حسام و كنزة

28

جات عندي ريحان ترمات عليا حضنتني
ريحان: تاتا كنزة راني بريت.... ومعادش توجعني يدي.....
انا: يا عمري الحمد لله..... ويدك معادتش توجعك
ريحان : لالا ماتوجعنيش....... تاتا كنزة انا كي نكبار نولي كيفك طبيبة
نطقت ايمان اخت حسام: لالا بعيد الشر مالقيتيش لمن تخرجي بغيتي تخرجي لوحدة كيما هادي.....
انا لميتها لداخل...... بست ريحان وطلعت لبيتي..... لوكان زدت شوي كنت راح نوريلها قدرها......
عيطت لخوتاتي حكيتلهم لحكاية.... وحدة فيهم ماي مصدقة..... شوكيتهم..... قالولي غدوة نكونو عندك هههههههه التقرعيج..........
حطيت راسي على مخدتي داتني عيني رقدت.......فقت على الربعة نتاع الصباح..... الوجاع قاتلني.... عرفت روحي بلي مرضت........فففففف من القلقة رجعو كي يجيوني يقتلوني.... نشوف الموت قدامي...... رحت لتوالات بدلت..... و رجعت تكيت..... السطر يقتل فيا.... دموعي نازلين..... اه ياربي.... مانيش قادرة نتحمل........ هبطت للكوزينة شربت دوا نتاع الراس.... ونسيت بلي هو يقوي فالدم....... رجعت لبيتي تكيت...... صونا الرفاي على الستة.... نضت لبست قشي وانا حاكمة في كرشي..... وصلت لكلينيك رحت ديراكت لطبيبة نتاع النساء...... دارتلي راديو.... قالتلي بلي عندي كيست فالرحم نتاعي..... انا قلبي حبس....قلت مانيش راح نقدر نجيب لولاد...... مي الطبيبة طمنتني كي قالتلي بلي هاد الكيست راح تذوب بالدواء........عطاتني برا زعمة باش يتنحا لوجاع...... مي بقيت هكداك نهار كامل.... نخدم و حاكمة في كرشي...... خرجت نلقاااا حسااام قدام باب لكلينيك انا تشوكيت..... تفكرت يمات كي كان يستناني قدام ليسي.... كنت كي نطول عليه.... يجي عندي.... ويبدا عيط عليا...... قصلي على افكاري كي فتح باب الطاكسي وقاللي: اركبي
انابقيت نشوف معاه..... مافهمت والو
حسام : ازربي اطلعي راح نقعد نهار كامل نستنا فيك.................... ههههههههه والله هكدا كان يقوللي بكري........ركبت و انا مشوكيا .....ركب حتى هو و ديمارا.....
انا: حسام وين راح نروحو..... شبيك هبلت وين راح تديني
حسام : تبلعي فمك احسن مايتكسر.... سكتت وقعدت نتفرج مع الطريق..... اه ياربي هاد الطريق نعرفها........... حبس الطاكسي في بلاصتنا..... نتاع العادة..... لبلاصة لي كانت شاهدة على بداية علاقتنا وعلى نهايتها......... 10 سنين ماجيتش ليها ولا نهار .........
حسام: مممممممم نظن نسيتي هاد البلاصة
انا: حسام علاش جينا هنا و واش تسحق مني
حسام: مانسحق حتى حاجة.... حبيت برك نفكرك بهاد البلاصة
انا: ممممممم هيا نروحو... راو راح عليا الحال (والسطر دار فيا حالة قريب نبكي )
حسام:مممممم اوك نروحو..... مي كنزة تشفاي نهار ذليتيني فهاد البلاصة.... نهار خليتيني.... مكسور..... نهار لعبتي بقلبي و مشاعري..... انا راح نوعدك بلي نخلص فيك الدوبل 10 مرات وتشوفي...... قدم وشوشلي في وذني.... شوكاني..... حسيت الوقت حبس.... ماقدرتش نتحرك من بلاصتي........
انا: اه يا حسام كيفاش تقدر تطلب مني طلب كيف هدا
حسام: كيما قدرتي تتخلاي عليا..... ايه و حوابك نسمعو غدوة لعشية.... ماتنساينيش........ ركبنا فالطاكسي و داني نروح .....قبل ماننزل قاللي: انا ننصحك تقبلي العرض نتاعي......ههههه يعني تعاني مرة وحدة خير ماتبقاي حياتك كامل تعاني... نتي و داركمدخلت للدار... مزالت هدرت حسام تتعاود في راسي..... جات عندي ماما قالتلي: كنزة ارواحي تشربي معانا قهوة مرت خوك راي هنا هي و امها
انا: لالا ماما راني تعبانة خلي نطلع نريح شوي و من بعد نهبط..............
طلعت لبيتي بدلت قشي و رميت روحي على السرير..... نخمم في هدرة حسام..... مازلت مشوكيا منو..... وصلني ميساج من رقم مانعرفوش حليتو وكانتلي صدمة....كي قريتو..... يا حسام يعني لهاد الدرجة كرهتني وباغي تنتقم مني..... نقرا فالميساج وناعود............
كنزة زوجتي السابقة ههههههههه نتمنى تكوني خممتي مليح في عرضي .....ونتمنى تقبليه.... الانك في كلتا الحالتين راح تتضري.... مي تكون مرة وحدة.. ونخلصك ادا تحبي... خير ماتكون مرات بزاااف وماش برضاك...نوعدك واحد مايسمع غير انا و انت واكييد خوك رحيم... لي ادا ماقبلتيش راح يروح هو فالرجلين...... خممي في عقلك وغدوة نستناك ترديلي.........
نقرا و نعاود.... من بعد هزيت الموبيل و خبطتوا...... اه ساقط كيفاش يطلب مني طلب كيما هدا...... واحد خامج و مسخ..... وانا كنت نقول بلي هو انظف واحد فالعالم..... ظهر هو الخامج الكبير... السطر يقتل فيا زاد كمل عليا حسام ..... غميت على راسي ورقدت حتى من لعشاء ماتعشيتش.........
نضت الصباح.. و... مع اني مريضة والطبيبة منعت عليا الدوش... مي من القلقة دوشت و لبست قشي و رحت لكلينيك....... دخلت للبيرو نتاعي...... نلقا الهم نتاع هيثم.... فففففف زاد عليا... مانيش عارفة كيفاش راح نتحملو كي نتزوجو.......
هيثم : حبيبتي.... عمري اليوم رحت شفت الدار لي راح نسكنو فيها كي نتزوجو
انا: ممممممم ايه صحيت
هيثم : شاف فيا شوفة ماتعجبش عض شفايفو وقاللي: هيا عمري نروحو نشوفوها..... وتعطيني رايك فيها
انا: (نلبس في طابليتي ونحكي) مانيش قاعدة دورك عندي خددمة.... خرجت و خليتو............
نهار كامل وانا على اعصابي........ وصلت الخمسة نتاع لعشية..... طلعت للبيرو نتاعي.... لبست وخرجت باش نروح نلقا حسام واقف يستنا فيا... شافني جا لعندي
حسام: هيا كنوز واش قررتي
انا: مممممم اوك موافقة.... مي فرد مرة.....
حسام: اوك وعد مرة وحدة وفرات..... غدوة وجدي روحك.... نجي نديك... غمزلي ومشا............ وانا مازلت مشوكيا كيفاش قبلت.... اه ياربي عاونني..........نرجعو عند حسام :
حسام : راني باغي ننتقم منها..... حاب نخسرها في اغلى حاجة في حياتها..... ..عندي خطة.... ولازمك انت تعاونني فيها
رحيم : ايه ماوش خصارة في نسيبي.... واش تحب دير........ حكالو حسام لحكاية........ رحيم عجباتو الخطة...... مع انها راح تضر اختو....الا انو مع حسام كيما يقولو هوما: كنزة لازم نكسرولها شوكتها...... ولازم تخلص ثمن واش صرا فينا بسبتها غالي......... رحيم كان عارف بكل شيء وكان فرحان بلي راح يديروه....... مي مزال كنزة لازم يقنعوها ديرها بارادتها..... باش يقدرو ينتاقمو منها كي يديرولها فيديو...... و يهددوها انهم ينشروه...... وهدا كامل باش ينتاقمو من كنزة لي مدارت والو وماعندها حتى ذنب...... دخل حسام للدار.... زاهي و فرحان.... لا لقا رحيم قاللو بلي وافقت......
رحيم: ههههههه والله طحتي بين يدينا ياكنزة ههههههه.....لازم نديرلها هكدا باش تعرف غلطتها
حسام : ايه عندك الحق..... غدوة نسحق الدار مريقلة وعلابالك واش لازم يكون مريقل اكثر وغمزلو.......
كنزة معلابالهاش واش راهم يخططوا......... خوها..... و حبيبها...... راهم يخططو باش يدمرولها حياتها..... لي في نظرهم هي السبة في تعاسة حسام...روحت للدار دموعي على خدي..... دخلت طووول لبيتي....... ااااااااه منك ياحسام...... حطيتني بين نارين..... من لي كنت وانت تحط فيا في موقف صعبة..... قبل عشر سنين خيرتني بينك و بين قرايتي.... واليوم بين ضميري و خدمتي ولا خويا و عايلتي..... ااااه... مي كيفاش حسام و رحيم تورطو في حكاية كيما هادي........ااااااه راسي راح يترتق..... ادا رفضت عرضو راح نخسر خويا وعايلتي وادا قبلتو مراحش نقدر نعيش مرتاحة ضميري راح يعذبني..... فالنهاية انا طبيبة ولازم ننقذ حياة الناس ماشي نقتلهم....... رفدت موبيلي عيطت لحسام......
حسام: الو دكتورة واش راكي مزروبة على العملية هههههههههه
انا:حسام مانيش راح نقدر ندير العملية..... انا طبيبة.... خدمتي ننقذ الناس ماشي نقتلهم.....كي كنت راح نتخرج..... اقسمت قسم...ابو قراط ....اني راح نحاول ننقذ حياة اي واحد قدامي... حتى لو كان عدوي.... حسام مانقدرش نقضي على حياة انسان باش يعيش غيرو.... ماعنديش هاد الحق لاني مانيش انا لي خلقتو....
حسام: فففففف تأثرت بهدرتك.... راح نبكي..... مي نتي عطيتيني كلمة..... ونظن بلي ماكيش من النوع لي يرجع في هدرتو....... غدوة نلقاك قدام لكلينيك.... نديك ديري العملية و نرجعك..... وننساو لي صرا.... وادا ماحبيتيش نقدر نقوللك... وجدي كفن لخوك و لعايلتك كامل..... ودورك باباي حبي.................
ففففففففف كيفاش راح ندير.. معلاباليش .... انا الحاجة الوحيدة لي نعرفها اني مستحيييييل نفذ لي طلبوا مني..... مانيش رخيسة وبلا قلب باش نقتل الناس.....مانيش انا لي خلقتو باش يكون عندي حق و نقتلو............... غميت على راسي ورقدت.... ماحبيتش نخمم فلي راح يصرا غدوة..... خليتها على ربي وهو لي راح يحلها....