حسام و كنزة

17

انا رحت نجري لبيتي هزيت لموبيل عيطتلو
انا:الو حسام واش هاد لحكاية لي سمعتها صح جات ماماك اليوم خطبتني ؟؟؟؟؟
حسام:ايه جات ماما خطباتك و نهار الجمعة إن شاء الله نديروا خطبة رسمية
انا:راك تتمسخر كيفاش تجي تخطبني ياك تفاهمنا حتى ندي لباك
حسام: بصراحة انا ما يناسبنيش نزيد نستنا عام ماقتلكش نزوجو هاد العام الماضي مي على الاقل نديرو خطبة
انا:والله ماعلابالي مانيش مستعدة
حسام:حبي عندك ثيقة فيا؟؟؟؟؟
انا:اكيييييد ثقة عمياء
حسام: مالا خلي كلش عليا و انا نفريها
انا:اوك حسام
بقيت نحكي معاه حتان جا بابا عيطلي رحت عندو
بابا:كنزة نظن حكاتلك ماماك شكون جا خطبك ............... انا قلت لباباه بلي نتي مازلتي صغيرة مي هو قالي بلي نديروا خطبة و العرس مزال
دورك الرأي الاول والاخير ليك واش تقولي
انا:بابا انا موافقة(ماحشمت ما والو ههههههههه لا حياء في الدين)
بابا:مالا على بركة الله نهار الجمعة نديرو الخطبة
ماما:ايه وهاد السمانة ماتروحيش تقراي حتى تكمل الخطبة
انا:اوك ماما
رحت لبيتي تكيت على السرير و نتفرج فالسقف فرحاااااااانة راح نطير يعني اخيرا راح نكونو مع بعض قدام ربي و عبادو هههههههههه
حليت فايسبوك و قعدت نكنكتي
ويتحل الباب بقوة دخل خويا رحيم جبدني من شعري و يسب فيا و يعيط عليا
رحيم:يعني كنتي تتمنيكي بيا يا القحبة ......... تروحي دوري معاه و تترندفي معاه و حنا لا خبر
انا:شكون هدا اييييي اطلقني
جا بابا يجري جبدني من يديه وعيط عليه بابا:رحيم هدن روحك اووو علاش تضرب في اختك
رحيم:بابا الخامجة هادي بهدلت بينا مصوحبة حسام و نهار كامل تتمعشق معاه وانا نقول علاش هداك النهار دافع عليها والله غير الماء يجري من تحت رجلينا
ماما:رحيم ماتحكيش على اختك هكدا انا كان علابالي واش راي دير و لوكان شفتها دارت حاجة غالطة كنت راح نمنعها حسام شاريها و يحبها و هي تاني تحبوا واليوم بعث باباه و ماماه جاو خطبوها و نهار الاحد نديرو خطبة رسمية
(هو لي صرا انو صاحب رحيم شافني كي ركبت مع حسام و راح قالو رحيم هبل في مخو كان ناوي يقتلني و يزيد يقتل حسام مي كي قاتلو ماما على الخطبة تهدن و وجهوا رجع لونو) قال لماما شكون جا و وقتاش خطبوها
ماما:جاو اليوم و نهار الجمعة إن شاء الله نديروا خطبة رسمية
خرج رحيم و بابا جبداتو ماما و خرجاتو تبسمتلي باش ما نخافش و راحت
انا هزيت لموبيل عيطت لحسام قالي بلي مانتقلقش و هو دورك يلقا حل
حطيت راسي على المخدة و دموعي نازلين عين غاضتني كيفاش خويا لي كنت نضحك معاه و نخرج معاه و نحكي معاه يديرلي هكدا اقرب واحد من إخواتي يضربني و يسبني رقدت ودموعي سايلين
حليت عينيا نلقا خويا رحيم قاعد قدامي كان يفيق فيا قالي
رحيم:يا لطيف عامين و انا نوض فيك و انتي كي لميت لا حياة لمن تنادي كي تزوجي بحسام يبالي يردك في ليلتك يقولنا انا مابغيتش ديناصور
انا:هههههههههه انت لي ديناصور
رحيم:كنزة اختي سامحيني سمعت لكلام الناس و ماسمعتمش نتي
انا:ساي فوتنا من لحكاية انساها و بستوا من خدوا
رحيم:ايا الزينة نتاعي نروحو نتعشاو
هبطنا فالدروج هو معنقني و انا نحمي معاه بابا كي شافنا ضحك وماما تفاجئت هههههههه ماعندناش ساعة من لي كنا ناكلو في بعضانا
........................................................................................
لي صرا يا لبنات انو حسام عيط ل رحيم و قالو لازم نتلاقاو
كي راحلوا رحيم قالو حسام: شوف راح نحكي معاك هدرة رجال انا ختك حبيبتي ونحبها و نعشق فيها غير هي علابالي مازالت صغيرة و انا صوحبتها مي و الله غير حافظت عليها و بغيتها تكون حلالي علابالي بلي راك حاسبني مانسواش مي والله يا رحيم غير اختك راهي حياتي راهي كل شي في حياتي
ماتسمعش كلام الناس اختك اشرف من الشرف انا نحبها و راح تولي مرتي حلالي ادا راك حاب تضرب اضربني انا و إدا حاب تعيط عيط عليا انا مي هي خليها
رحيم كي سمع هدرة حسام ارتاح و فرح و تهنا على اختو بلي راي بين ايادي امينة قالو
رحيم:راح نعطيك اختي مي ادا في كاش نهار جات عندي و قاتلي حسام راو قلقني والله غير نقتلك و نشرب: من دمك
حسام:كونك هاني راح نحطها في عينيا
...............................................................................................................................................................
وصل نهار الجمعة نضت الصباح بكري دوشت و رحت عند الماشطة دارتلي شعري كورلي وحكمتهولي لفوق و دارتلي مكياج باهي مي ماوش قاوي روحت لقيت ماما موجدة لغداء و خوتاتي يعدلو فالدار سمعت خويا قال لماما بلي ياسر قريب يوصل (ياسر هو خويا لكبير كيما قلتلكم عندي 3 خاوتي ولاد هو يخدم فالدرك الوطني وهو اكبر واحد فينا مزوج ماعندوش لولاد عندو 4 سنين

وصل نهار الجمعة نضت الصباح بكري دوشت و رحت عند الماشطة دارتلي شعري كورلي وحكمتهولي لفوق و دارتلي مكياج باهي مي ماوش قاوي روحت لقيت ماما موجدة لغداء و خوتاتي يعدلو فالدار سمعت خويا قال لماما بلي ياسر قريب يوصل (ياسر هو خويا لكبير كيما قلتلكم عندي 3 خاوتي ولاد هو يخدم فالدرك الوطني وهو اكبر واحد فينا مزوج ماعندوش لولاد عندو 4 سنين مجاش عندنا بسبت مرتو لانها ماتحبناش هو اصلا زوج بيها دراع على ماما و بابا )المهم رحت لبيتي لبست روبا فالاخضر و طالون فالدوري سمعت باب بيتي يدق رحت حليت لباب لقيتها مرت خويا و خويا سلمت عليهم عطاوني كادو زعما زعما يخمموا فيا ...........................
كنت قاعدة نعدل فالغوج نتعي جات اختي قاتلي راهم وصلوا
رحت نجري نطل على الطاقة شفت حبيبي لابس كوستيم نوار بكلوا شعروا بالجال و لحيتوا مسطرة ياي راح ندوخ ..............................
قعدت في بيت نصور جات اختي قاتلي :قاتلك ماما اروحي دخلي القهوة
رحت ديتلهم القهوة يديا يرجفوا رجليا تاني و جهي احمر مع دخلت جات عيني في عين حبيبي مي كي شفت شكون قاعدة قدامو ماحملتش

لقيت الهام(قرلو لكان تشفاو عليها)بنت خالتو قاعدة قدامو عينيها بالدموع و باينة بلي قلقانة......... سلمت عليهم و بوجرت على حبي
حسام جات ماماه و خوتاتو 3 نورهان و سهام و ايمان و باباه و خالتو و بنت خالتو.....
سربيتلهم القهوة و قعدت قدام حبيبي...... لاحضت بلي خالتو و بنتها قاعدين يشوفوا فيا بواحد الشوفة ما تعجبش
بدا باباه يهدر قال
باباه:حنا جيناكم بالحسب و النسب جينا نطلبوا يد بنتكم كنزة لولدنا حسام
بابا:الله يخليكم لبعض مرحبا بيكم عندنا نتوما قصدتونا و حنا مانرجعوكمش ايا مبروك عليكم
سلموا على بعضاهم و سلموا عليا باركولي و لبسلي حبيبي الخاتم و بارير نتاع ذهب يقتتتتتتل
تفاهموا بلي الفاتحة راح تكون بيناتنا كلشي نخليوه للعرس..................
بقيت ليل كامل وانا نشوف فالخاتم فرحانة بزااااااف .........................................................................................................
من لي رجعت نقرا وهو لي يديني و يجيبني عاد مايخلينيش نلبس سراول و مايخلينيش ندير مكياج
كملت العام بالسيف فاتت عليا العطلة نتاع الصيف عادييي كنت نوجد للباك نقرا ليكور و نحفظ و نحل فاليسيجي رجعنا نقراو و انا خنقت روحي بالقرايا قليل وين نتلاقا انا وياه لتيت غير بلقرايا وهو كان عاذرني
لتقرا تخلي جام