حسام و كنزة

25

عيط لرحيم و قاللو : رحيم شوف انا راني عييت ماقدرتش نقنعهم مي ادا راك حاب اختي عندك فرصة هاد الشهر ....تطلع لكندا تتزوجها. و تتهنا
رحيم ماصدقش واش قاللو حسام.... هز فاليزتو.... وباسبورو..... ومشا لكندا ........وصل عندهم دخل يبوس و يعاود في حسام .......رحيم: حسام خويا ربي يحفظك
حسام :هههههههه ياولدي راك قتلتني هههههه اطلقني
قعدوا يحكيو من بعد هدر حسام : رحيم خويا علابالك بلي لي راح نديروه غالط يعني راح تتزوج انت و نورهان بلا مايسمعو لا والديا لا والديك
رحيم: علا بالي.. مي هوما لي خلاونا نديرو هكدا
.....................دارو حفلة صغيرة مابيناتهم تزوج رحيم و نورهان بالخفية علا الناس كامل................................... ..........
فالعام الاول من زواجهم كان رحيم يروح لكندا خترة فالشهر..... وكان يكدب علا دارهم و يقولهم نخدم في ولاية اخرى.......... اما العام الثاني رجع ساكن في كندا و خترات وين يهبط للجزائر ..............حتى نورهان وامال كانو يهبطو مرة فالشهر للجزائر.... مي فالعام الثاني حملت نورهان.... و قعدت عام كامل ماهبطتش لدزاير......شكت ماماها و باباها مي حسام قدر يخبي الحكاية..... وزادت عندهم ريحان..... نورهان تهبط لدزاير مرة فالعام مي هاد العام قرروا كامل يهبطو لدزاير حتى حسام هبط..... لانهم قرروا يكشفوا الحقيقة

بعد ماخرج رحيم ...كنزة تطرتقت بالبكاء.....قعدت تفكر في هدرتو......فاقت من شرودها كي دخلت الفرملية قالتلها: دكتورة والد المريضة ريحان ******* باغي يخرجها اليوم
انا: لالا مايقدروش يخرجوها... مازال ماخرجوش التحاليل نتاعها كامل............ هبطت لبيت ريحان..... لقيت يحكي مع واحد في اخر الكولوار.... كنت مزروبة ماشفتش شكون هو..... دخلت للبيت لقيت نورهان تلبس لريحان في قشها.....
انا: نورهان واش راكي ديري... خليها راي مزالت تعبانة (وقدمت راح نحيلها ريحان دزتني وعيطت عليا)
نورهان:ما تمسييييش بنتي... لا بعدي يديك وبنتي مانخليهاش بين يدين وحدة كيفك ماعندهاش قلب.....
انا: نورهااان مادخليش بنتك فحكايتنا.... الطفلة مريضة ولازمها تقعد فالكلينيك على الاقل الليلة
مزال ماكملتش هدرتي و يتحل الباب... انا كنت دايرة عند نورهان ماشفتش شكون دخل قال: ريحان حبيبتي توحشتك... كي راكي.....
.... نسمع في صوووت عندي بزاااف ماسمعتوش... صوت توحشتو... صوت نعشقو... صوت رجولي فيه بحة تسحر... صوت نموووت عليه...... درت ...نشوف في حسام حبيبي ....عمري... لابس كوستيم فالنوار و شوميز تاني نوار.... سباط كلاسيك نوار ههههه كيفاش حتان لبسو... نعرفو ميحبش اللبسة الرسمية.....مي جا يهبببببل اه ياقلبي..... بقيت نشوف معاه فاتني كأنو مشافنيش... راح عند ريحان يبوس فيها وهي تحكي معاه و تضحك.... بقيت نشوف معاه من بعد فقت على روحيي....
انا: نورهان كيما قلتلك لازم تخليها نزيدو نتأكدو من حالتها و غدوة تقدري تخرجيها.... ودرت عند حسام............
انا: حسام تقدر تبعد تخليني نشوف الجرح نتاعها من فضلك
حسام: اه ايه ماعليش.......
انا قدمت عندها نحيتلها على الجرح و بقيت نشوف فيه من بعد قلت لريحان : الزينة قوليلي راسك مزال يوجع فيك
ريحان: لالا تاتا كنزة راسي ماوش يوجع فيا بصح يدي توجع
انا: بوستها وقلتلها : اوك حبيبتي دورك نعطيك دوا يروح كامل لوجاع..
دورت عند الفرملية قلتلها تعطيها برا و تديها دير راديو على يدها باش نتأكدو.........................................
شفت عندهم وقلتلهم: بالشفاء عليها... كي يوجد الراديو نتاعها نجي نشوفو...... خرجت بلا مانشوف في حسام لاني خايفة لانشوفو و نضعف قدامو... خايفة لانروح نعنقو.... خايفة لانروح نبوسو..... خرجت نجري.... هاربة من روحي
طلعت للبيرو نتاعي قفلت الباب و قعدت نخمم.... لوكان تزوجت انا و حسام كون راي بنتنا ولا ولدنا في عمر ريحان..... قص عليا افكاري موبيلي هزيتو لقيتو هيثم فففففف واش يسحق عندي الهم هدا ...هزيت عليهانا:خييير واش بغيت عندي ماكفاكش ليدرتو البارح
هيثم : عمري سامحيني والله غلطة.... دجا كنت شارب ماكنتش في وعيي
انا: ايه ودوركا واش تسحق عندي
هيثم : بغيت نشوفك و نحكي معاك... راني لتحت اهبطيلي و الله لازم نحكي معاك خمس دقائق برك
انا:ففففففف اللهم طولك يا روح... اوك دورك نجي
هبطت لعندو وانا منرفزة... ماو ناقصني غير هداك المهبول.... مي لازم نخرجو قبل مايشوفو رحيم....

مع هبطت شفت امينة الفرملية لي تخدم معايا واقفة مع نورهان و رحيم و حسام....... انا ندعي في قلبي باش ماتشوفنيش........ ففففففف.... دورت راسها شافتني عيطتلي
امينة: دكتورة كنزة راني درتلها راديو.. هاكي شوفيه......................
رحت عندهم تبسمت معاهم و هزيت الراديو دورتو لجيهة الضوء و نشوف فيه......... درت عندهم و تبسمت : الحمد لله مجرد التواء...ماوش كسر.... لازم...... قاطعتني امينة: دكتورة كنزة هداك ماشي خطيبك.... يا لطيف شوفي وجهو كيفاش مجروح .........انا درت نشوف عندو.... ونتحلف في امينة......رحيم قال لنورهان تروح لبيت ريحان..... جاء هيثم عندنا سلم على حسام و رحيم
هيثم : اهلا ياولد عمي واش راك
رحيم:(ماوش حاملو) لاباس الحمد لله وانت كي راك
هيثم : والله راني في رحمة ربي.... دار عند حسام..... وانت خويا واش راك
حسام: لاباس الحمد لله.........
امينة: مسيو هيثم شوف وجهك كيفاش.... لازم تداوي هاد الجراح ......هيا معايا دورك نعقمهملك
هيثم : (يغزل في حسام) مارسي.... مي انا مرتي الدكتورة كنزة و نروح عند غيرها يداويني...... بخزرة منها برك نرتاح ههههههه (هزلي يدي وباسها)
انا: مممم اوك هيثم اطلع للبيرو نتاعي ...انا عندي مريضة لازم نشوفها كي نكمل نلحقك
هيثم : اوك حبي ماطوليش عليا و دار عند رحيم : نسيبي العزيز.... ان شاء الله نعيطلك و نتلاقاو نشربو قهوة مع بعض و نحكيو وانت حسام تاني ادا تحب تجي معانا مع اني علابالي بلي ماتحبنيش هههههههه يعني فالاخير انا ديتلك مرتك هههههه و خليتها تخيرني انا عليك هههههههه يعني قساتك في رجولتك و ضحكت عليك الناس هههههههه والله شفيتني
حسام راح يتلاح عليه لوكان ماحكموش رحيم
حسام: يا طحان انا راجل ذراع عليك وعليها و تتهناو ببعضاكم انا اصلا مايشرفنيش ندي وحدة كيما هادي.... شاف فيا واحد الشوفة...نتاع لوم حسيتو كأنو يقولي في سبتك واحد كيما هذا يتمسخر بيا واحد خامج كيما هذا يقولي ماكش راجل و يضحك عليا...... حسيتو كرهني وناقم عليا........... انا فهاذيك الدقيقة تمنيت الارض تتشق نتبلعني....... مشا حسام و رحيم لحقو..... انا : فففففف منك هيثم لازم دير مشاكل... اطلع دورك نلحقك ونحكيو ..................................................................................................................................................................................................
رحت للبيت لي فيها ريحان دخلت نلقا حسام يغلي..... يعيط ويسب و رحيم يهدي فيه..... شافني دخلت جا يجري لعندي.... جبدني من ذراعي ويعيط عليا
حسام: عجبك الحال دوركا انطقي عجبك...... رجع طحان كيما هذاك يقولي مانيش راجل.... اهدري..... عشر سنين يا كنزة عشر سنين فاتو والناس مزالو يتمسخرو بيا و يضحكو عليا.... علابالك واش هي غلطتي... انا غلطت كي حبيتك.... و عشقتك و درتك كل شيء في حياتي.... تبدلت على جالك..... درت المستحيل باش نحققلك واش تحبي كنت نسايسك كي الزجاج... نخاف عليك لاتتكسري مي نتي غدرتيني نتي يا كنزة ضربتيني في ضهري...... مي والله يا كنزة والله غير تسلكيها غالية...... طلقني جاء لعندي رحيم : هداك الحيوان هو خطيبك الهامج نتاع هيثم..... ههههههه مي والله هداك لي يليق بيك ....يا اختي.... يابنت بابا و ما.... نقولك خسارة تربيتنا فيك .....