  انا:اوك هيا لبنات نروحوا  خرجت انا و هاجر و حياة و محمد رباب راحت مع ماما و بابا يشفعوا هبطنا على رجلينا درنا حتان غلبنا شرينا لاكرام و قاطو هههههه نخمم غير في كرشي سنينا ماما طولت ماجاتش ولينا روحنا وصلنا محمد لطريق وقالنا كملوا وحدكم دجا دورك يخرجوا الغاشي نتاع الشفع انا نمشي ونحكي مع اختي حياة على هزت راسي نشوف في حسام خارج من المسجد يا عمري يهبل بالقميص نتاع الصلاة تبسمت معاه مي هو شاف عندي وشنف  يخرب بيتك تشنف عليا ماعليش  وصلت للدار رحت للكوزينة كليت زلابية و مقروك و منبعد رحت لبيتي حليت لموبيل لقيت ليزابال نتاعو نعلت الشيطان وعيطتلو  انا:حبي صحا فطورك  حسام:اممممم دوركا الناس يقولو صحا صحورك علاش موبيلك طافي انا:هيهيهيهيهيهيهيهيه طاحتلي الباطري نتاع موبيلي و مالقيتش شارجور  حسام:وين كنتي هاملة ليل ليل ونتي فالزنقة  انا:اممممم رحت ل هاديك ل وسمها ااااا رحت نشفع  حسام:ياحبي ربي يقبل انا عمري ختارعت صلاة جديدة تصلي بالسروال مسيري و تريكو قصير و ركزيلي على الشعر مطلوق انا:هيهيهيهيه الو مانيش نسمع فيك ا ماكانش الريزو  حسام:لالا الريزو كاين و الباطري طالعة و نتي كنتي تسوجي كي عوايدك راو رمضان ا بنتي  انا:يا حسام راني ماكنتش باغيا نروح داوني ذراع عليا  حسام:ياو نتي ليديتيهم ذراع المهم عمري نخليك مبعدا راني نعاود نعيطلك خلي موبيلك شاعل اوك  انا:اوك حبي  عاود عيطلي و حكيت و زدت هبلتو  فات شهر كامل وحنا هكدا نتقابضو و نوليو الله غالب انا نعشق فيه اليوم اخر نهار في رمضان نضت اليوم بكري عاونتهم دارو نيتواياج لأنو غدوة العيد فطرنا وغسلنا لماعن و رحنا للحفافة