قاعدة في شامبرتي نكنكتي دخل بابا قعد قدامي
بابا:اليوم عيطلي السي كمال اب أمال صاحبتك وقالي جيبها للحفلة وانا والله غير حشمت نردوا غدوة نوضي بكري البسي قشك واشري كادو لصاحبتك و منبعد راو يفوت عليك ولدوا حسام يوصلك
أنا:بابا مانروحش معاه وين نعرف جدو انا باش نروح معاه دخلت ماما
ماما:حتى هو ماوش جاي على جالتك حايدي حنان مرت عمو ويفوت عليك
انا:تاتا حنان رايحة معانا اوك مالا
الغدوة هاديك نضت بكري بعثت اختي تشريلي الكادو اصلا كان بارير نتاع فضة عجبني كنت حانشريه لروحي وليت قلت ماشي خصارا في امولة روحت لبست روبا نوار انا اصلا عاشقة اللون الاسود ههههه جايا فوق الركبة ستيل باربي وجايا من فوق بروتال و طالون نوار ولبست فاست طويلة شوي وقعدت نستنا شويا و دق دق الباب خرجت لقيتها تاتا حنان سلمت عليها وركبت ماتولهتش على الاول مع ليسوق انا هزيت راسي يا مامي من انتم اين انا ياااااااا ربيييي بقلاوة معسلة يا مامي هادوك العنين و هاداك الشعر و هاديك الضحكة بقيت طريق كاملة وانا دايخة فيه هز راسو على غفلة لقاني سايهة فيه تبسم و عدل لمراية على وجهي وبقا يشوف فيا وانا باهتة فيه يااا جدك عندنا مخلوقات كيفو هذا خو امال والله نقتلها خباتو علينا
وصلنا نزلت تاتا حنان وانا بقيت دايخة فيه حتان فيقني
حسام:مادموزال عجباتك القعدة فالطوموبيل نتاعي هههههه
انا:نعم اه ايه بففف واش قتلي
حسام:هههههه قتلك عندنا ساعة وحنا قدام لباب
انا:ياربي هاديك الضحكة اهههههه ايه دورك ننزل ههههه
نزلت وانا دايخة يا اماه مالذي يحدث لي من انا اين انا من اين انا من انتم ومانفيق غير بأمال تعطيني ضربة اييييييي الله لا تربحك
أنا:اووووو اييييي يا حمارة ايييي شويتيني
أمال:هبلتي تهدري وحدك من لي دخلتي ونتي من انتم من نحن اوووو حسبتك هبلتي
انا:ياااا امال ختي واش نحكي واش نخلي هاداك الزين وهاديك الضحكة و هاداك الشعر اه ياربي
امال: شكون هدا ياكنزة ختي يبالي هبلتي ساي
انا:حتا واحد حتى واحد
امال:ادخلي ادخلي نتي هبلتي وانا نتبع فيك
دخلت لدارهم ربي يبارك قصر والله في حياتي ماشفت كيما هاد الدار ماشاء الله
دخلنا شطحنا ضحكنا زهينا روعة ماتبانش حفلة تبان عرس قلت ل امال تديني لتوالات قاتلي روحي طول يقابلك باب على يمينك انا نمشي مع نهز راسي نلقا حسام شاف فيا وتبسم تبسيمة داتلي عقلي تبسمت من غير مانشعر هو مشا وانا مازلت باهتة ونتبسم هههههه فقت على روحي ضحكت ودخلت لتوالات
زدت قعدت شوي عيطتلي ماما قاتلي مازال ماكيش مروحة قتلها نزيد شوي ونجي رجعنا تاني شطحنا و غنينا وصلت الثمنية نتاع لعشية قلت ل تاتا حنان
حنان:دورك نقول حسام يجي يديك انا مازال نزيد نقعد
يعني نروح معاه هههههههه اه ياقلبي رحت ودعت امال و هبطت نستنا فيه شويا وجا قالي هيا ركبت من وراه
حسام:انا شوفور نتاعك ياك -_- انزلي اركبي من قدام
نزلت وانا جاتني على قلبي هههههههه
شعل الطوموبيل و ديمارا
حسام:ديري لاسانتير
انا:اوك
حسام:عجباتك الحفلة ياك
انا:ههههه باينة حفلة روعة اممم حقا انا حاندير حفلة الاسبوع الجاي جيب امال
حسام:يعني انا قعدتلكم شوفور ندي ونجيب
انا:شفت عندو ذبلة عينيا و تبسمتلو
حسام:اه ياربي على جال تبسيمة كيما هادي مستعد نديكم و نجيبكم كل يوم
انا:هههههههه مارسي وماتنساش نهار الخميس
حسام:اوك نهار الخميس
وصلنا قدام دارنا جيت حاننزل ماخلانيش قالي الدنيا ضلام ونتي تنزلي وحدك نزل هو و دق دق على دارنا حل بابا لباب باش جا عندي و نزلني
حسام:هاي لامانة نتاعك يا عمي
بابا:بارك الله فيك ياولدي ادخل نشربوا قهوة
حسام:وفيك البركة كثر خيرك مي لازم نروح راح الحال ليلة سعيدة
بابا:ليلة سعيدة سلم على باباك
حسام:يوصل انشاء الله وغمزلي
وانا ارواحو احكموني حاندوخ دخلت حكمتني ماما تسقسي على الحفلة حكيتلها ورحت نرقد
أنت تقرأ
حسام و كنزة
Casualeحسام و كنزة🔞🔞 من اجمل القصص لي راح تقراها طويله شويا اتفاعلو برك وكل جزئ تقراوه ديرو جام باش نعرف وين راكم لاحقين
