حسام و كنزة

9

قاعدة عند الحفافة عندي ساعتين وصلت الحداش نتاع الليل وانا قاعدة على الكرسي حسام يعيط وانا ماسمعتوش من الحس نتاع السوشوار تولهت على غفلة هزيت عليه  حسام:اربك ساعة وانا نعيط واش هاد الحس وين راكي انا:والله ماسمعتو راني عند الحفافة  حسام:اووووو حتان دورك حاتباتي برا ولا واش ايا طيري تروحي  انا:والله مانروح ساعتين وانا قاعدة نستنا فالاخر نروح ماما ليحشاتهالي قاتلي خليني انا و خواتاتك نمشطوا ومن بعد امشطي نتي هوما روحو وانا مازلت مكوفريا  حسام:رااااااااكي وحدك تزيدي تحلي في فمك اهدري علابالك قداش راي الساعة (يحكي و يعيط على طولو) انا: وعلاش راك تعيط عليا مثلا تحبني نروح والله مانروح حتان نمشط  حسام:استغفر الله العظيم يابنتي يهديك ربي عيطي لباباك يديك تروحي راي الوحدة نتاع الليل و نتي عند الحفافة حاتباتي عندها  انا:فففففف اوك دورك نروح عمري ماتتقلقش  حسام هكدا نشتي حبي.... كيتروحي عيطيلي  انا:اوك حبي  خخخخخخخخ ضحكني 5 سوايع وانا قاعدة نستنا على الاخر نروح هههههه يضحك  قعدت نلعب بالموبيل حتى نشوف فالمرا ليكانت تمشط كملت و حاتقعد طفلة في بلاستها ونوضلها  انا:اييي دالتي ا مادموزال  الحفافة :ايه علابالي مي هيا راح عليها الحال مايشتيش باباها انا: انا علابالك نسكن فالزنقا واحد مايحوس عليا جات دالتي يعني انا لينمشط  الحفافة :اوك ماتقلقيش دورك نمشطلك  كنت راح نقص شعري و نصبغوا اما خفت حسام  كملت مشطتلي عيطت لبابا جا داني روحت حطيت راسي على لمخدة رقدت مافقتش  نهار العيد نضت طبعا اخر وحدة فالدار قلقانة كيعاد ماشراوليش قش العيد قالولي نتي قريب نزوجوك ونتي بغيتي قش العيد ههههههه  فتحت موبيلي لقيت حبيبي عيطلي ماسمعتوش عاودتلو  انا:حبي صحا عيدك كل عام وانت بألف خير  حسام:وانتي تاني عمري كل عام ونتي بألف ألف خير  انا:حبي نروح نعيد على بابا و ماما من بعد  حسام باي عمري  رحت نجري عند بابا هههههه نحيتلو شوي دراهم زدت رحت عند اخوتي لولاد زادو عطاوني دراهم هههههههه لبست قشي و عيطت ل حسام حبي باش يجي عندي توحشتو  مشيت قريب لطريق لقيتو مقاري ركبت معاه ورحنا  حسام: توحشتك يا جدك شهر كامل ماتلاقيناش  انا:حتى انا توحشتك  حسام:امممم وين تحبي نروحو  انا:نروحو ل بلاصة العادة باغيا نكون غير معاك (نحكي معاه وانا نحسب في دراهمي ههههههه) حسام:اوك حبي ههههه راني نشوف فيك مرفهة ليوم هههههه انا:خمسة في عينيك حبي ههههههه  حسام:او بدا لسانك يطوال لازم نقصهولك  انا:خخخخخخخ نتمسخر معاك برك حبي  حسام:ايه منين جبتيهم هادو  انا:سرقتهم ا عمري ما أغباك يعني منين حانجيبهم عطاهملي بابا حسام:راني قتلك نعيا نقصلك لسانك اسمعي شوفي فالكرسي لورا راني جبتلك حاجة  لحت يدي لقيت دبدوب احمر يهبل و بوت فيها ساعة روووووعة عجبتني تلحت عليه عنقتو  انا:حبي مارسي ربي يخليك ليا  حسام:يا مهبولة اطلقيني بغيتي نموتو اطلقيني خليني نسوق في عقلي  انا:لالا نحبك بزاااااااف مارسي  حسام:هههههههه انا نعشق فيك نموت و نفنا عليك اه واش درتي فيا  فرحت بزاف خاصة بالدبدوب عجبني بقيت معنقاتو و نضحك حتان وصلنا حسام:ههههه مهبولة رانا وصلنا انزلي  نزلت ورحت حكمتلوا يدو دار عندي  حسام:إيه واش كنتي تقولي  طلقتلوا يدو وبديت نمشي ونرجع ورايا  انا:اه هيه قلت هيهيهيه ماقلت والو هيه ماقلت والو حسام:(وباقي يقدملي) لالا قلتي بلي تحبيني و عنقتيني بلا ماتشاوريني  انا:هيهيهيهيهيه انا عنقتك لالا راك غالط (تخبطت فالطاكسي نتاعو وهو يقدم يقدم حتان لصق فيا وجهي في صدرو نبان بنتو ههههههه) حسام:لالا مانيش غالط عنقتيني هكدا ويجبدني لعندوا هزلي راسي و حط شفايفو على شفايفي  يد حاطها ورا رقبتي و يد حاكمني بيها من خصري غاطس في شفايفي يمص و يعض وانا مانيش عارفة واش ندير النفس تقطع عليا وهو باقي يبوس فيا جبد روحو مني فوت يدو على شعرو شاف فيا قالي اول مرة حركت راسي ايه ضحك وعاود جبدني عندو وغطس من جديد في شفايفي يمص ويبوس قطع عليا النفس دزيتو شوي هز راسو لسما وعاود طبس لوذني قالي  حسام:اطلعي اطلعي مانيش باغي نغلط معاك مانيش قادر نتحكم في روحي اطلعي  طلعت نجري لطاكسي حليت ساكي جبدت منو مراية شفت شفايفي حومر راح يترتقو و منفخين حطيت يدي عليهم وضحكت مانيش عارفة احساس جديد عليا فرحانة وحاسة بدغديغة في كرشي هزيت راسي شفتو جاي حل الباب جبد قرعة نتاع ماء و راح نشوف فيه نحا تريكو نتاعو وصب على روحو القرعة نتاع الماء اه يا اماه هههههه هداك لكور احكموني لانروح نغتاصبوا هبلني قعد جوايه عشر دقايق وجا شعل الطاكسي وديمارا فالطريق  حسام:علابالك بلي هبلتيني سنفورة كيما نتي هبلتني اه  انا:بقيت دايخة وحاشمة مهبطا راسي  حسام:شفايفك عسل عسل مقطر  انا:تمنيت نطير فهاديك الدقيقة وجهي حمار و داخلة بعضي حشمني  حسام:هههههههههههه حشامة هزلي راسي وقالي : نوعدك بلي جامي نخليك دورك راكي حبيبتي و بعد عام ان شاء الله تكوني مرتي راكي كل شيء في حياتي نحبك