حسام و كنزة

4

يومين ماحكيتش معاه يجي عندي قدام ليسي مانشوفش حتى معاه بالنظرات اليوم مانقراش خرجت على العشرة جات عندي رحمة
رحمة:حبوبة راو واحد طايح فيك وباغي يحكي معاك اخرجي معاه اليوم على جالي
انا:اووووه رحمة والله ماني قادرة ديجا علابالك انا نحب حسام لوكان يسمع يقتلني
رحمة:راو ماوش سامع بيك طول هو عايش حياتو يحوس يخرج مع البنات ونتي اقعدي استنايه
انا:لالا حسام ماشي هكدا
رحمة:لولاد كامل كيف بعضاهم انا نقولك ادا مارحتيش مع أيوب والله مانزيد نحكي معاك
انا: بففففف اوك بصح وين نروحو
رحمة:روحو جيهت ليفيل
انا:مانروحش تما ياك علابالك لبلاصة خالية ونخاف يعود يشوفني كاش واحد و يقول لبابا ولا خاوتي
رحمة:نروح انا نعس عليك ماتخافيش
حابين تعرفوا علاه رحمة دارت هكدا ل كنزة !
من النهار لاول ليجات فيه شافت حسام مقاري برا ليسي هبلت عليه وكي عرفت بلي هو صاحب كنزة هبلت و قررت تبعدهم على بعض ونجحت في هدا ذورك بقالها تشوه سمعة كنزة ولازم يكون حسام حاضر خططت هي وهاذا ايوب هو يحب كنزة وباغيها وكان هادا هو الحل الوحيد
****خرجت انا وهدا ايوب وصلنا ليفيل لحالة فارغة كيما لعادة قعدنا في كرسي وبدا هو يحكي و انا بالي عند رحمة ليطولت ماجاتش شوي وحسيت بيد أيوب تحطت على فخضي نطرتهالو وعيطت عليه جيت ماشيا جبدني عندو حضني و جبدني عندوا انا هزيت راسي نشوف في حسام حاي لعندي قلبي حبس جبدني بقوة و ضربني بكف اول كف في حياتي وبدا يسب فيا
حسام"يا فاجرة .... ماتحشميش انادرتك كلش في حياتي حبيتك وخفت عليك و حافضت عليك ونتي وش درتيلي خنتيني خرجتيني طحان اشفاي عليها
وراح راح ودالي قلبي معاه ندمت وقت لاينفع ندم

انا مازات مانيش مستوعبة ليصرا قدامي حسيت الدنيا وقفت مانيش حاسة ب ايوب ليراو يحكي معايا مخي بقا حابس عند حسام ليضربني و طيحلي قدري في الارض
بديت نرجع للواقع هزيت راسي عينيا مليانين دموع نمشي ونبكي طريق كامل عينيا مانشفوش من الدمع وصلت لدارنا دخلت لبيتي سكرت لباب و ترميت على السرير نبكي رقدت مافقتش حتى التسعة نتاع الليل هزيت موبيلي مالقيت حتى ابال منو
عيطتلو موبيلو مغلوق حليت فايسبوك لقيت ميساج من عند اختو
ايمان:nti wch derti l khouya 3labalk men sba7 hoi fi bitou ra9ed w mabghach y7al lbab

انا:madrtlou walou dja 7aja matkhoskch
ايمان:Nn raki ghalta tkhosni raw khouya w lhaja lit9l9ou t9l9ni
انا:masra walou
ايمان:OK rabi yhdikem
انا:vu
.......................................................
انا مكنتش اصلا في عقلي انا نحبو والله نعشق فيه مانقدرش نتخيل نكمل بلا حسام كنت محتاجة نحكي محتاجة نفرغ قلبي ناديت لماما جاتني
ماما:خير كشما سحقيتي
انا:(بديت نبكي ونهدر)ماما راني محتاجاتك بغيت نفرغلك قلبي
ماما:(جات عنقتني)يابنتي كيماتحكيش ل امك ليولداتك لمن حاتحكي مالا
انا:ماما والله غير نبغيه والله ياماما مكانش قصدي نخونو
ماما:شكون هذا
انابديت نحكيلها من اول نهار تلقيتو حتان اليوم
ماما:الغلطة نتاعك كان لازم تصارحيني من اول نهار شوفي يابنتي لبنات راهم يغيروا على حاجة تافهة تغير منك و تكرهك وتحقد عليك ونتي صاحبتك دخلتلك في عقلك بلي حسام مايحبكش وفالحقيقة ليغير يحب مستحيل واحد يغير عليك و يكون مايحبكش زيدي خممي مليح في هدرتي وبعدي على هاد الطفلة راي حاتديك للهاوية
انا:ماما مارسي والله بلا بيك ماكانش شكون يحس بيا
ماما:إيه يابنتي راني انا لي ولدتك و ربيتك نبغيلك غير الصلاح
بصح مانيش حانقولك لي راكي ديري فيه مليح حا نقولك حلي عينيك مليح وكوني قافزة وحافضي على روحك
انا:ماما كوني هانية
بعد ماحكيت مع ماما رتحت وقررت غدوة نحكي مع حسام لازم يسامحني ونبدا معاه صفحة جديدة