حسام و كنزة

12

االمهم بلا ماندخل ف لي ديطاي بعدني عليه و حللي لباب وقالي:اخرجي اخرجي قبل مانغلط راني حاكم روحي عليك بسيف  خرجت وانا مازلت دايخة شافتني ريمة اختو ضحكت و شارتلي بيديها على فمي دخلت لتوالات شفت فالمراية لقيت شفايفي حومر و منفخين راح يترتقو رحت عند امال جبت الغوج نتاعها درتو باش نغطي شفايفي وخرجت عند ماما قعدت معاها  هزيت راسي نلقا طفلة تشوف عندي من ليدخلت وانا وين ندور نلقاها تشوف عندي شوفة ماش مليحة  جات فايتة عليا ريمة سقسيتها انا:ريمة نتي هاديك ليراي واقفة لابسة الاصفر شكون ريمة:هاديك بنت خال ماما علاش  انا:من لي جيت هي تخزر فيا حيرتني  ريمة:هههههههههههههه هاديك كانت ماما راح تخطبها لحسام تموت عليه وكي سمعت بلي نتي صاحبتو قريب ماتت من قبيل وهي تبكي  انا:اممممممم وعلاش ماخطبهاش  ريمة:هو ليمابغاش انا:مارسي ريمة  ريمة:ههههههه يا لغيارة  درت عند ماما قتلها قاتلي الطفلة مليحة تهبل خير منك 😜 اااااا هاد القرلو هادي باغية حسام  وراس لصفر لي راي لابساتو تبان عباد الشمس و التبهديلة نتاع شعرها تقول لونتان نتاع موبيليس و هاديك الصندالا لابستها كيما نتاع ماني كي عقدت كارثة 😱😱😱😱😱 دخل حسام باش يصور مع اختو بعد ماكنت حشمانة منو تحولت كي شفت قرلو راحت وقفت قدامو  وقفت رحت عندهم قتلها:ماعليش دزي شوي نوقف قدام حسام  هي:لالا انا لي نوقف قدام حسام  انا:صديقتي نتي راكي واقفة قدام زوجي المستقبلي و بالطبع ماتربطك بيه حتى علاقة مالا بعدي خليني نوقف قدام راجلي زعما زعفت راحت قاتلهم ساي مانصورش  درت لقيتهم كامل يضحكو خاصة حسام صورنا انا رجعت لبلاصتي حكمتني ماما من يدي ماما:راكي كثرتي فيها الناس كامل يحكيو عليك لوكان يسمع باباك و لا خاوتك والله يدفنوك ونتي حية انا قلت خليها تجرب درتلك رايك بصح نتي كثرتي فيها بزاااف  انا بقيت ساكتة لانو ماما عندها الحق بخصت بيها قدام الناس بصح الله غالب مانيش انا قلبي❤❤❤❤ جا بابا روحنا مع وصلت للدار دخلت لبيتي بدلت قشي ورميت روحي على السرير و رقدت  فاتو يامات وانا و حسام نحكيو غير فالموبيل جات لاغونتغي وجات بداية المشاكل بيني و بين حسام  اليوم رجعنا نقراو نضت الصباح بكري فطرت مع ماما و بابا و نحيت لبابا مصروفي ورحت نوجد روحي سشورت شعري و لبست قشي سروال بيض مقطع و فاست كوير نوار و اديداس ابيض و طلقت شعري درت ماكياج خفيف فوندوتان و ريسيل و ايلاينر وغوج كلار  عيطلي حسام قالي ازربي راني نستنا فيك قدام ليبيس ............هزيت ساكي و خرجت طريق كامل ولولاد يبسبسوا و يلوحو فالهدرة لحقت عند حسام لقيتوا متكي على الطاكسي نتاعو و يستنا شافني وجهو تقلب راح ركب وماداهاش فيا رحت حليت الباب وطلعت شاف فيا من فوق لتحت وقالي  حسام:سروال مقطع فاست قصيرة ماكياج الشعر مطلوق ماكيش حاسبتيني حتى  انا:حسا حسام:بلعيييي رب فمك بلعي مانحبش نسمع صوتك بلعييييييي  انا تخطفت من عياطو زدت دخلت فالكرسي و دموعي طاحو حسام:ياربك انا كنت نستنا فيك ديري الخمار ونتي خرجتيلي عريانة  انا:حسام خليني نفهمك  حسام:واش تفهمي في ز...... خرجة عريانة عاجباتك روحك السروال مقطع لحمك كامل على برا اهدري انا:سروال شفتوا و عجبني سخفت نلبسوا  حسام:انزلي على ربي انزلي الغلطة ماشي نتاعك الغلطة نتاعي انا  نزلت دموعي على خدي هو مشا ريح  جبدت المرايا و مسحت الكحل السايل و عدلت الغوج ورحت نقرا  دخلت سلمت على صحاباتي و رحنا سجلنا و شفنا لكلاسة ناتعنا  نمشي حانروح لكلاستي عينيا فالارض نحاول نحكم في دموعي و نخبط في طفل هزيت راسي  انا:سامحني ماكنتش منتابهة  هو:السماح مكانش مشكل  رحت دخلت لكلاسة قعدت مع صاحبتي حكينا شوي نحات عليا القلقة