حسام و كنزة

29

في دار حسام:
نورهان : هههههههه والله مانيش مصدقة كيفاش قبلت..... كنزة ونعرفها مستحيل تقبل دير حاجة كيما هادي..
رحيم :ايه حتى انا استغربت
حسام: انا كنزة لي نعرفها مستحيل تقبل دير حاجة كيما هادي.. هدا ادا ماعيطتش دوركا و قالتلي سايي بطلت ههههههه...هو مزال يحكي و موبيلو صونا..... شاف عندهم وقاللهم : هههههه عمرها طويييل معاتش تموت ....................................................
بعد الهدرة لي سمعها من عند كنزة.... شاف عند نورهان وقاللها: ههههه ياك قلتلكم... دورك تعيط تقول بطلت
ناضو يضحكو
حسام : انا صح باغي ننتاقم منها.... مي مانحبش نضرها..... بعد كل لي صرا فيا في سبتها مي مازلت نحبها.... لدرجة اني كنت نغير من قرايتها ودوركا من خدمتها.... ايداو وقتها كامل
رحيم: حاجة باينة لوكان شفتك راح تضر اختي كنت راح نسمحلك.... هههههه مي لازم نكبسوها شوي... باش تتربا.....
نورهان: راو كل شيء واجد.... باش نبداو نتورنيو فالفيلم غدوة ههههههههههههههههههههعلابالي مافهمتوش واش راو صاري دورك نفهمكم:
حسام كان باغي ينتقم من كنزة وخاصة كي سمع بلي عرسها مع هيثم فالصيف..... قرر يبدا خطة الانتقام مي بلا مايضر كنزة.. اصلا هو مايقدرش يدير حاجة تأذيها ... .......
كان قاعد يخمم واش راح يديرلها.... حتى جات لبالو فكرة.... ضحك ضحكة شريرة... وناض.... راح عند رحيم حكالو.... عجباتو الفكرة.... وقرروا يطبقوها........................
حسام قال لكنزة بلي هو و رحيم...يخدمو مع عصابة تبيع المخدرات.... وتاجر بالاعضاء البشرية ....... وهاد المرة خطفو واحد ولازم يزربوا ينحيولو اعضائو قبل ما يبداو يحوسو عليه..... وهو خيرها هي باش دير هاد العملية.... والا يقتلو رحيم خوها ....................................
حسام كان موجد كل شيء في دارو باش ماتشك كنزة في حتى حاجة.... وكي توجد روحها و تكون راح تبدا فالعملية .....يحبسوها و يكونو دارولها فيديو.... و يقدرو يهددوها بيه............. لانو حسام مستحيل يقدر يضرها.... هو يحبها و مايقدرش يقيسها في حاجة كيما هادي........ واصلا هو مخمم يستعمل الفيديو باش يرجعها ليه هههههه.....ماما اااااااااا اطلقو ماما....... بابا علاش هكداااا خليوهم واش دارولكم (تعيط وتبكي) ماما... حرااام عليكم حراااااااااااااااام.............................

ماما: بسم الله على بنيتي.... قل اعوذ برب الفلق سايي ماما كنتي تحلمي سايي..
انا: (نبكي ) اااااااااه يا ماما
ماما:سايي منام وفات اقراي شوي قرأن ورقدي يابنتي .... جات حضنتني وتكات معايا..... غمضت عينيا ومزال الحلم لي حلمتو يتعاود بين عينيا : نشوف في ماما يضربو فيها و الدم يسيل منها ..... و بابا كانو يضربو في تاني.... وهوما يبكيو.... انا ماكنتش قادرة نتحرك.... غير نشوف فيهم ونبكي.....................
نضت الصباح عيطت لحسام قلتلو بلي موافقة.... الاني مانيش قادرة نخسر بابا وماما.... مانيش قادرة نزيد نخسر واحد عزيز عليا
لبست قشي ورحت لكلينيك ديت كونجي.... خرجت نلقاه يستنا فيا.... ركبت معاه و مشينا................
حسام : كنوزة الزينة واش بيها اليوم
انا: فففففففففففففف واش دخلك
حسام: ايا ريقلي هدرتك... سكتلك شوي رحتي فيها
انا: والله حرام عليك يا حسام.... ماخفتش ربي كيفاش تقابلو وانت قاتل هاد الناس كامل ....انت شيطان
حسام:(حاكم الضحكة) (قال في قلبوا: اه يا كنزة صدقتي بلي انا نقدر نقتل..)
حسام: ممممممممم علابالك بلي لسانك طوال دورك ماني راح ندير والو مي خلي كي نوصلو.... وتشوفي
انا سمطتو و سكتت...................... وصلنا لدار في نص الجبل..... بلاصة خالية وما فيها والو..... لوكان يقتلني و يدفني هنا... واحد مايفيقلي....... نزلت وبقيت نشوف مع البلاصة وخايفة ندخل معاه..... راح حل الباب و دخل من بعد خرجلي وقاللي: ناويا تقعدي بزاف..... لاني مانيش قاعد....... قدمت للباب دارلي بيدو ادخلي.... دخلت.... دار على الطراز الجبلي.... مخدومة بالحجر و كل الاثاث نتاعها كلو بالخشب دار روووعة..... مازلت نشوف فيها ونلقاه جبدني من يدي و لصقني فالحيط ....وجهو قريب لوجهي.... نحس فالنفس نتاعو سخون في وجهي..... زاد قربلي كثر و يفوت في خشمو على خدي و فمي من بعد قرب لوذني وقاللي: ايه واش كنتي تقولي... انا شيطان....
انا ماقدراش نهدر.... حسيت روحي تخدرت ......مستمتعة بقربو ليا... حسيت روحي طرت لسابع سماء...... ..حط شفايفو على شفايفي و عضني بشوي.... قاللي: كنزة حتى ولو كنت نكرهك... راني راجل... وعندي غريزة.... وادا بقيتي تشوفي فيا بهاد الشوفة.....راح نضعف ...وفي عوض مانديرو العملية..... نديك لشومبرا.... ونديرو حاجة خير من العملية (وغمزلي و عض شفتو).......انا حشمت وجهي حمااار.......شاف معايا و تبسم تبسيمتو لي تسحر......وغمزلي....... هبطت راسي و دزيتو....... بعد عليا و راح دخل لواحد البيت.... انا قعدت نرد فالنفس.... نشوف في يديا يرجفو وحاسة روحي عرقانة...ففففف منك ياحسام يعني كان لازم ديرلي هكدا........ نشوف فيه خرج و عيطلي قاللي ارواحي........ دخلت .....بيت بيضاء تبان غرفة عمليات.... فيها كل لي نحتاجو.... عطالي طابلية من بعيد يعني ماقربش بقا واقف فالباب لبستها وانا نرجف..... يعني فالاخير راح نرجع قاتلة...... دموعي نزلوا مسحتهم و رحت درت ماسك على وجهي و غسلت يديا دارلي حسام بيدو قدمي..... كي قدمتلو لبسلي ليغون.... وقاللي معولين عليك دكتورة............ انا: حسا.... ونشوف في زوج رجال مغطيين وجوهم مدخلين واحد دايخ تكاوه وخرجو
انا شفتو دايخ هكاك ماقدرتش ندريرها.... مستحيل نقدر نقتلو....
انا: حسام سايي مانيش قادرة نقتلو.... مانقدررررررش
حسام : القرار قرارك مي لازم تعرفي بلي ادا ما درايش هاد العملية ماماك وباباك راح يموتو.... وهدا تاني راح يموت في كل الاحوال................
نشوف معاه ونبكي : حرااام عليك حراااام............. جات وحدة لابسة كيفي نظن بلي فرملية....... قالتلي: دكتورة نبداو
انا: ياربي سامحني (الدموع في عيني)ايه نبداو......... اعطيني مشرط...... انا حكمتو في يدي.... ونحس بحاجة على فمي... غمتني..... من بعد ماحسيت بوالو .........................................................................................................
حليييت عيني.... راسي نحس فيه ثقيييل..... دورت راسي نلقا روحي في بيت راقدة على سرير.... الخزانة مقابلتني.... و حسام قاعد في كرسي قدامي.........
انا: حسام.... واش صرالي ....وين راني
حسام: هههههههههههه مكانش علابالي بلي طبيبة تشوف الدم قدامها طيح الدوخ.
انا:(بديت نتفكر) حسام واش صرا... ياك مابديتش مامبا العملية...