حسام:حبي واش تعجبيني كي تسمعي الهدرة نحبك الزينة نتاعي ونقصي شويا فالغوج ههههه المهبول نتاعي نعشق فيه......... زدنا قعدنا شوي وعيط بابا لماما قالها هيا تروحو مع روحت حطيت راسي رقدت مافقتش لصباح فاتو سمانتين وانا وياه متفاهمين قليل وين نتقابضو جا سيدنا رمضان الكريم كنت نحكي معاه قبل السحور انا:حسام في رمضان كيفاش نحكيو يعني على واش نحكيو حسام:نحكيو على الفتوحات الاسلامية في الاندلس و قصص الانبياء وغزوات الرسول يخي -_- انا:كيفاش؟؟؟؟ حسام:على وجه ربي خدمي مخك كفاش على واش نحكيو نحكيو عادي كيما العادة يبالي جامي غلطنا وحكينا في حوايج غالطين انا:إيه علابالي اممممم وين نتلاقاو حسام:خلي يفوت رمضان ونتلاقاو انا:لالا انا نقول لماما نروح نقرا فالمسجد ونتلاقا انا وياك فالليل نقولها نروح نشفع حسام:شفتي نتي من كفار قريش علابالك رمضان رمضان و الواحد صايم ونتي تحبينا نرنفوا قدام المسجد نتي مليح نرجموك راكي من جماعة ابا لهب انا:فففففف نتا كلمة قلتها لصقت فيها حسام:ينسف عليك حنش زيدي عاودي هاد الجاسة انا:ساي روح ترقد انا نروح ناكل جعت حسام:بصحتك يا بقرة غدوة ان شاء الله انا:باي رحت هجمت على الكوزينة كليت حتان شبعت و رحت نرقد الغدوة هاديك نضت على الخمسة نتاع لعشية جيعانة لقيت ماما و خياتي فالكوزينة ماما:إيه يا لالة السلطانة مزال الحال كون زدتي شوي حياة:ايه يا مولاتي حنا نطبخوا ونسيقوا و نغسلوا لماعين ونتي ارقدي انا:بففففف تعييو رحت لبيت اختي نجيب شارجور شفت فالمراية خلعت اعععععععع شكون هاد الغولة لابسة شورط و بيستي السبتة نتاعو مقطعة شعري طالع فالسما عينيا منفخين اعععععععع يشوفني حسام يخلع مسكين قدور جارنا خير مني هزيت المشطة مشطت شعري حكمتو بدلت البيجاما وقعدت نكونيكتي بتابلات اختي وليت قلقت شعلت موبيلي نلقا 20 ابال من عند حسام بعتلو ابال موا عاودلي حسام:اوووو اجدك وين كنتي من صباح ربي وانا نعيطلك انا:اه كنت راقدة والله هادا وين نضت حسام:وادا راقدة ماتفيقيش او انا:والله غير رقدت رقدة اهل الكهف ههههههه حسام:ايه واش درتو لفطور انا:والله ماعلابالي انا راني في بيتي قاعدة حسام: إيه يازهري انا معول ندي مرا قافزة كل صبع بصنعة ساعا طحت في وحدة راقدة حتان المغرب انا:اوووو وشبيك انا اكل مانعرفش نطيب نعرف ندير كلش حتى الشخشوخة و نعرف نديرها حسام:امممممم مالا الشربة واش فيها انا:فيها الماء حسام:يا عمري صاحيتي انا كان يبالي فيها ليسونس انا: نخليك دورك نروح نعاونهم باي وكوبيتلو في وجهو صراحة انا لا علاقة مع الكوزينة و الطبخ البيض منعرفش نقليه
أنت تقرأ
حسام و كنزة
De Todoحسام و كنزة🔞🔞 من اجمل القصص لي راح تقراها طويله شويا اتفاعلو برك وكل جزئ تقراوه ديرو جام باش نعرف وين راكم لاحقين
