حسام و كنزة

33

.......واقفة قدام لكلينيك نستنا فالطاكسي..... نحس في يد جبدتني درت لقيتو حسام.... عينيه حومر وعروق يديه راح يترتقوا .....ففففف نسيتوا طوول........كركرني من يدي ورماني داخل الطاكسي ....طلع يكفر ويسب و يعيط....
حسام: يا ربك انا عندي ساعتين وانا نستنا في رب... ونتي ماديتيهاش مامبا فيا.... حلي رب فمك اهدري
انا: حسام.... والله نسيت
حسام: واش تنساي يا ربك واش تنساي انا مخلي رب خدمتي وجايي باش نشوفك ونتي تتمنيكي برا...
انا:حسام ماتكفرش عليا و ديجا خلي ربي في بلاصتو ماوش نتاع فمك
حسام: استغفر الله العظيم من كل ذنب عظيم.... لا حول ولا قوة إلا بالله.... نتي هكدا تحبي... ياك تحبي تجهليني... تخرجيني من ديني باش تفرحي
انا: فففففف حسام ياك قلتلك نسيت والله غير نسيت وزيد راني تعبانة راح نطيح على وجهي
حسام: ايه زيدي تأففي.... لوكان مانكسرلكش هداك الفم مانتسماش حسام
انا : ...........................................
بقينا ساكتين.... وصلنا لبلاصتنا نتاع العادة.... نزل حسام....نشوف فيه هز معاه قرعة نتاع ماء هههههه تفكرت اول مرة باسني فيها هههههه.....نشوف فيه شارلي بيدو نتاع انزلي...... نزلت رحت عندو.... كان راح يبدا يحكي حتى صونا موبيلي.... لقيتو هيثم ففففف هداك ماو ناقصني......
حسام: شكون راو يعيطلك
انا: حاجة تخصني....... الو... وي هيثم لباس
هيثم : كنزة وينك من الصباح وانا نحوس عليك.... والله حرام عليك تخليني وحدي
انا: عندي خدمة يا هيثم خلي غدوة ان شاء الله نجي لعندك
هيثم :ايه راح نستناك.... علابالك وجهي كامل يوجع فيا و يدي تاني دارت فيا حالة
انا: ايه ربي يشفيك ...(درت عند حسام نلقاه يشرب فالماء ومركز ماعيا ..).(.كملت نحكي) ..... وهادو لي ضربوك ربي يكسرلهم يديهم..... والموت تديهم ان شاء الله ....نشوف في حسام شرق وبدا يسعل بقوة.... كوبيت على هيثم....... ورحت نخبطلو على ضهروا
انا: اقفل خشمك.... اقفل خشمك دورك تروح ........بسيف باش رجع يتنفس عادي
حسام: شكون لي ضرب هيثم
انا: ماعلاباليش شكون مي راني شاكة
حسام: اه ايه.... دجا نتي مارحلكش فيه.... ضربوه ولا قتلوه هادي حاجة ماتخصكش..... ماتقوليليش غايضك
انا:.............................................
ماحبيتش نرد عليه لاني علابالي راح نتقابض معاه......... بقينا ساكتين حتى نطق هو
حسام: كنزة اليوم نحبك تحكي مع باباك باش تفسخو الخطوبة
انا: لالا حسام مانقدرش
حسام:انا مارحليش نحب اليوم كلش يتفرا و لا الفيديو راح يكون عند باباك.... ونتي تصوري ردة فعلوا مسكين
انا: حسام والله ماتحشم حرام عليك.... يعني نتا كلش عندك بالتهديد ففففف
حسام: انا قلت لي عندي.......نتمنى اليوم.... تحكي مع داركم........و غدوة راني محضرلك مفاجأة ....هيا اطلعي باش نوصلك ..........................................................................................................
دخلت للدار لقيتهم كامل قاعدين فالصالون حتى خوتاتي ماروحوش..... سلمت عليهم وطلعت لبيتي بدلت قشي .......بقيت حايرة كيفاش راح نحكي مع بابا........نزلت عندهم.....بقينا نحكيو.........ونضحكو اللحظة عاديك جاتني شجاعة ماعرفتش منين جات ههههههههه
انا:بابا حبيت نقوللك حاجة
بابا: ايه بنتي احكي
انا: ممممم بابا... بابا حبيت نقوللك... يعني انا قررت.... ماحبيتش يعني
بابا: يا طفلة هبلتي.... احكي واش تحبي واش بيك من قبيل ونتي... يعني... يعني..... احكي
انا: بابا انا راح نخلي هيثم.... مانيش حابة نتزوج بيه
بابا: كيفااااش.... راني قلتلك نتي هبلتي.... كيفاش ماحبيتيش تتزوجي هادا.... حنا راح نتمسخروا بالناس دوركا..... على الاول حسام و دوركا هيثم............. كنزة اسمعيني واش راح نقوللك ملييح.......الخطبة راي ماشي لعبة وقت تحبي تقبلي و وقت تمرقي تبطلي..... العرس في هاد الصيف.... ومانحبكش تبهدلي بيا..... فهمتي
جيت راح نحكي معاه.....قاطعني رحيم خويا
رحيم: بابا عندها الحق... لازم تبطل عليه.... هداك ماوش راجل..... ولحد رخيس والله مايستاهل ظفر من ظفارها
بابا:رحيم انا وعمك سايي تفاهمنا... مانقدرش انا فالدقيقة الاخرة نقوللهم سايي بطلنا.... عييييب يا ولدي عيب راو خويا لكبير
محمد:ماوش عيب يا بابا ماوش عيب.... انا مانيش راح نخلي اختي تتزوج بواحد كيما هداك مستحييييل
انا بقيت غير نشوف معاهم.....
بابا: انا لي عندي قلتو..... مانيش راح نخليكم دمروا حياة اختكم كيعاد نتوما ماتحبوش هيثم
ماما: ايه باباكم عندو حق.... وكنزة سايي كبرت في عمرها 28 سنة ومازال ماتزوجتش.... نتجاتها راهم بديارهم.... وزيد هيثم ناس ملاح و يحبها وراح يعيشها مليح
محمد: ههههههه ايه ناس ملاح و يحبها..... علابالك بلي الخامج نتاع هيثم كان راح يغتاصب كنزة
..هيثم الحيوان دا اختي لبلاصة خالية وكان راح يغتاصبها.... كان راح يقضي على مستقبلها وانت تقولي هيثم يحبها......
البنات كامل شهقوا.... بقاو مشوكيين من لي سمعوه.... ماما ضربت يدها على صدرها.... وبابا مصدوم بقا ساكت ويشوف عندي..... انا دموعي هبطو... وجهي حمار..........
رحيم : كنزة اطلعي نتي و لبنات لبيتك........
طلعت مع لبنات لبيتي...... مع دخلت رميت روحي على السرير و ترتقت بالبكا.... نبكي بالشهقة... جاو البنات حضنوني و يبكيو معايا
حياة: علاش محكيتيليش يا اختي علاش خليتيها في قلبك
انا: هئهئهئهئهئهئهئه واش راح نحكيلك يا اختي.... خليها فالقلب تجرح خير ماتخرج برا و تفضح...... عنقتني حياة.... بقييت عندها ونبكي.... اااااه ياربي علاش ماعنديش الحق نفرح كي الناس.... مين نقول الدنيا ضحكتلي..... تولي تتقفل في وجهي.............................................بقيت معنقة حياة.ونبكي....دق دق الباب راحت نورهان حلت.... لقاتو بابا و ماما ...دخل وقال البنات يخرجو ويخليونا وحدنا ............
بابا:يابنتي راني مقهور عليك..... هدا كامل صاري فيك وماتقوليليش
انا: ماقدرتش نقوللك يا بابا ماقدرتش
بابا عنقني وقاللي: اااااه يابنيتي قداش ضلماتك الدنيا.... بصح حنا مؤمنين وملازمش نفقدو الثقة في ربي و الحمد لله على كل حال
انا: ايه يا بابا الحمد لله......
بابا: هاتي الخاتم نتاع الخطبة نتاعك.... انا غدوة نروح نقوللهم بلي بطلنا و نرجعلهم خماجهم....
ماما: كنزة يا بنتي نقوللك الصح.... انا في رأيي ماتبطليش....عليه.... يعود يفضحك بين الناس و ادا مادرتي والو يرجعوك درتي.... مالا احملي هيثم واتزوجي بيه ....ماتفضحيش روحك يابنتي و تولي سيرتك على كل لسان
بابا: يا مرا خليك محضر خير.... و بركاي ماتوسوسي فالطفلة.... والله والله والله بنتي ماتتزوج بهداك يالوكان تتطبق السماء على الارض.... هاني قلتلك... .............................. .........................................................................................................خرج بابا و ماما.......خلاوني وحدي فالبيت فرحاااااااانة ههههههههههه حابة نعرف واش قالو خاوتي لبابا هههههههه تكيت عالسرير.... نضحك وحدي..... وصلني ميساج من عند حسام: برافووووو نفذتي الطلب الاول و غدوة نقوللك على الطلب الثاني......... اتهلاي في روحك حبي...................................نضت الصباح فرحانة ...هههههه الضحكة خارجة من قلبي..... 10 اول صباح النوض فيه فرحانة من نهار تفرقت انا و حسام يعني من قبل 10 سنين .......لبست سروال دجين و ليكات غوج بوردو و طالون نوار و خيمار غوج بوردو و ساك نوار.... درت مكياج خفيف ........ هبطت لقيتهم كامل قاعدين يفطروا قعدت فطرة معاهم.... شهيتي مفتوحة هاد الصباح...... وصلني رحيم خويا للخدمة وهو راح لخدمتو......دخلت لكلينيك.... تلاقيت مع رئيس الاطباء... قاللي بلي كاين عملية مهمة وهو حابني ندخل معاه..... ههههههه اليوم مانيش عارفة واش راو صاري ههههه....مي راني خايفة.... يكون بعد الفرحة هادي... كاش مصيبة طيح على راسي كيما موالفة ........طلعت للبيرو نتاعي بدلت قشي و هبطت عند مسيو ناصر.... رئيس الاطباء........ حكالي على حالة المريض......وبلي العملية نتاعو على 20:00 نتاع الليل.....رحت كملت خدمتي عادي... كي وصلت 12:00 عيطلي حسام
انا: غير الخير واش تسحق
حسام: خير خير... هههههه ماعليش دوركا احكي كيما تحبي من بعد نعرف انا كيفاش نخلصهم فيك
انا: ففففففف مانيش قاعدتلك.... احكي ولا كوبي.... عندي خدمة راي تستنا فيا
حسام: à oui رجعتي تحكي معايا هكا... ماعليش... المهم عيطت باش نقوللك وجدي روحك دورك نجوز عليك نروحو نتغداو
انا: لالا مانقدرش نروح معاك.... عندي خدمة
حسام: هههههههههه نتي يبالي ماتفهميش ....مارانيش نسقسي فيك.... يالالة.... وجدي روحك ربع ساعة نكون عندك والا.... علابالك واش راح ندير...........
كوبالي في وجهي بفففففففف رحت بدلت و هبطت نستنا فيه لتحت.... كي وصل عيطلي.....خرجت عندو..... مادالي عقلي غير الطاكسي نتاعو............ مع ركبت معاه جبدني من وجهي وقاللي: تزيدي تحكي معايا بالطريقة هاديك ماتلومي غير روحك.....فهمتييييي(يحكي ويعيط)
انا:ايه فهمت (صراحة كنت حابا نرجعلو الفيلم لي دارو فيا مي ماقدرتش.... خوفني كيفاش حكا معايا... حسام تبدل على قبل.... جامي حكا معايا هكدا مي دوركا تبدل رجع عصبي
حسام: على قداش تكملي خدمة اليوم
انا: مانيش راح نكمل اليوم..... نخدم فالليل عندي عملية
حسام: بففففففف غير استمتعي بهاد الايام..... بعد شهرين تعودي تحلمي تخرجي من الدار
انا: مانعرف شكون راح يمنعني نخرج.... وخاصة لخدمتي
حسام: نشوفو يا الزينة نشوفو..................
ناوي يهبلني المخلوق هدا بفففففففف
وصلنا قدام مطعم ماوش بعيد بزاف على لكلينيك........... دخلنا ماخلاش حاجة مجابهاش..... انا بقيت حالة فمي فيه..... راني متأكدة بلي حسام سايي هبل.....
حطلي من كل شيء قدامي ويقوللي كولي..من هادي زيدي كولي من هادي.... انا بقيت مشوكيا فيه
حسام: بفففف تباني متاكليش خلاص رجعتي تخلعي تباني عمود
انا: كيفاش انا لاطاي نتاعي مايش مليحة... هه حشاك انا نبان مونكان
حسام: مي انا نحبك تسماني.... منحبش مرتي كي لكيردو
انا بقيت مشوكيا فيه... اووووووو كيشغل قال مرتي والا انا لي راني نتخيل...... مي حاولت نتدارك الوضع
انا: ايه روح اعلف مرتك ماتجيش عندي انا
حسام: ايه حتى انا راني نعلف في مرتي الحمارة لي راي قاعدة قدامي .......حسيييت روحي راح نطييييير من الفرحة مي حكمت روحي باش مانبينش...... ملازمش ننسا بسهولة حكاية الفيديو.... لازم نخلف الثار و نعذبو شوي
انا: هههههههه ضحكتني وانا مانيش قادرو نضحك..... وشكون هاد الفايق لي قاللك بلي راني قابلة نتزوج بيك
حسام: ممممم لي قاللي هو فيديو فيه عملية نقل اعضاء غير مصرح بها.... لي قامت بيها اسمها الدكتورة كنزة******** لي ادا ماوفقتش تتزوج حسام******* الفيديو راح تتفرجو دزاير كامل..... ونشوفو وقتها الدكتورة كنزة******* واش راح يكون موقفها
انا: فففففف حسام علاشك استغلالي هكدا.... يعني راح تبقا تهدد فيا بهاد الفيديو
حسام: ايه حبي هاد الفيديو هو لي راح يريقلك كي الساعة.... وهيا ادا كملتي نوصلك ترجعي لخدمتك المؤقتة ....انا رايح نخطب مانيش قاعد
انا: ففففف ايه رجعني لخدمتي.... و ان شاء الله... اب الطفلة لي راح تخطبها يحاوزك من الباب
حسام:ههههههه حبي ماتخمميش انا مكانش لي يقوللي لالا..................
ففففففف قداشو مغرور..... ركبت معاه وصلني لكلينيك وراح............. رحت كملت خدمتي..... من بعد طلعت للبيرو نتاعي نرتح شوي قبل العملية...... كنت متكية راسي على الكرسي و رجليا حاطتهم على البيرو... مغمضة عينيا.... راح نرقد.... ههههههه خفت لا نرقد داخل غرفة العمليات................ تشوف فالباب ماشي تحل.... تخلع من بلاصتو.... حليت عينيا مفجوعة..... نلقا هيثم قدامي.... معاه ماماه..... جات تجري عندي
ماماه: يا القح..... كي رجعلك صاحبك خليتي ولدي يا الخامجة نتي وحدة فاجرة ماتحشميش اهدري....
انا : اووووو وشبيك هاجمة عليا كيما هكدا.... راكي في عقلك ؟