حسام و كنزة

22

انا: ساي بابا حكيت معاه و قررنا بلي ملازمش نكملو مع بعضانا
محمد: ايه هدا وين نفحتلك تخليه
انا: ماما انا تعبت نروح نريح
دخلت لبيتي لحقتني
ماما: درتي رايك درتي رايك و خليتيه خليتي لي حبك و خاف عليك و نواك حلالو
انا: ماما ساي ربي يعيشك حكاية و فاتت منحبش نحكي فيها....
ماما: واش راح نقولك يا بنيتي... ربي يهديك..... انا خفت لا تندمي و تحبي ترجعيلوا ..... مي متلقايهش
خرجت ماما وانا دموعي نزلو وقفت عند المرايا ونحكي مع روحي : واش بيك علاش راكي تبكي ياك نتي ليحبيتي تخليه نتي لي خيرتي قرايتك نتي لي حبيتي تبني مستقبلك علاش راكي تبكي...... نبكي و نضرب في وجهي بالكفوف.... دخلت عندي اختي حضنتني و بدات تهدي فيا حتان داتني عيني............ ..........................................................................................................
حليت عينيا نلقا روحي راقدة في حضن اختي حياة....... شافتني بلي حليت عيني ضحكت معايا و قاتلي : صحا النوم
انا: يسلمك.... قداش راي الساعة (نضت و رحت باش نحل الباب... جات حبستني)
حياة: راي السبعة نتاع العشية و ماتنزليش... دار حسام راهم هنا
انا: علاش جاو واش يحبو.... حياة: بابا لي عيطلهم باش يتفاهمو
رجعت تكيت نشوف مع السقف ونخمم....................
حلت ماما الباب و دخلت شافت عندي وقاتلي: هاتي الحوايج لي جابوهملك وشنفت عليا..........
نضت حليت الخزانة جبدت لكوفر لي فيه الذهب عطيتهولها و نسمع فالباب نتاع بيتي تحل دخلت ماماه و اختو..
ماماه كانت تبكي مسحت دموعها قربت سلمت عليها و كنت راح نسلم على اختو..... بعدت عليا وقالتلي: حرام عليك واش درتي في خويا حرام عليك.... نقولك حاجة وكيلك ربي يالخداعة وكشما صرا لخويا والله نقتلك و نشرب من دمك.....
ماماه : ريمة اسكتي ساي صوتك مانحبش نسمعوا...... ودارت عندي قاتلي: علاش عليك يابنتي ديريلو هكدا.... لوكان كشما يصرالو والله نموت راو ولدي الوحيد
انا: خالتي كل شيء مكتوب في هاد الدنيا.... وحنا مناس مكتوبين لبعضانا
جات ماما عطاتلها لكوفر وقاتلها هدا الذهب لي جابهولها حسام شافت وقالتلها : انا وصاني و لدي بلي حاجة مانرجعها كل شيء يبقا عندها
ماما: لالا ماتصلحش لازم تديوهم
ماماه : انا والله لانهز حاجة منهم ادا بغات ريمة تهزهم...........................

هزت ختو الحوايج و قالتلي : هادو لازم تديهم لي تستاهلهم ماشي وحدة كيما نتي.................. .....................
هزت ختو الحوايج و خرجو.... رحت للخزانة جبدت فاليزا و حطيت فيها القش لي شراهولي كامل و ليكسسوارات كل شيء حطيتو وقلت لختي تهبطها و تعطيهالهم و تقولهم بلي مانحتاج حتى حاجة منهم....... خرجت اختي و انا بديت نبكي...... سايي خسرت حسام والحاجة الوحيدة لي مازالتلي منو هي السنسلة لي فيها اسمي و اسمو و القيرمات.... هادو خليتهم باش يفكروني بيه...................................
جا رمضان : الضحكة راحت من فمي... فقدت شهيتي فالاكل...... كرهت حياتي لاني هدا وين حسيت بمكانة حسام في قلبي واني فقدت اغلى حاجة في حياتي خاصة بعد مارفع دعوة طلاق والجلسة بعد شهرين.... حتى خاوتي عاداوني وخاصة رحيم رجع مايحكيش معايا و حتى الشوفة مايشوفش فيا.....حتى بابا حسيت بلي تبدل معايا...........................................اليوم نضت رحت نغسل وجهي حسيت بدوخة اكييد من التعب و مانيش ناكل... خرجت من بيتي هبطت لصالون لقيت رحيم خويا و ماما قاعدين يحكيو انا دخلت رحيم ناض راح يخرج حبستوا وقلتلو: ماتروحش دورك نخرج انا .............
طلعت لبيتي نبكي.... علاش مراهمش حاسين بيا انا تاني راني نتعذب... راني تخليت على حب حياتي... ماشي حاجة ساهلة....
نبكي وحاطه يدي على وجهي.... رحت تكيت و رقدت...... فيقتني ماما باش نفطر .....هبطت لقيتهم كامل ملمومين و يضحكو انا دخلت هوما سكتو..... قعدت في بلاصتي ....سمعتو أذن شربت كاس ماء و هزيت 3 تمرات و نضت..... دخلت لبيتي تكيت ورجعت رقدت هههههه الحاجة الوحيدة لي تريحني هي الرقاد.......... استمر هاد الحال شهر كامل ..........................................
اليوم راح يعلنو على نتائج البكالوريا... نضت الصباح حاسا روحي مانيش مليحة من جيهة الصيام و من جهة القلقة و من جهة الخوف من نتيجة الباك و اكثر حاجة... الوحش نتاع حسام..... جيت هابطة فالدروج الدوخات يديو فيا ويجيبو دخلت لصالون راح نحكي مع ماما
انا: ماما اليوم واووووب ماعدت حاسة بحتى حاجة ...................................................
حليت عينيا نلقا روحي في شومبرا بيضا والسيروم معلق في بدي وماما و بابا و محمد معايا
انا: ماما واش صرالي وين راني
ماما: دختي زراكي ف لكلينيك... علاش يابنتي تعذبي في روحك و تعذبي فيا معاك
بابا: الطبيبة قالتلنا بلي طاحلك السكر و الحديد و عندك فقر الدم...
انا دورت راسي و غمضت عينيا ...بغيت نموت و نتهنا من حياتي.......
عطاتني الطبيبة دوا نتاع لانيمي و داوني روحت............ دخلت لبيتي انا وحياة اختي... نستنا فالنتيجة وقتاش يطلقوها....... اه ياربي طلقو النتيجة..... دخلت رقم التسجيل....... ههههههه نجحت بالمعدل لي حلمت بيه:17,26 ...جات حياة حضنتني وانا دموعي نزلو.... انا:مانيش فرحانة ....واش صرالي ياك هدا واش كنت حابة.... ياك خيرت قرايتي على حسام.... مي مانيش فرحانة
حياة: اششششش سايي دوركا ماتبكيش علاش راكي ديري في روحك هكدا
جات ماما و بابا
ماما: مبروك على بنيتي الزينة ... ديما رافعتيلي راسي
بابا : كلش مبروك بنتي لعقوبة للتخرج نتاعك
انا: مارسي.. بابا ان شاء الله......
خرجو و خلاوني وحدي فالبيت.... رحت غسلت وجهي... هزيت راسي شفت فالمراية.... وجهي اصفر قارص ..عينيا مذبالين و محوقين... شعري كالع فالسما.... شفت في و جهي مليح و فجأة تبدلت نظرة عينيا.. ضحكت و قررت من اليوم لازم نتبدل... انا قوية و نقدر نوقف على رجليا.... اليوم نبدل قدري.... اليوم تولدت كنزة جديدة..... كنزة قوية .....وما تستسلمش بسهولة......
لتقرا دير جامخرجنا من المحكمة وشوشلي بابا في وذني: سايي بردتي دوركا في عمرك19 سنة ونتي مطلقة......... اه يابا علاش ماكش حاب تفهمني علاش واحد ماو حاس بيا .... انا مانيش باغية نبعد على حسام ومانيش قادرة نكون معاه انا بعد مانيش فاهمة واش راني باغية... انا ضيعت حسام من بين يديا انا درت حاجة لحد الان مانيش مصدقة بلي قدرت نديرها. تخليت على روووحي ................................... ......................................................

وصلت لاغونتغي بديت نقرا طب فالفاك........تعرفت على صحابات جدد...... مي ماقدرتش نرجع كيما كنت....... كي نخرج من الفاك نتمنى نلقا حسام يستنا فيا كي بكري...... وكي نخرج مع صحاباتي نتمنى نلقاه واقف قدامي يعيط كيما كان........... مي ههههههههه هادا كامل ماضي... والماضي ذكريات ...صحيح نكذب ادا قلت نسيت حسام مستحيييل ننساه لحد الان راني نرقد و الدموع في عينيا.... انا السبب انا لي خربت حياتي و خربت حياة خويا معايا..... لازم نبقا نفكر في روحي بلي انا السبب في خسارة حسام.... باش مانلوم حتى واحد بلا روحي .......فاتو عليا يمات و شهور وانا مانرقدش الا وتصويرة حسام بين يديا و دموعي على خدي الله غالب حاجة اكثر من طاقتي ............................................................................................................................................................................................................
بعد 3 سنين :
3 سنين فاتو و لحد اليوم ماقدرتش ننسا حسام.... ومن نهار تفارقنا مشفتوش.... توحشتو بزااااف..... في المدة ليفاتت عرفت من بنت عم حسام بلي هو رحل لولاية****** مع خوتاتو نورهان و امال باش يقراو فجامعة ******
خوتاتي تزوجو لزوج بحياة بهاجر.... خويا محمد ساكن معانا و خويا رحيم ساكن في ولاية وحد اخرى كيعاد لقى خدمة مليحة........ مزالت علاقتي معاه باردة اصلا نشوفو كل 3 اشهر..... وانا نقرا 4 جامعي...... كل يوم نفس الحكاية... نوض الصباح نصلي صلاتي....نلبس قشي ونروح نقرا...... نخرج مع صحاباتي نحوسو و ندورو..... نرجع للدار لعشية نعاون ماما فالخدمة نتاع الدار نصلي ونرقد هدي هي حياتي بعد حسام....معندهاش بنة.... كنت نقول كي نقرا راح نفرح و نحقق احلامي..... احلامي صحيح راني نحقق فيهم..... مي الفرحة نسيت كيفاش تكون .......سعات نقعد نحكي مع روحي نقول لوكان تزوجت حسام كون راني دورك بداري و بولادي هههه نقعد نتخيل كيفاش كنت راح نعيش مع حسام .....نقعد نخمم في حسام... زعمة نساني..... زعمة راو مع واحد اخرى.... اه يا ربي مجرد مانفكر بلي حسام مع طفلة غيري نحس النار شعلت في قلبي..... حسام اه يا حسام 4 سنين من لي تفارقنا و مانسيتكش حتى لحظة...... نتظاهر بالقوة قدام دارنا...... نمثل عليهم بلي نسيتوا و فوتت حكايتو مي فالليل.... مواجعي يتحيرو.... غير ربي لي عالم بحالتي..