حسام و كنزة

18

اليوم عيطلي حسام قالي لازم نتلاقاو
لبست جيب نوار و بيل غوج و خمار نوار و كونفارس غوج
خرجت لقيتو قدام الدار طلعت معاه سلمت عليه وقتلو
انا:حبي توحشتك بزااااف
حسام: حتى أنا توحشتك
أنا: ايه وين راح تديني
حسام: أصبري شوي دوك تشوفي وين راح نروحو
حبس الطاكسي قدام centre commercial هبطنا قالي: حبي جبتك باش نحيلك stress نتاع لقراية انا:مارسي عمري والله غير كنت محتاجة نحي على روحي
حكملي يدي و دخلنا
رحنا لي بوتيك نتاع القش شريت كل حاجة عجبتني... و ماخلانيش نلوح يدي فالساك ونجبد دراهمي........
كل حاجة نحط يدي عيها يجيبهالي les robes les jupes كل شيء الا السراول ماحبش زاد داني لبوتيك نتاع les robes de soirée كل روبا تعجبني يشريهالي........... فتنا على لبوتيك نتاع الملابس الداخلية قالي:حبي وهادي ماندخلولهاش ههههههه..... انا وجهي حمار وعرقت جبدتو من يدو و مشينا وهو يضحك
باش مانطولش عليكم شرالي كل شيء ماكياج سبابط اكسسورات ... ......... رحنا لي بوتيك نتاع الرجال خيرتلوا كل شيء على ذوقي... حتى من لي بارفان السبابط السوايع كل شيء انا لي خيرتو.............
وصل وقت لغداء رحنا لرستو كبيرة و مضخمة قعدنا نتغداو قالي حسام: كنزة راني عرفت بلي الطفلة لي كانت تبعثلك فلي ميساج هي إلهام بنت خالتي
انا: عرفتها دجا من خزرتها فالخطبة نتاعنا
حسام: و الغريبة انو إيمان اختي معاها قاتلي انا مانيش حاباتك تتزوج بكنزة
انا: نعرف بلي إيمان ماتحبنيش من نهار ليصرا بيناتنا سوء تفاهم مي ماعليش إن شاء الله يهديهم ربي
حسام: إن شاء الله هيا ادا كملتي غداك نروحو مزال كاين مفاجئة
خرجنا من الريستو ركبنا فالطاكسي قعدنا نحكيو حتان حبس الطاكسي قدام بوتيك نتاع الصياغة انا: حسام واش جينا نديرو هنا
حسام: في رايك واش يديروا الناس عند الصايغي...........نزلني و حكمني من يدي و دخلنا............. سلم على هداك ليبيع و قالوا الامانة نتعي وصلت ؟؟؟
قالو هداك: ايه وصلت دورك نجيبهالك
جاب صندوق حطو قدامنا و حلوا و راح جبد حسام بوات فيها بارير يقتتتتل بالذهب الابيض و جبد 2 خواتم قرازيلا و سنسلة و مقياس و قيرمات و ايبوكل يديو العقل...... قالي حبي واش رايك فيهم
انا:واو حبي بصراحة يهبلوا خاصة لبارير دالي عقلي إن شاء الله نشري واحد كيفوا
حسام: هههههههههههههههههه و هدا لمن مالا لخيرة جارتنا
انا: ههههههه حسام والله صح نتاع من هادو
حسام: نتاعك يعني نتاع من راح يكونو نتاع الجنون مثلا-_-
انا: اووووو حسام نتا هبلت هادو غالييين بزاف
حسام:حاجة ماتغلا عليك يا حبي
وقف وراح عند هداك الراجل قالو: راني نستنا فالباقي كي يوصلو عيطلي حكمني من يدي و خرجني وانا مازلت مشوكيا

ركبنا فالطاكسي عطاني الصندوق وقالي هذا كادو نتاع الفاتحة نتاعنا و العقود
انا:كيفاش وقتاش ؟؟؟؟
حسام: نعقدوا نهار الخميس و الفاتحة نهار الجمعة مبقاش و تولي مرتي قدام ربي و عبادوا
انا راح نطير من الفرحة مانيش مصدقة بلي راح نولي مرتو
انا:حسام علاش ماقتليش و زيد هاد الذهب بزاااف راك تبذر في دراهمك
حسام: حبيت نخليهالك مفاجئة و ماتزيديش تقولي بزااااف نتي تستاهلي كثر من هكدا
كنزة من نهار خطبتنا حتى ليوم وانا غير ندخل فالارباح والحمد ل الله ..... لي ربحتوا انا فهاد العام بابا في حياتو كامل مادخلش ربع نتاعو نتي فال خير عليا
انا: ربي يباركلك و يزيدلك مي والله غير بزاف عليا
حسام: اششششش ماتقوليش بزاف انا مرتي و واحد مايسالي ههههههه ودورك نروحو لبلاصتنا
وصلنا لبلاصة العادة لبلاصة لي شهدت على حبنا اول بوسة كانت فيها و اول خلاف كان فيها ههههه واول ترنديفة كانت فيها هههههه فيقني حسام من شرودي
حسام:ايه ودوركا دالتي ندي كادو نتاعي ماخلانيش مامبا نحكي جبدني عندو وغطس في شفايفي يبوس و يمص حتى الدم تجمع فيهم من بعد بدا يعض فيهم و يفوت في لسانو عليهم حس روحو شعل بعد عليا و هز معاه القرعة نتاع الما وخرج من الطاكسي بعد عليا و فرغ هاديك القرعة راسو انا تفلقت بالضحك هههههههههههههههههه مهبول
ركب وقالي انا راح نهبل من بعد شاف عندي وقالي واش رايك نديروا عرس فرد مرة و نتهناهو
أنا:هههههه في احلامك هيا وصلني ماما من الصباح هي تعيطليوصلني قدام الدار حبس الطاكسي و عطاني بوات قالي هادي اعطيها لماماك هبط معايا الحوايج لي شريتهم وراح
دخلت انا للدار جات ماما عاونتني طلعتهم شافني بابا وخاوتي قالي بابا:اوووو واشي هدا شريتو السوق كامل
انا:ههههههه والله مابقات حاجة ماشرينهاش
جبدو خوتاتي الحويج يتفرجوا فيهم من بعد انا نعتلهم الصيغة ليجابهالي
ماما: شهقت و حطت يدها على فمها وقاتلي ربي يبارك يهبلوا هادو مي علاش عليك ا بنتي الطفل مسكين خسرتيه
انا: والله يا ماما غير الذهب هو ليجابو معلاباليش مامبا بلي شراه
بابا: بقا يتفرج وساكت وخوتاتي يشوفو فالحوايج
جيت راح نطلع لبيتي نبدل وليت تفكرت رجعت عند ماما
انا:ماما هاكي هادي عكهالي حسام قالي اعطيها لماماك قوليلها كادو نتاع الفاتحة
حلت ماما لبوات تفاجئت لقاتها سنسلة نتاع ذهب فيها موتيف خمسة يهبل

عيطتلو شكراتو على الكادو و حكات معاه شوي
انا رحت لبيتي تكيت على السرير فرحاااااااانة لي ربي رزقني براجل كيما حسام ماهوش حارمني من حتى حاجة و يحبني و يخاف عليا ربي يخليهولي ان شاء الله
رتحت شوي و جبدت كرارسي نراجع الباك مابقالوش بربي ان شاء الله نديه

اليوم الخميس نضت الصباح دوشت و جبدت شعري درت مكياج و لبست جيب غوج بوردو و شوميز نوار و فاست كلاسيك غوج بوردو درت فارني نوار و اكسسورات دوري و لبست طالون نوار وخمار نوار دخلت عندي ماما تزغرت و تعاود خوتاتي يصليو على النبي ماما قاتلي جيتي تهبلي..............
جا بابا و خاوتي رحنا للبلدية باش نعقد وصلنا لقيت حسام مع باباه
دخلنا عقدنا و عطاولي الدفتر العائلي خرجنا من البلدية سلم عليا بابا و خوتي و اب حسام و باركولي
جا عندي حسام سلم عليا و قالي:وليتي مدام****** رسمياً حشمني قدام بابا و خاوتي..........
روحت للدار لقيت ماما قالبا الدنيا بالزغاريت جات باركتلي و خوتاتي تاني باركولي
دخلت لبيتي لقيت حسام عيطلي
عاودتلو حكيت معاه شوي و كوبيت رحت نريفيزي قرايتي اهم من كل شيء........................................
الغدوة هاديك : دارنا داخلا بعضاها ماما و مرت خالي وخالتي يطبخوا درنا غدا مابيناتنا يعني دارنا و دار حسام خوتاتي وبنات خالتي يعدلوا فالحالة وانا رحت نوجد روحي
مارحتش للماشطة سرحت شعري و طلقتو طويييل يوصل لدرياري و لبست قفطان بلو و طالون فلبلو ودرت لبارير ليجابهولي حسام شفت روحي فالمراية اول مرة تعجبني روحي لهاديك الدرجة ههههههههه خرجت عند ماما جات باستني و قرات عليا شوي قرأن و قاتلي ربي يبارك ما شاء الله
خالتي قاتلي جيتي بوبية اليوم يشوفك حسام يدوخ هه