حسام و كنزة

20

حقت عليا ماما عطاتني بوات قاتلي عيب تروحي عندهم يديك فارغين

ركبت معاه شاف عندي و دور راسو انا فهمتوا بلي قلقان حبيت نحي عليه شويا
انا: سلام حبي كي راك
حسام:لباس حمد الله
اووو كيشغل راو قلقان مني واش بيه جدو تاني
انا: حسام راك قلقان
حسام: لالا راني في رحمة ربي
انا: لالا باين راك قلقان حسام قولي راك قلقان مني ؟؟؟
حسام: ايه راني قلقان بزاااف منك واذا مابلعتيش فمك دورك راح نفرغ قلقتي فيك
انا: à oui واش درتلك يبالي مادرتلك والو
حسام: لالا مادرتي والو قفلتي موبيلك و ماقلتيش بالاك الكلب نتاع راجلي يحتاج كاش حاجة ولا بالاك مات ان شاء الله يديني باش ترتاحي (يحكي و يعيط)
انا: حسام بعيد الشر عليك مي علبالك بلي كنت نقرا ومابغيت حتى حاجة تلهيني
حسام: هكدا انا حاجة نلهييك ماعليش دجا رب القراية هادي ماعندك واش ديري بربها
انا: حسام غير قرايتي مانسمحش فيها و انت علابالك
حسام: حا تكفري ربي ذراع شتي حتى لوكان ديتي لباك ماكيش راح تقراي فالجامعة يعني ماتعوليش تقراي
انا ماقدرتش نحكم في دموعي بديت نبكي و نحكي
انا : حسام راني قرايتي مانقدرش نسمح فيها راني 12 سنة وانا نتعب ماشي باش نقعد فالدار
حسام: انا لي عندي قلتو مرتي ماتقراش فالجامعة نهار كامل طالعة هابطة والناس يتفرجوا فيها
انا مانيش قادرة نتخيل بلي القراية لي قريتها والتعب لي تعبتوا راح يروح في باطل ربي
كملنا طريق كامل ساكتين وصلنا لدارهم جبدت لمرايا مسحت دموعي و ريقلت ماكياجي جبدت الغوج راح ندير قالي ماديريش ماحبيتش ناقشوا.........................................
دخلنا لدارهم جات ماماه سلمت و عليها و عطيتلها لبوات وانا معلاباليش حتى واش فيها هههه ... جاو خوتاتو سلمو عليا ودخلوني لصالون لقيت مرت عمو وبنتها و عمتو مع بنتها و زوج ولاد
سلمت عليهم(على النسا اكييد هههههه لكان نقرب لولاد يقتلني حسام)
و جات ام حسام قعدتني قدامها و جا حسام قعد مقابلني
ام حسام: واش راكي بنيتي واش ديري راني نشوف فيك شينتي
انا: والله لاباس الحمد لله راني مع لقراية
ام حسام : ربي ينجحك و يفرحك ان شاء الله
انا: ان شاء الله
قعدنا نحكيو و حسام منين يشوفني نحكي مع ولاد عمتو يخزر فيا نسكت هههههههه
جا وقت لعشا قعدنا باش نتعشاو حتى نشوفو في خالتو دخلت لا سلام لا كلام شافت عند خالتي (ام حسام) وقالتلها: يعطيك الصحة يا اختي دخلتي لدارك هاد الخامجة لي حاوزتني
خالتي: سامية ختي عدلي هدرتك راكي تحكي على عروستي
سامية: ايه الخامجة هادي راي حاوزتني وحدة مايش متربية هادي لي خليتو بنتي على جالها
حسام: خالتي على وجه ربي ريقلي كلامك راكي بديتي تخسري وانا راني مقدرك و محتارمك كي تحكي على مرتي احكي باحترام
خالتي: اخرجي من داري اخرجي وماتزيديش توريلي وجهك
خرجت وهي تسب و تاكل في روحها
انا كنت حاكمة في روحي مابغيتش ندير مشكل من اول نهار نجي عندهم
جا عندي عمي( اب حسام) قالي: سامحينا يا بنتي والله غير راني حاشم منك
انا: السماح يا عمي و انت مادرت والو باش تحشم هي لي لازم تحشم
خالتي: فففففف خلينا منها ماتحكيوش عليها
كملنا تعشينا زدنا قعدنا شوي قالي حسام هيا نوضي نوصلك راو راح الحال وقفت سلمت عليهم جا عمي حطلي دراهم في يدي وباسلي راسي جيت راح نحكي قالي هادو عاداتنا كي تدخل العروسة اول مرة لدار شيخها لازم يعطيوها دراهم ..... من بعد جات خالتي عطاتني ساشي وسلمت عليا.................................
وصلني لدار و طريق كاملة هو ساكت ما نطق حتى كلمة.
دخلت لدار وانا قلقانة ماشي من هدرة خالتو لانها اصلا ماتهمنيش لكن قلقانة من تصرفوا معايا من هدرتوا معايا من موقفوا المتعصب ضد اني نكمل قرايتي........جات عندي ماما تضحك شافت وجهي مقلب جات تسقسي فيا حكيتلها لحكاية قاتلي: ايه عندو الحق المرا ماعندهاش بلا دار راجلها
ونتي راجلك ربي يبارك ماوش ناقصوا باش نتي تكملي تقراي و تخدمي
انا: ايه عندو الحق وانا لالا
طلعت لبيتي بدلت قشي وتكيت نخمم ..... لحكاية ماشي حكاية دراهم ولا هو عندو ولا ماعندوش لحكاية تتعلق باحلامي بالتعب لي تعبتو بالسهر لي سهرتو باش نحقق احلامي باش نوصل لهدف من صغري وانا نسعى باش نحققوا ......... رقدت وانا نخمم ..................................................................................................................................................................................................................
بعد شهر:
اليوم اول نهار فالباك المورال راو طالعلي و نفسيتي ممتازة عندي هدف لازم نحققوا لازم ندي الباك
خرجت لقيت حسام يستنا فيا البرا ههههه شهر كامل محكاش معايا ولا نهار غلط و عيطلي واليوم جا لعندي ففففف ربي يهديه
انا: Oui تفضل خويا على من راك تحوس
حسام: راني نحوس على مرتي عندها شهر ماحوستش عليا جيت اليوم نشوف واش صرالها
انا: ممممم قتلي شهر... لا وين علابالك بالاك تكون نساتك و بدلاتك
حسام: لالا ما نظنش prsq علابالها لوكان تخمم تبدلني نقتلها قبل ما تحاول
انا: ههههه راك واثق بزاف في روحك
حسام : و واثق في مرتي تاني ههههه لي راهي تضيع فالوقت و راح يروح عليها الحال ادا بقات تحكي
انا هدا وين تفكرت بلي عندي امتحان رحت نجري حليت الباب وركبت وهو بقا يشوف عندي و يضحك

انا: فففف حسام ازرب شوي لايفوتني لامتحان
حسام: ايه اضغطي على هاديك القفلة دورك الطير الطاكسي -_-
انا: ففففف المهم ازرب....... حبس الطاكسي قدام سيبيرات راح ينزل
انا: حسام وين راك رايح ماتهبطش راو يروح عليا الوقت
حسام: اغلقي فمك دقيقة دورك مايروحش الحال
نزل دخل لسيبيرات وانا نسب فيه ونعاود : حيوان في جرتوا يروح عليا الامتحان اعععععع طوول وين راح الكلب هدا... راني متأكدة بلي يدير فيها بالعاني باش مانروحش الامتحان............. نشوف فيه جاي هاز ساشي... حل الباب وركب عطالي الساشي وقالي: علابالي بلي خرجتي بلا ماتفطري هيا كولي باش تقدري تركزي......................................
فففف ضلمتو مسكين وهو يخمم فيا
انا:مرسي حسام وازرب ربي يعيشك ...............................................
وصلني لليلسي انا جيت هابطة هو جبدني من يدي و باسني على خدي وقالي: ههههخ هادي باش تجيبلك الحظ good luck حبي
انا: مرسي حسام.......... ودخلت نعقب الامتحان ................................................
خرجت لقيت حسام يستنا فيا ركبت معاه
حسام: واش حبي cv جاك الامتحان ساهل
انا: ايه مليح الحمد لله .... وصلني للدار حسام
حسام: لا لا ما يكفيكش الوقت دورك نروحو نتغداو و نرجعو
انا : اوك كيما تحب
رحنا لمطعم ماخلاش ماكلة مجابهاليش.... يوكل فيا و يعاود
انا: سايي ههههه شبعت
حسام: لالا زيدي كولي باش تقدري تركزي
انا:هههههه هكدا قتلي الصباح مي والله غير شبعت هيا نروحو راو قريب يبدا الامتحان.......
وصلني فوتت الامتحان و جاء لعشية داني...............
بقينا على هاد الحالة سمانة كامل هو يوصلني و يروح بيا
اليوم اخر يوم فالباك جا حسام باش يديني نروح ركبت معاه قالي
حسام: كيفاش جاك الامتحان
انا: ساهل اليوم فرنسي جات ساهلة
حسام: ممممم ربي ينجحك ... كنزة نتي ساي كملتي امتحاناتك ولازم نبداو نوجدو لعرسنا قبل رمضان