حسام و كنزة

16

أنا:سلام............ بصحتكم
ماما:اوووو شكون هادي
بابا:كان يشوف فالصحن و ياكل قالي كنزة علاش مانوضتينيش الصباح نشوفك قبل ماتروحي وتاني رحتي بلا فطور وعلى هزت راسو بقا باهت يشوف فيا بالحجاب لبستي مسطورة
خاوتي كامل يشوفوا عندي
رحيم:شكون هادي هادي كنزة لالا مستحيل
محمد:والله غير راني مشوكي نتي كنزة ياك؟؟؟
على فكرة انا الوحيدة في خوتاتي ليدرت حجاب هوما وحدة ماهي متحجبة
حياة:درتيه و غبنتي روحك
بابا:خليولي بنتي ما شاء الله تباني بوبية هكدا نحبك ماشي كيما خوتاتك
ماما:كنزة جاك شباب الحجاب مي راو ماشي لعبة تلبسيه و تنحيه كيما تحبي
انا:ماما انا درتوا بإقتناع يعني مستحيل نحيه
قعدت تغديت معاهم ورجت نقرا فاتو شهرين وانا و حسام غرقانين فالحب ههههههههه هو باغي يجي يخطب وانا مانيش مستعدة.

اليوم الخميس الصباح قريت عادي روحت تغديت و رجعت نقرا قريت الساعة الاولى جات المراقبة قاتلنا ماتقراوش الساعتين الجايين تقدروا تروحو خرجت من ليسي انا و صحاباتي مريم و قمر و نهاد
لقيت حسام قدام ليسي ضحكت معاه و مشيت لاني نخاف يشوفوني معاه و ويوصلو لخويا
كنت باغيا نروح أبيي مي لبنات قالولي نروحو فالبيس
رحنا للطريق نستناو في بيس يفوت علينا نركبوا
حسام كان ورانا مع صحابو وقفو بعيد علينا
ستنينا واحد ربع ساعة من بعد فاتت علينا طاكسي فيها 2 ولاد يلوحو فالهدرة سمطناهم مارديناش عليهم
زادو رجعو و هاد المرة نزل واحد وقف عندي
هو:الزين اعطيني النيميرو
انا:.....................
هو:واش الزين ماتديهاش فينا
شافو حسام جاء هو و صحابو دزو وقالو:صاحبي غبر من هنا ماتحكيش معاها و جبدو حكا معاه المهم تزايدو فالهدرة راح هداك ركب وراح
قعدنا واحد خمس دقائق حسام كان واقف ورايا مع صحابو شوي ويجيو هادوك نتاع قبيلة لي كانو يطيشو فالهدرة ضربو حسام على غفلة على راسو انا كنت نحكي مع صاحبتي دورت راسي نلقا وجه حبيبي و راسو كامل بالدم زادو ضربوا صاحب حسام على عينو و رماوه فالارض انا رحت نجري و نبكي عند حسام
انا:حسام واش بيك حبي
حكمني من يدي داني قدام واحد الحيط وقالي حبي ماتتحركيش من هنا دورك نركبك فالبيس و تروحي حسام ربي يعيشك روح عند الطبيب شوف راسك كيفاش حسام:اشششش حبي ماتخافيش مدامني معاك
انا كنت خايفة عليه نبكي وندعي لربي
زادو جاو صحاب لطفي تحماو في هادوك جاو la police فرقوهم على بعضاهم جاء بيس راح حسام حبسوا و ركبني وسلك الشوفور
انانمشي فالطريق و نبكي نعيط لحسام ماحبش يرد روحت دخلت طول لبيتي نبكي حتان داتني عيني رقدت

فقت على صوت موبيلي لقيتوا حسام
انا:حسام وينك من الصباح وانا نعيط حبي كيفاش راك ياك ماصرالك والو
حسام:ماسمعتوش كنت عند لابوليس وماصرالي والو
انا:ياك رحت لوبيتال واش قالولك على راسك
حسام:خيطولي الجرح و عطاوني دوا
انا:حسام ياك قتلك خطاك من المشاكل واش داك تحكي معاهم
حسام:ايه علابالك انا طحان نشوفهم يديرونجيو في مرتي وانا ساكت
انا:والله يا حسام غير خفت عليك الله غالب نحبك وما نحملش عليك
حسام:حتى انا نحبك و مانحبش عليك............. عمري انا نخليك دورك نروح نريح شوي من بعد نعيطلك
انا:اوك حبي اتهلا في روحك
كوبيت و رجعت تكيت راح نرقد حتى نشوف في خويا خبط الباب و دخل يصيح و يخبط
رحيم:واش رب الحكاية هادي الجديدة شكون هادو ليتقاتلوا على جالك
دخل بابا و ماما و خوتاتي
بابا:خير واش كاين واش بيك تصيح و تعيط
رحيم:الخامجة نتاع بنتك لي راح تهبلني انا رحت للقهوة مع صحابي نسمع فالناس كامل تحكي على الحرب ليصرات مابين زوج ولاد على جال اختي فالاول ملصدقاش كيجا صاحبي قالي بلي حسام ولد**** تقابض مع واحد كيعاد شافوا هدر مع اختك.......... انا ياربك انا نرجع يحكيو فيا فالقهاوي في سبت وحدة كيفك
انا بقيت ساكتة غير نشوف معاه هدر بابا قالي
بابا:صحيح واش راو يهدر جاوبي
انا:بابا انا كنت نستنا فالبيس و هدوك الحيوانات يتبعوا فينا و يرميولنا فالهدرة جا حسام حكا معاهم راحو عاودو ولاو و تقابضو معاهم

رحيم:يعني مكان غير نتي يدافع عليك و علاش ما دافعش عليهم ولا شافك غير نتي
انا:روح سقسيه هو انا علاش راك تحكي معايا
رحيم:والله ياكنزة لوكان نسمع كلمة هكدا ولا هكدا ولا نحكم عليك حاجة والله غير نقتلك وماتلومي غير روحك
انا تما طرشقت بالبكا
بابا:رحيم اخرج علاش راك دير هكدا لختك اخرج
هوما خرجو بقات غير ماما جات حضنتني وقاتلي عاودي احكيلي الحكاية حكيتلها من لاول شافت فيا ضحكت وقاتلي:باين يحبك ربي يكمللكم و نشوفك ان شاء الله عروسة في دارو
خرجت ماما انا عيطت لحسام و حكيتلوا على خويا رحيم قالي:كنزة اسمعيني مليح انا راني ماعنديش مشكل ادا تحبي من غدوة نجي نخطبك
انا:لالا خلي هاد اليمات ما نتلاقاوش حتى تهدا الحالة شوي
حسام:اوك خلي نشوف راسك اليابس وين راح يوصلنا
...............................................................................................................................................................
عندي سمانتين ماتلاقيتش مع حسام خويا كرهلي حياتي مداير عليا عسة وهو كل يوم قدام ليسي

درنا امتحانات الثلاثي الاول وجات العطلة وانا ماتلاقيتش حبي نحكي معاه غير بالموبيل توحشتو و ماقدرتش نقعد بلا بيه اليوم عيطلي قالي بلي توحشني وحاب يشوفني قتلوا مانقدرش وليت تفكرت بلي توحشتو قالي غدوة صباح نتلاقاو غدوة كيما ليبيس قتلوا ايه
نضت الصباح لبست و خرجت لقيتو غير كيما جاء ركبت معاه وانا قلبي فالالفين
حسام:ايه وخوك هدا ماعينوش
يحشم على روحوا و يخلينا نشوفوا بعضانا
انا:ههههههههههه مزال شوي يبالي مزال باغي يلقا دليل ههههههه
حسام:ياك قتلك لكان جيتي مرتي كون لي يحب يحكي نحبسوا
انا: ان شاء الله نولي مرتك دورك وصلني لازم نروح
دخلت لدار قعدت نكنكتي حتان رقدت
استمريت على هاد الحال شهور حتان مل خويا مني كي مالقا والو

اليوم نهار جديد فقت وانا كلي نشاط و حيوية لبست سروال دجين و ليكات بلو نوي طويلة من لورا و توصل للركبة من قدام لبست صندالا بيضا و خيمار خيمار بلو نوي درت مكياج خفيف و هزيت ساك بيض وخرجت لقيت خويا محمد قتلو يوصلني
دخلت لليسي عيطلي حسام
انا:الو وي حبي كي راك
حسام:راني اليوووم أنتيك ونتي
انا:ربي يدومها عليك ههههههه راني مليحة حمد الله
حسام: على قداش تخرجي من ليسي بغيت نشوفك
انا:والله يا حسام صعيب نتلاقاو اليوم وزيد صحاب خويا يشفوني يقولولو
حسام:ههههههه مابقاش بزاف و نولي انا وياك نمشيو اليد فاليد و واحد مايقدر يحكي
انا:ههههههههه ان شاء الله
اليوم قعدت فاليسي ماروحتش وقت الغداء
خرجت على 16:30 لقيتو مقاري قدام ليسي مي خفت يشوفوني معاه
عيطلي رحت ركبت معاه حكينا ووصلني بعيد على الدار
دخلت للدار لقيت ماما تحكي مع خوتاتي رحت بدلت و قعدت معاهم شافت فيا ختي حياة و ضحكت وقاتلي
حياة:ههههههههه انا 4 سنين وانا نستنا فيه يجي يخطبني بالدراع مجا و نتي في يومين طيحتيه و بعث امو تخطب
هاجر:يا لفعة نتي الصغيرة ونتي لي راح تتزوجي الاولى
انا:مافهمتش واش راكم تقولو وش من زواج
ماما:ماتلعبيهاش معلبالكش بلي اليوم جات ام حسام خطباتك
انا:كيفاش جات خطبتني ماما ادا راكي تتمسخري ماوش وقت التمسخير
ماما:والله غير جات خطباتك و باباه حكا مع باباك وقالو نهار الجمعة يجيو يديرو خطبة رسمية