حسام و كنزة

24

انا: ممممم اوك .....................
هو راح وانا قريب نندب في حناكي على زهري المسود.... بقا نهار كامل هو يعيطلي.. ادا قريب نكمل الخدمة ولا مزال ...... كملت خدمتي بكري مي بقيت ندور ماحبيتش نخرجلو.. حتان عاود عيطلي باش رحت بدلت قشي و هبطتلو..... ركبت معاه و ديمارا ..........................................
انا: هيثم وين راح نروحو... والله راني غلبانة و حابة نرقد.....
هيثم: حبي دورك تشوفي و ين راح نروحو التعب يتنحالك.............
داني للبلاصة نتاع المرة لي فاتت.... نزل من الطاكسي وجا حللي الباب قالي انزلي...... نزلت حسيت ...قلبي ماوش مريحني.... فففف واش داني نجي معاه......... قرب عندي و بدا يحكي : كنزة تعرفي بلي انا عشقتك من لي كان عمرك 10 سنين.... كنت دايما نجي لداركم باش نشوفك... ونهزك.... ونبوسك..... مي كي كبرتي تبدلتي وليتي ماتحبيش تحكي معايا... وليتي تهزي روحك عليا...... مي انا بقيت نحبك و نعشق فيك... ماستسلمتش كي سمعت بلي تخطبتي و بقا عندي امل... انك تبطلي عليه و نجي انا نخطبك... وتحقق حلمي ونتي دورك خطيبتي .... وعن قريب تولي مرتي و في داري و وقتها ندير فيك واش نحب .....حط يدو على خصري وجبدني عندو..... حاولت ندزو... مي ماقدرتش..... حط شفايفو على شفايفي و باسني بقوة..... يعض فيهم حتان تجرحو و الدم رجع يسيل.... دزيتو بكل قوتي.... مي هو كان اقوى مني..... جبدلي حجابي نحاهولي و عضني من رقبتي..... نعيط و نبكي و نترجا فيه.... وهو لاحياة لمن تنادي.... يعضلي في رقبتي و في صدري..... قرب لوذني وقالي: علابالك بلي حسام حمار و مايفهمش... العسل هدا كامل فرط فيه هههههههههه
ضحكتوا وترتلي اعصابي... زدت قويت فالبكا و العياط..... وهو فوقي....... قطعلي البودي.... و راح ينحيلي السروال..... حتى نشوف في طاكسي كحلة حبست قدامنا ..... خرجو منها 4 رجال ..... جاو يجريو هزو الكلب هيثم من فوقي و طاحو يضربو فيه...... جاني واحد منهم.... عطاني لفيستا نتاعو و دور وجهو وقالي: البسيها و ديري حجابك........ لبستها سترت روحي و عدلت حجابي و رحت جبدت ساكي من الطاكسي نتاعو ....جا عندي هداك الراجل قالي: اختي اركبي نوصلك تروحي
انا: لالا مانركبش معاك.... دجا وين نعرفك باش نروح معاك
هو: اختي راني عندي وليات فالدار.... لوكان جيت مانيش خايف عليك.... راني ما نجيش نعاونك.... ودورك اركبي نوصلك راو راح الحال عليك........... ركبت معاه ....دجا ماعنديش حل اخر....... راني في وسط الغابة........ شفتو يحكي مع هادوك لي كانوا معاه ....مي هوما ماركبوش معانا بقو تما................... ديمارا ونا قلبي راح يحبس و نرجف وحدي..... خايفة نكون هربت من الحيوان نتاع هيثم.... نطيح في واحد كثر منو

...بقيت نشوف معاه و نثبت.... هدا راني متأكدة بلي شفتو من قبل مي وين ....................................... كي شافني خايفة و نرجف و نشوف معاه قالي: اختي وراس ميمتك ماتخافي..... راني عندي خوتاتي و نخاف عليهم...... دورك نوصلك لدار ونتي ماتزيديش تعاودي هاد الخدمة و تجي معاه لبلاصة خالية كيما هادي
انا: راو ولد عمي و خطيبي ماكنتش متوقعة انو يدير حاجة كيما هكدا و طرطقت بالبكاء
هو: ساي ماتبكيش... الحمد لله كي وصلنا فالوقت المناسب و مدارلك والو .............................................
مشينا شوي من بعد حبست الطاكسي وقالي : اهبطي رانا وصلنا
انا: مارسي يكثر خيرك والله مزيتك هادي مانيش راح ننساهالك
هو: خير ربي وانا درت واجبي هدا مكان..... ربي معاك ...................................................
حليت الباب بشوي باش مايفيقوليش و طلعت على ريوس صباعي باش مايفيقوليش........ دخلت لبيتي.... رحت طوول لدوش.... نحيت قشي و شفت فالمراية....... شفتي مجروحة و رقبتي كامل زرقة من العضان نتاعو و المصان..... صدري تاني..... ماحملتش روحي دخلت تحت الماء ونحك في جلدي.... مانيش حاملة روحي متقززة من جسمي..... كيفاش قدر هداك المسخ يحط يدو عليه..... كيفاش واحد اخر حط يدو على بدني... من غير حسام الدين........ نبكي و نحك... حتان حسيت جلدي يحرق....... لميت روحي فالمنشفة و خرجت لبست قشي و قعدة قدام لمرايا نمشط في شعري...... تفكرت هداك لي جا منعني..... يكثر خيرو..... لوكان ماشي هو كون راني دورك مطيشة في نص الغابة....وواحد مايجيبلي خبر........... اووووووووووووووو دقيقة دقيقة... انا راني فالدار..... و هداك لي جابني... اووو ياربي كيفاش عرف وين نسكن... وانا ماقلتلوش .........كنت داخلة في بعضاي عليها نسيت نقولو وين نسكن و حتى هو ماسقساتيش..... اه ياربي منين عرف هدا....... مايكونش واحد من صحاب خاوتي.... ايييييي تخلات لوكان يكون صاحب محمد..... لوكان يقولو.... يقتلني و يشرب من دمي.... المهم ربي يستر
نزلت عند ماما وبابا داخو وقتاش روحت
ماما: يا بنتي و قتاش جيتي كيفاش ماشفناكش
انا: طلعت طول لبيتي.... كنت غلبانة دوشت و ريحت شوي.... حقا بابا شربت دواك
بابا: ايه بنتي عطاتهولي ماماك.... ايه واش بيها شفتك مجروحة
انا: بابا ناضتلي حبة وانا جرحتها
بابا: مممممم ماعليش................ ...................................................................................نرجعو لواش صرا مع حسام من بعد الفراق
حسام: علاش يا بابا والله رحيم ماتلقاش كيفو راجل و راح يحافظ على نورهان
باباه: لا راجل لا والو انا بنتي مستحيل نعطيهالو يالوكان يطير لسابع سماء .........
كوبا على باباه و عيط لنورهان ختو
حسام : نورهان نتي راكي اختي و نحبك كثر من روحي نحبك دورك تصارحيني... وتقوليلي الحقيقة.... نتي تحبي رحيم
نورهان: ااااا حسام يعني فففففف
حسام: ماتخافيش قوليلي الحقيقة
نورهان: ايه نحبو و هو تاني يحبني و قالي بلي حكا مع بابا و ماقبلوش بابا باش يجي يخطبني
حسام: فففففف ماعليش دورك نحكي مع رحيم ونتفاهم معاه
عيط حسام لرحيم وقاللو ادا كان قاعد يجي عندو .....الغدوة هاديك ناض رحيم بكري و راح لولاية******
عيط الحسام باش يقولوا على البلاصة والعنوان... قالو حسام بلي راح يتلاقا معاه في ****** .
تلاقا حسام مع رحيم حسام: رحيم انت راك محسوب خويا.... وخلينا من المشاكل لي فاتو..... نحبك تقولي ادا صح انت تحب اختي وناويها للحلال
رحيم : يا حسام خويا ماشي غير نحبها نعشق فيها...... وباغيها تكون حلالي.... مي الظروف عكستنا... كلو في جرة الهاملة هاديك كنزة
حسام ماشتاش كيفاش حكا على كنزة مي سكت...... من بعد قاللو : انا نوعدك بلي نحكي مع ماما و بابا و نحاول نقنعهم و ان شاء الله مايكون غير الخير
ودعو بعضاهم و تفارقو........ حسام دار المستحيل باش يقنع باباه مي ماقدرش..... وزيد عطاولو الفيزا وباش يطلع لكندا...... عيط لرحيم وقاللو: مانكذبش عليك انا راني درت لي عليا باش نقنع بابا مي الله غالب ماقدرتش انا راح نسافر مع لبنات لكندا ....مي راح نعطيك وعد رجال اصبر عامين و نورهان ماتكون غير ليك.... عامين برك وتكون نورهان مرتك ...............................................................................................................................................................
في هاد العامين حسام بدا يكبر في خدمتو في كندا وبدا يتشهر تما.... وعامين كامل هو يحاول يقنع في باباه باش يوافق مي ماحبش.... .......سايي قلق وغلب من باباه و زاد عليه حالت اختو لي رجعت كيما حالتو .....لزوح ضحايا الحب