حسام و كنزة

5

نضت اليوم ناشطة عندي هدف وهو اني نخلي حسومي يسامحني لبست قشي وخرجت وانا فالطريق عيطتلو المرة الاولى ماهزش عليا عاودت عيطتلو هز
انا:حسام بليز ما تسكرش في وجهي راني لازم نحكي معاك والله لازم
حسام:واش تسحقي مانيش قاعدلك
انا:والله يا حسام غير مانيش قادرة نعيش بلا بيك لازم نتلقا معاك لازم
حسام:À Oui يخي كنت حابسك وماخليتكش تعيشي حياتك راني رايح ونتي عيشي كيما تحبي
انا:حسام لازم نشوفك ارواحلي قدام ليسي
حسام:اوك عشر دقايق نكون عندك
لقيتو وين موالفين نتلاقاو قبل رود من ليسي لأني مانحبش يشوفوني معاه ركبت قعدنا ساكتين حبس طوموبيل في بلاصة فارغة هبط هبطت وراه
حسام:إيه واش بغيتي
انا:بغيت تسامحني علابالي بلي غلطت غلطة كبيرة صدقت وش كانت تقولي بلي انت ماتحبنيش ولكان جيت تحبني راك مداير فيا ثيقة
حسام:انا نحبك ومداير فيك الثقة بصح خايف عليك
انا:حسام ساي نبداو صفحة جديدة راني ندمانة
حسام:مانقدرش نتي خنتيني يعني قستيني في رجولتي
انا:والله يا حسام ماخنتك هادا قاتلي رحمة احكي معاه على اساس تجي هي تاني معانا. حسام انت الوحيد لينبغيه ياك علابالك
حسام:بففففف منك اخر مرة والله اخر مرة نشوفك تحكي مع طفل برا المرة لجاية نقتلك وندفنك والله الجن الازرق مايعرفش قبرك
انا:اوك حسومي اخر مرة اممم ديجا راك ضربتني
قرب مني وخطفني عندو وباسني من خدي بقيت دايخة بوسة وحدة طيرتني لسابع سماء فيقني هو كي قالي
حسام:سامحيني بصح نتي ليدفعتيني باش نضربك
انا:السماح خلينا ننساو ليفات ونبداو من جديد
من هداك النهار رجعت انا وحسام اقرب من اول كل يوم هو ليديني نقرا وهو ليرجعني رجع نهاري كامل يفوت معاه هو دايما يعلق على لبستي على مشيتي على ضحكتي فرض عليا اني نبدل كل شيء في حياتي كملنا العام الدراسي و جاو امتحانات الثلاثي الثالث كيما تقول ماما بدا يسخن عليكم الحال هههههه
كل يوم بعد مانكملوا لامتحان نروح ندور مع لبنات و حاجة باينة بالتخبية عليه وكل نهار يحكمني ههههههه

كملت القراية و دينا العطلة
نهار الخميس عندي عرس نتاع جارنا وهو في نفس الوقت ولد عم حسام انا رحت شريت روبا بيضا كيما لي فلفوطو و طالون في نفس اللون صباح العرس انا عند الحفافة هو يعيطلي
حسام:الو حبي وش راكي
انا:لباس حمد الله وانت
حسام:لباس حمد الله وين راكي
انا:راني عند الحفافة مع ماما
حسام:اسمعي مكالاه تكثري مكياج و متلبسيش لقصير و البسي عباية و هبطي راسك كي تمشي و ماتروحيش فالكورتاج و ماتخرجيش من لاصال
انا:حبي اي قولي من لخر ماتروحيش وارتاح
حسام:بفففف ماتروحيش ماعندك ماديري
انا:ياعمري نروح دجا وجدت كل شيء
حسام:علاش عليك علابالي لعراس نتاعنا كيفاه دورك ولاد عمامي عمامي ولاد خوالي كامل يدخلو والله مابغيت واحد يشوفك اجدك حسي بيا نتي ماعندكش قلب
انا:Oui ماعنديش قلب عندي في بلاصتو حبة بيطراف
حسام:ههههههههه ياربي في واش راني نعاني في عمري 27 سنة و مازلت نلعب مع الذر
انا:هههههه هادي هي السلعة ليعندنا ادي ولا خلي
حسام:كيمانديش انا مالا شكون يدي ايا حبي نخليك دورك كيما وصيتك نحبك
انا: باي حبي
كملت مشطت رحت لدار لبست وقعدنا نستناو في بابا حتان جا رحت انا و ماما واختي الكبيرة هاجر و اختي حياة وصلنا لاصال كان غاشي عظيم قدامها انا لبست عبائة ومادرتش خمار اصلا مانيش متحجبة مانشتيش نكون منافقة نلبسوا فالعرس و برا مانلبسوش مع نزلت من الطاكسي شفت حبي يبان هو لعريس الكوستيم زاد النص فيه يهبل مي شاف فيا واحد الشوفة حتان نزلت راسي ومشيت