حسام و كنزة

31

نرجو لحسام :
كنت هابل على كنزة..... ماعرفش كيفاش جبدت روحي منها..... كانت لاهب.....يعني اي واحد كان في بلاصتي.... معاه الطفلة لي يعشقها... في حالة كيما هادي... ماوش راح يقدر يتحكم في روحو.... .........وصلتها حاكم روحي باسيف.... باش مانهجمش عليها و نغتاصبهاج.... مي ستر ربي حكمت في روحي ....... وصلتها لكلينيك وانا فادد.... كيفاش خلاها باباها تخدم فالليل فففففف تبات برا الدار.... وزيد يخدمو معاها رجال.... ااااااه لوكان جا في يدي راني ماخليتكش تخرجي من الدار وحدك.......مي مابقاش وتولي ملكي.... نتاعي وحدي..... وهداك الوقت لا خدمة ولا هم يحزنون....................... بعد مادخلت لكلينيك قعدت ستنيت شوي...... كنت نخمم ندخل نخرجها و نديها لداري..... وغدوة نهزها للبلدية.... ونعقدو.....هههههههه ضحكت على تخمامي ااااااه وين وصلني الحب..... حتى من الانتقام لي رجعت على جالو... نسيتو.... وقت شفت دمعة من عينيها.......... نخمم فيها ونتبسم......شعلت الطوموبيل راح نمشي..... على هزة راسي نشوف فيها خارجة من لكلينيك.... حبست طاكسي وركبت............ انا تما جهلت..... وين راح تروح فهاد الليل.... يعني كانت تحشيلي وتقوللي نخدم...... جهلتني......يا خوفي تروح عند هداك الطحان نتاع هيثم..... بقيت نتبع فيها... وقلت والله لوكان تروح عندو.... والله غير نقتلها ونشرب من دمها.......... نشوف فالطاكسي راحت جيهة (الكيب) يعني وين تسكن هي...... قلبي رتاح.....و رجع فيا النفس......... نشوف فيها دخلت لدارهم.....مي راني قلقان منها..... كذبت عليا وقالتلي بلي تخدم......ودارت هكدا باش تليكيديني...... في بالها عداتها عليا .......................
تكيت راسي على الفولون وبقيت نخمم فالخطة الجاية....... هزيت موبيلي وبعثتلها ميساج.....كي ماردتش عليه.... بعثتلها الفيديو........ وبقيت نستنا وقتاش تعيطلي............ كنت متأكد بلي راح تعيطلي..... مي هي ماعيطتش..... خفت عليها لاكشما يصرالها في سبتي والله نموت...... مالقيتش واش ندير.... عيطت لرحيم قاللي بلي راو في دار اختو مع يماه..... قلتلو يهز روحو دوركا ويروح...............قاعد على اعصابي.... ياربي احفظها........... شوي ونشوف فالطاكسي نتاع رحيم حبست قدام دارهم .......دخلوا للدار وانا نستنا على نار.......... نسمع فالعياط.... قلبي حبس.... دخلت نجري للدار نشوف مع نورهان لي تبكي.... دورت راسي جيهت الدروج نشوف في كنزة حبيبتي غرقانة في دمها...... قلبي حبس.......نحس فالدوخة جاتني..... بلا مانحس رحت نجري رفدتها بين يديا و طرت بيها للكلينيك.........................................فالكلينيك :
قاعد مع رحيم.... هادي من برا نتصرف ببرودة اعصاب..... عكس البركان لي في داخلي...... خايف عليها لدرجة كبيرة..... لوكان كشما يصرالها.....نموت وراها...... خرج الطبيب وقاللنا بلي راهي مليحة و نقدروا ندخلوا نشوفوها....... دخلت عندها للبيت.... نشوف فيها راقدة على السرير كي الملاك........ماقدرتش نشوفها فهاديك الحالة..... خرجت البرا.... نلوم في روحي.... انا السبة فلي راي فيه...... زاد خرج رحيم..... باين بلي ندمان ودموعو حابسة في عينيه...................قاللي: اااااه ياحسام اااااااه اختي كانت راح تروح فيها من جرتنا...... انا: ايه يا رحيم علابالي..... درنا غلطة ولازم نصلحوها............................. جات يما.... دخلنا عندها..... لقيتها حلت عينيها..... شافت عندي شوفة لوووم.... من بعد دورة وجهها عليا......... قعدو يحكيو معاها وهي مايش قادرة تحكي معاهم....... كنت فرحان ونشكر في ربي لي ماصرالها والو....... مي كي دخل هداك المرخس هيثم.... قدم عندها هزلها يدها باسها وبدا يحكي... يا حبي يا عمري و ربي يشفيك و هاديك الهدرة السامطة لي ماتخرجش عليه...... كنت باغي نروح نخنقو .....نفزدلو وجهو...... فففففففف مانيش حاملو.................. كان باغي يقعد يبات معاها........ هههه مسكين مستغني على حياتو..... باغي نطيشو من البالكون....... ستر ربي خرجو باباها...... ولا كانوا اليوم يوجدولو في كفنوا..................... خرجنا كامل من عندها........ هوما راحو يروحو وانا رجعت عندها......... طلبت منها السماح و قلتلها بلي كلشي كان تمثيل...... فالاول ماصدقتش.... من بعد حاوزتني من البيت....... خليتها على راحتها........ لازم نهدي اللعب هاد الايام حتان ترتاح..... باش نقدر نبدا فالخطة الجديدة..... و نرجع كنزة ليا........بقيت فالكلينيك 4 ايام..... وخرجت.... حسام من نهار حاوزتو من لكلينيك مازدتش شفتوا...وحكيت معاه......خويا رحيم تبدل معايا بزااف و علاقتي معاه تحسنت حتى نورهان نحسها بدات تصفا من جيهتي...........
كنت قاعدة في بيتي نكنكتي.....مليت من القعدة وحدي.... قلت خلي نهبط نقعد مع ماما..... خرجت من بيتي قابلوني الدروج لي طحت منهم..... بقيت غير نشوف معاهم ونتفكر كيفاش طحت.... دموعي نزلو تلقائيا...... حسيت بيد عنقتني دورت راسي لقيتو محمد خويا.... شاف معايا وتبسملي.........
محمد: واش يالخوافة ماقدرتيش تنزلي
انا: (مسحت دموعي وضحكت ) هههههه ايه راك تشوف رجعت عندي عقدة من الدروج
محمد: ماشي مشكل دورك نهبطك انا
حكمني من يدي وهبطني ...كان يسايس فيا كلي عمري مامشيت ......
خرجت ماما من الكوزينة تلقانا هكداك.... بدات تضحك
ماما: هههههههه والله تفكرت كي كنتو صغار.... كانو مايخليوكش يا كنزة تهبطي فالدروج وحدك يالوكان يصرا واش يصرا ههههه ....خاصة انت يا محمد ....
محمد: ههههههه ايه يا ماما مهما واش صرا كنزة تبقى اختي الصغيرة و نور عينيا ....صح كنا متقابضين العوام لي فاتو.... مي من اليوم سايي... والله مانزيد نقلق اختي بكلمة.... ونتمنى تسامحني
انا: اه يا خويا العزيز والله الدنيا ماتسواش بلا بيكم.... ونتمنا تنسا لي فات ونبداو من جديد... وراني مسلمحاتك دنيا واخرة....
ماما: ربي يحفظكم و يخليكم لبعضاكم.........................................
دخلنا لصالون قعدنا نحكيو و نضحكو.... زاد جا بابا وجاب معاه خوتاتي حياة و هاجر و معاهم القردة رباب نسيت ماقلتلكمش بلي هاجر اختي دات رباب تعيش عندها......كيعاد راجلها عسكري و ماحبتش تبقا وحدها.... المهم قعدنا نحكيو ونتفكروا في يماتنا كي كنا صغار ونلعبو مع ولاد خوتاتي هههههه
دق دق الباب راحت رباب حلت الباب.... شافت رحيم دخل و معاه نورهان و طفلة صغيرة..... هي مكانت فاهمة والو.... كيعاد هي هاد العام باك وماحبينهاش تتلهى على قرايتها........ دخلو لصالون جاو سلمو علينا وقعدو........هاجر و حياة كانو متشوقات باش يعرفوا بنت خوهم ههههههههههههههه
حياة: يا مامي الزينة هادي هي ريحان ههههههه ارواحي عند عمتك
هاجر: يا عمري هادي بنت خويا ارواحي نبوسك.........
بابا: لالا ماتروحيش عندهم ارواحي عند جدك... هو لي يحبك
ريحان بقات تشوف عندهم مشوكيا وحدة تجبد من الخدود وحدة من اليدين مسكينة كلاوها....... و رباب بقات حالة فمها..... مشوكيا هادي بنت شكون......
رباب: ماعليش تفهموني شكون هادي ادا مكانش مشكل
بابا:هاد الزينة اسمها ريحان وهي بنت خوك رحيم
رباب: كيفاش!!!! بنت رحيم.... علاش وقتاش تزوج رحيم
انا: رباب حكاية طويلة ختيتو من بعد و نحكيهالك وغمزتها باش تفهم. .........................................................................................................
بقينا عشية كاملة وحنا نحكيو ونضحكو......طبختلنا ماما واحد الشخشوخة تقتتتتل... تاكلو يديكم من وراها..... ناض رحيم ونورهان باش يروحو.... حلفتلهم ماما غير يقعدو و يباتو.....زدنا كملناها بسهرية مفيييييد............................طلعت لبيتي باش نجيب لنورهان بيجاما..... وقفت عند الخزانة نشوفلها في بيجاما....... نسمع في موبيلي يصوني.....هزيتو نلقاه حسام .....كوبيت عليه.... اصلا مانيش قادرة نسمع صوتو.......... بعثلي ميساج حليتو
حسام: كنزة كي راكي... والله توحشتك بزااااف.... حبيت نقوللك بلي ادا انت علابالك بلي الفيديو مفبرك.... عايلتك معلابالهمش.... والناس معلابالهمش و وزارة الصحة معلابالهمش..... يعني لوكان نبارتاجي الفيديو راح تتفضحي.... مستحيل يصدقو بلي مفبرك.... مالا شغلي مخك شوي و هزي عليا راني باغي نحكي معاك...اااااااااااه حسام ماوش راح يرتاح الا ادا شافني ميتة .....عاود صونا موبيلي هزيت عليه بلا مانحكي....
حسام: مساء الخير.... سامحيني بلاك نكون قلقتك
انا:.................................
حسام: ممممم كنزة ماكيش حابة تحكي معايا؟؟؟
انا:.................................
حسام:معليش على راحتك.... راح نعطيلك من الاخر.... ادا نتي مادرتيش واش نحب الفيديو راح نبارتاجيه.... و راح تتفضحي نتي وعايلتك..... حبي يهون عليك يقولو على باباك لي كان طووول عمرو يخدم فالوطن بكل اخلاص.... بلي بنتو ماتسواش ولي رباوها مايسواوش حشا تاتا و عمي ...وبنتهم لي زعما طبيبة... تقتل فالناس وتتاجر بأعضائهم
انا:..............................
حسام: واش راح تكون ردة فعل عمي كي يعرف بلي بنتو حبيبتو لي تعب على جالها باش تولي طبيبة ...تتاجر بأعضاء الناس
انا: حسام هات من الاخر و قوللي واش تحب
حسام:تعجبيني كي تخدمي مخك وتفهمي عليا..... نحبك تبطلي على هداك الطحان نتاع هيثم
انا:حسام انت هبلت.... هيثم خطيبي و زيد هاد الصيف نديرو العرس باغيني نبطل والعرس مابقالوش حتى 6 اشهر....
حسام: ايه واش فيها نتي بطلتي و عرسنا كان باقيلو شهر.... وزيد نسيتي بلي كان راح يغتاصبك...
انا: ايه صح حنا....دقيقة دقيقة... وانت شكون قاللك بلي كان راح يغتاصبني هيثم
حسام: انا علابالي بكل حاجة تخصك... علابالي قداش من مرة تتنفسي فالنهار .....المهم نخليك دوركا.... خممي مليح ومن بعد رديلي انا: ...........................
كوبيت في وجهو فففففف منو ففففف درت راح نخرج نلقا محمد خويا واقف فالباب
انا:(خايفة يعود سمعني ) هيهيهيه محمد من وقتاش وانت هنا هيهيهيهيه
محمد جا يجري جبدني من يدي كنت راح نطيح
محمد: من لي بديتي تحكي فالموبيل... هيثم كان راح يغتاصبك... اهدري
انا:محمد يعني هو... انا
محمد: جاوبي حلي رب فمك انطقي هيثم كان راح يغتاصبك حلييييي رب فمك
انا: ايه(وترطقت بالبكا ) ايه كان راح يغتاصبني و ضربني لوكان ماشي ولاد الحلال لي عاونوني كون راو قتلني
محمد: جا حضنني و يبكي معايا.....علاش يا اختي علاش ماقلتيليش علاش ماحكيتيش.... (وقف وراح يهبط )والله غير نقتلو ونشرب من دمو والله
انا: محمد خويا سايي على وجه ربي سايي حبس على جالي......
حكمتوا من يدو...دورتو عندي
انا: رحيم خويا ربي يخليك مادير والو على جالي.... والله بابا لوكان يسمع قادر كشما يصرالو.....وسايي انا كرهت..... عمري كامل ونتوما تتعذبو في جرتي
محمد: اششششش ماتهدريش هكدا.... نتي راكي اختي.....ولازم علينا نديروا هكدا وماتزيديش تعاودي هاد الهدرة نتاع تتعذبو في جرتي.......... سامحيني يا اختي سامحيني كي ماوقفتش معاك و ماحميتكش منو....
انا: خويا انا راني مسامحاتك دنيا و اخرة نتا راك عين من عينيا و مانقدرش نزعف منك
محمد: مي لازم تفسخوا الخطوبة فهمتي مانسحقكش تحكي معاه فهمتي.....
انا: لالا محمد دوركا ماوش الوقت المناسب باش نفسخ الخطوبة....
محمد:ففففففففف منك ماتفهميش الهدرة... و راسك يابس...... قاطعنا رحيم كي جاء شافنا نبكيو في زوج بقا يسقسي فينا بعينيه .....من بعد نطق
رحيم : خير واش كان
انا: مكان والو
رحيم: ايه حالين مندبة هنا و تقولولي مكان والو
محمد: من بعد نحكيلك من بعد
انا قرست محمد باش مايحكيش... شاف عندي و غمزلي و راح..................................