حسام و كنزة

34

ماماه: يا القح..... كي رجعلك صاحبك خليتي ولدي يا الخامجة نتي وحدة فاجرة ماتحشميش اهدري....
انا : اووووو وشبيك هاجمة عليا كيما هكدا.... راكي في عقلك
هي: اسكتي يا ال...... في بالك مجابوليش خبرك ونتي نهار كامل معاه يا الخامجة.... نهار كامل ونتي تع.... معاه..... باين بلي حلك ولا كشما دارلك... هدا ادا ماكيش بالحمل منو يا الخانزة
انا: من فضلك احتارمي روحك.... راني لحد الان محتارماتك.....الانك مرة عمي وكبيرة عليا.... مالا اخرجي من هنا وخلي قدرك محفوظ خير مانطيحهولك....
هيثم : هيا نخرجو يما هي.... مي والله ياكنزة غير تخلصيها غالية ولا مايسمونيش هيثم... وادا تهنيتي معاه... ابزقيلي على وجهي ............

هوما خرجو وانا طحت فالارض نبكي..... اااااه علاش المشاكل يلحقو فيا....... مانقدرش نعدي نهار بلا مشكل فففففف..... رحت غسلت وجهي وهبطت باش نوجد روحي للعملية............. وصل وقت العملية....... دخلت انا و دكتور ناصر ودكتور رفيق وهو من امهر جراحين القلبية............................. كملت العملية بعد 6 ساعات.... كانت عملية صعيبة و خطيرة...... والحمد لله نجحت و قدرنا ننقذو المريض......... طلعت لبيرويا...... تعبانة حابة غير نرقد........ حطيت راسي على البيرو و رقدت .......................................
فيقتني الصباح امينة..... رحت غسلت وجهي و بدلت قشي و حكمت طاكسي باش نروح عينيا مسكرين راح نطيح على وجهي .................. دخلت لقيتهم قاعدين كامل يفطروا..... سلمت عليهم و راح نطلع لبيتي عيطلي بابا: كنزة ارواحي راني حاب نحكي معاك
انا: والله يا بابا لوكان تهلي للعشية خير.... راني نعسانة والله راح نرقد بالواقفة
بابا: ايه ماعليش روحي ترقدي ومن بعد نحكيو
طلعت لبيتي نحيت الخيمار ورميت روحي على السرير والله قشي مابدلتو ..........................................
حليت عينيا....حسيت روحي مرتاحة..... هزيت موبيلي نشوف الوقت لقيتها 16:15 ....اووووو رقدت من الثمنية حتى الربعة اووووو..... رحت دوشت و بدلت قشي وهبطت..... لقيت كامل ملمومين تاني يشربوا فقهوة العشية...... ضحكت في قلبي وقلت قبل 3 اشهر لوكان تدخل لدارنا تحسها مهجورة.... فارغة مافيها حتى حس..... ودوركا راي معمرة بالغاشي ربي يبارك........... رحت قعدت معاهم نحكيو و نتمسخروا...... حكيتلهم على العملية............
بابا:كنزة دوركا نقدروا نحكيو.... ونحبك توعديني بلي راح تخممي مليح فلي راح نقولهولك
انا: ايه بابا احكي والله خلعتني
بابا: لالا مكان لاه تتخلعي..... يا بنتي رام جاوك خطابة..... وانا راني موافق و حتى خواتك موافقين... والله يا بنتي غير هادا لي خطبك يحبك ومزال متمسك بيك بعد كل لي صرا
انا: بابا شكون هدا (نلعب فيها برك هههههه انا علابالي بلي حسام)
بابا: لي جا خطبك هو حسام....
انا: مممممم بابا انا وعدتك بلي راح نخمم فالحكاية..... خليلي وقت نخمم فيه ونرجعلك
بابا: ايه خممي في عقلك و ما تتسرعيش في قرارك
انا:ان شاء الله بابا
طلعت لبيتي وانا نشطح ههههههههه فالاخير وصلت للي حبيتو وراح نرجع حبيبي..... مي لازم نكبسوا شوي ههههههه مراحش تتعدالو حكاية الفيديو بالساهل...............انا قاعدة في بيتي جات عندي ماما: كنزة بنتي واش راكي ديري
انا: ماما راني نكنكتي
ماما: ايه يابنتي.... ممممم حابة نحكي معاك
انا: ايه احكي ماما ههههه واش حاشمة مني هههههه
ماما:ههههه هداك ماخص غير نحشم منك....اسمعيني مليح يابنتي.... انا يماك ونحبك ونحبلك الخير وعمري مانتمنالك الشر..... انا في رايي وافقي على حسام..... الطفل باين يحبك وناويك حلالو......مكلاه تخربي حياتك بيدك.... نتي دورك كبرتي.... والخطابا مراهمش كل يوم عند الباب..... وكيما يقولو ليلة القدر ماطلش على العبد 2 مرات..... وانا ماحبيتكش تقعدي بلا زواج.... تقعدي وحدك... لا راج يونسك لا ولاد تلقايهم في كبرك.......خممي مليح في هدرتي يا بنيتي........
انا: ايه ماما عندك الحق... انا راني معاكم... الحاجة لي تقولوها راني موافقة.....
ماما: ربي يهنيك يا بنيتي ربي يفرحك ....دورك نقول لباباك يعيطلهم و يقوللهم بلي قبلتي .....................................................
هبطت ماما تجري لعند بابا.......قالتلو باش يعيط ل اب حسام يقوللوا......... انا رحت تكيت ونتفرج فالسقف .....قلت خلي نريح شوي قبل ما نرجع للخدمة على 12:00 نتاع الليل......... بدا النعاس يجيني.... حسيت عينيا بداو يتغمضوا........فيقني موبيلي كي صونا.......هزيتو لقيت حسام يعيط.....
حسام: خطيبتي CV
انا: مانيش خاطيبتك.... وايه CV الحمد لله.....
حسام : حتى انا راني بخير.... شكرا على سؤالك..... ونتي خطيبتي.... وغدوة رسميا.... وبعد شهرين.... مرتي
انا: وشكون قاللك بلي راني قابلة بيك.... ففففف تعيي
حسام : نتي لي تعيي.... اسمعي غدوة وجدي روحك نجوز عليك نروحو نشريو واش نسحقوا للخطبة
انا: مانقدرش غدوة.... نخدم حتى 12:00 وكي نروح ياربي نرقد ونريح باش نرجع نخدم فالليل .....
حسام: ههههه راني قلتلك ونتي دبري راسك... وتمتعي مليح بهاد الخدمة لانو بقالك شهر فيها.... وباي حبي.....بففففففف شحال مغرور و ماديها في روحو.............. نزلت نتعشى معاهم قاللي بابا بلي غدوا يجيو يلبسوا الخاتم و يتفاهمو على الشرط..........
انا:لالا بابا غدوة ماتصلحش.... انا نخدم حتى 12 .... وكي نروح نكون تعبانة.... مايكفيش الوقت .....
بابا: كنزة بنتي.......انا قلتلك خممي مليح قبل ماتعطيني قرارك..... ونتي قبلتي..... يعني انا راح نقوللك هاد المرة راي مافيهاش تمسخير.... ماشي دوركا قبلتي
....ومن غدوة تجي تقوليلي بطلت... راني والله غير نتبرا منك ليوم القيامة.... انا مانيش راح نتمسخر بالرجالة..... انا راجل وهدرتي مانرجعش فيها..... قلتلهم بنتي قبلت.... مانيش راح نقوللهم بنتي بطلت.... درتها 2 مرات علاجالك.... مي مانيش راح نزيد نديرها.... ونتي حرة..... خيري واختاري .......
انا: سايي بابا لي تحبوا انت انا راح نديروا..... و يقدرة ربي غدوة ان شاء الله نكون هنا فالدار
بابا: ايه و راو قاللي حسام بلي حاب يخرج معاك نشريو الخاتم و الصياغة.... غدوة الصباح راو يفوتلك روحي معاه وروحي بكري باش توجدي روحك
انا: ايه بابا مايكون غير خاطرك...... انا لازم تروح دوركا..... عندي خدمة.....
بابا: ااااه يا بنتي قالت.... انا خدمة الليل مانيش مرتاحلها..... مي ماعليش.... روحي وغدوة الصباح روحي
انا: ايه بابا.... تصبحوا على خير .....................................................وصلني محمد للكلينيك....... ليلة كاملة وانا مع المرضى ماريحتش دقيقة وحدة............................ وصلت الثمنية نتاع الصباح.... سايي مانيش قادرة نوقف...... حاسة عينيايتقفلوا وحدهم..... ماعرفتش كيفاش طلعت لبيرويا.... بدلت قشي وهبطت نستنا في حسام...... طوووول بزاف..... داتني عيني رقدت على الكرسي...... نسمع في موبيلي يصوني.... تخلعت..... هزيت لقيتو حسام
انا: الو حسام وينك راني تعبانة قريب نرقد بالواقفة....
حسام : ايه راني قدامم الباب.....اخرجي...... خرجت من لكلينيك نشوف فيه مقاري قدام الباب..... رحت ركبت معاه.... لا سلام لا كلام....... حطيت راسي على الكارو .....داتني عيني.... فقت بيديه يحركو فيا..... حليت عينيا بالسيف.... راسي حاساتو راح يترتق..... ليلة كاملة مغمضتش عيني...... نزلنا من الطاكسي رحنا شرينا كل لي نحتاجوه.... ولي مانحتاجوهش. ههههههه..