حسام و كنزة

19

لبستلي ماماه خاتم نتاع ذهب قاتلي هدي شريتها كي تولد حسام باش نلبسها لمرتو وهاني راح نلبسهالك
قصيت انا و حبي لاتارت و وكلني ووكلتوا من بعد راح قعد مع الرجال
جابو خوتاتي القهوة و المناضة و القاطو كامل كلاو غير إيمان قاعدة غير تشوف فيا ...........................
روحو دار حسام وبقاو غير نتاعنا
عمتي: اوففففففففففف الزهر ولا خلي
انا: الحمد لله عمتو لعقوبة لبناتك
وطلعت لبيتي رقدت كنت غلبانة حتى العشاء ماتعشيتش

فقت فالليل نسمع فالحس في بيتي حليت عيني نشوف في واحد واقف فوق راسي عيطت عيطة الجيران سمعوها بقيت مشوكيا حشاكم بلت تحتي من الخوف جا خويا رحيم يجري زدم فالباب شعل الضوء نلقاها عمتي بقات غير تشوف فيا نظن مكانتش متوقعة نفيق
خويا رحيم جا يجري عندي
رحيم: كنزة وش بيك واش صرالك
انا بقيت غير نشوف عندو حسيت راسي رزن و عينيا تقفلو من بعد مافقت بوالو ...................................
حليت عينيا نلقا ماما هازة الريحة وكاس ما وترش في وجهي و خالتي تقرالي فالقرأن
ماما: بنتي فيقي واش صرالك واش بيك
خالتي: ياك قتلك اليوم يصيبوها بعين
انا مازلت نستوعب فلي صرا و من بعد بديت نتفكر
انا: ماما مانيش قادرة نحكي دورك حابة نرقد ونتي اقعدي معايا
خرجوا كامل بقات غير ماما جات تكات قدامي و حطتني في حضنها
انا: ماما انا قبيل حليت عيني نلقا عبد واقف عند راسي وكي شعل الضوء كانت عمتي وطرطقت بالكاء ماما والله غير خفت شوفي لدورك مازلت نرجف
ماما: بالاك راكي تتخيلي واش راح دير في بيتك في نص الليل
انا: والله يا ماما غير كانت هنا في بيتي نحكي و نبكي ماما والله من الخوف بلت تحتي
ماما: أستغفر الله العظيم نوضي نعونك تغسلي و تبدلي و غدوة نشوفو لحكاية

الصباح نضت غسلت و هبطت نلقاهم كامل قاعدين يفطروا قعدت معاهم وانا مانيش حاملة عمتي و بناتها
هدر بابا: كنزة تنحى عليك شوي
انا: ايه بابا الحمد لله
ماما: احممم ايه لويزة (عمتي) واش كنتي ديري البارح في بيت كنزة علبالك مسكينة خلعتيها
عمتي: انا ماكنتش في بيتها
رحيم : ايه صح ماما فكرتيني انا كي دخلت لقيت عمتي واقفة
عمتي: اه ايه لالا يعني كي سمعتها تعيط رحت لعندها
ماما: اممممم ماعليش
هزت عمتي بناتها وروحت تم تم
راحت خالتي عند ماما وقاتلها: نقولك الصح يا ختي انا سلفتك هاديك قلبي مارتاحلهاش غير عسي بنتك
ماما: حتى انا مانيش مرتاحة قلبي ماوش قايلي خير
عمتي: راني قتلك عسي بنتك مسكينة مزالت صغيرة و هي ربي يبارك الزين و العين والعباد ماهداهمش ربي قادر يسحروها ولا كشما يديرولها
ماما: ايه والله كيما قلتي ربي يستر
ماما مدارتش الحكاية في بالها الانها ما تصدقش هاد الحكايات لي على السحر و الشعوذة ...........................................................جات عندي ماما تضحك شافت وجهي مقلب جات تسقسي فيا حكيتلها لحكاية قاتلي: ايه عندو الحق المرا ماعندهاش بلا دار راجلها
ونتي راجلك ربي يبارك ماوش ناقصوا باش نتي تكملي تقراي و تخدمي
انا: ايه عندو الحق وانا لالا
طلعت لبيتي بدلت قشي وتكيت نخمم ..... لحكاية ماشي حكاية دراهم ولا هو عندو ولا ماعندوش لحكاية تتعلق باحلامي بالتعب لي تعبتو بالسهر لي سهرتو باش نحقق احلامي باش نوصل لهدف من صغري وانا نسعى باش نحققوا ......... رقدت وانا نخمم ..................................................................................................................................................................................................................
بعد شهر:
اليوم اول نهار فالباك المورال راو طالعلي و نفسيتي ممتازة عندي هدف لازم نحققوا لازم ندي الباك
خرجت لقيت حسام يستنا فيا البرا ههههه شهر كامل محكاش معايا ولا نهار غلط و عيطلي واليوم جا لعندي ففففف ربي يهديه
انا: Oui تفضل خويا على من راك تحوس
حسام: راني نحوس على مرتي عندها شهر ماحوستش عليا جيت اليوم نشوف واش صرالها
انا: ممممم قتلي شهر... لا وين علابالك بالاك تكون نساتك و بدلاتك
حسام: لالا ما نظنش prsq علابالها لوكان تخمم تبدلني نقتلها قبل ما تحاول
انا: ههههه راك واثق بزاف في روحك
حسام : و واثق في مرتي تاني ههههه لي راهي تضيع فالوقت و راح يروح عليها الحال ادا بقات تحكي
انا هدا وين تفكرت بلي عندي امتحان رحت نجري حليت الباب وركبت وهو بقا يشوف عندي و يضحك

انا: فففف حسام ازرب شوي لايفوتني لامتحان
حسام: ايه اضغطي على هاديك القفلة دورك الطير الطاكسي -_-
انا: ففففف المهم ازرب....... حبس الطاكسي قدام سيبيرات راح ينزل
انا: حسام وين راك رايح ماتهبطش راو يروح عليا الوقت
حسام: اغلقي فمك دقيقة دورك مايروحش الحال
نزل دخل لسيبيرات وانا نسب فيه ونعاود : حيوان في جرتوا يروح عليا الامتحان اعععععع طوول وين راح الكلب هدا... راني متأكدة بلي يدير فيها بالعاني باش مانروحش الامتحان............. نشوف فيه جاي هاز ساشي... حل الباب وركب عطالي الساشي وقالي: علابالي بلي خرجتي بلا ماتفطري هيا كولي باش تقدري تركزي......................................
فففف ضلمتو مسكين وهو يخمم فيا
انا:مرسي حسام وازرب ربي يعيشك ...............................................
وصلني لليلسي انا جيت هابطة هو جبدني من يدي و باسني على خدي وقالي: ههههخ هادي باش تجيبلك الحظ good luck حبي
انا: مرسي حسام.......... ودخلت نعقب الامتحان ................................................
خرجت لقيت حسام يستنا فيا ركبت معاه
حسام: واش حبي cv جاك الامتحان ساهل
انا: ايه مليح الحمد لله .... وصلني للدار حسام
حسام: لا لا ما يكفيكش الوقت دورك نروحو نتغداو و نرجعو
انا : اوك كيما تحب
رحنا لمطعم ماخلاش ماكلة مجابهاليش.... يوكل فيا و يعاود
انا: سايي ههههه شبعت
حسام: لالا زيدي كولي باش تقدري تركزي
انا:هههههه هكدا قتلي الصباح مي والله غير شبعت هيا نروحو راو قريب يبدا الامتحان.......
وصلني فوتت الامتحان و جاء لعشية داني...............
بقينا على هاد الحالة سمانة كامل هو يوصلني و يروح بيا
اليوم اخر يوم فالباك جا حسام باش يديني نروح ركبت معاه قالي
حسام: كيفاش جاك الامتحان
انا: ساهل اليوم فرنسي جات ساهلة
حسام: ممممم ربي ينجحك ... كنزة نتي ساي كملتي امتحاناتك ولازم نبداو نوجدو لعرسنا قبل رمضان