رؤيا العلامي 20عام بنت متوسطة فالطول شعر بني حريري.. بشرة بيضة عوينات عسليين لمهم كلشي هو هداك ... البنت الوحيدة لماماها و باباها ..سماتها ماماها رؤيا ..لأنها كيفما كتقول كانت ديما كتشوفها فالرؤيا ديالها ..و كان عندها ايمان قوي انه غادي يجي نهاو و تولدها ...بعد عناء طويل هي و باباها لي كيبغيو بعضياتهم لدرجة كبيرة ...ريماس( 50 عام امرأة زوينة بزاف و كذالك القلب لكبير كتبان شابة رغم السن ديالها كتشبه بزاف لرؤيا ..مهندسة ديكور ).....و باباها سيف الدين العلامي (55سنة رجل اعمال كيخدم فمجال التصدير و الاستيراد رجل رياضي و مهتم براسو و عانى بزاف باش يقدر يوصل لهادشي لي هو فيه )
لمهم بعدما شدات الباك ديالها دخلت تقرا الهندسة المعمارية حلمها لي كانت باغاه من شحال هادي .
قرات شي حصص هاد الصباح و جايا فالطريق راكبا فاللوطو دياليها ..پورش بيضة كادو ديال ماماها و باباها نهار جابت مونسيو فالباك ...طريق عامرا و السطوب كذالك مكدوز على ساعة .و هي فيها النعاس حيت الليل كامل و هي سهرانة كتقرا حيت هادا العام ااتاني ديالها..
بقات كتسنا فااسطوب و دخلت معاها سخونية معا ايامات البرد و هي خارجة مع 12 كانت شميسة خارجة ستحلاتها حتا نعست مكتفيق الا على كلشي كيطوط فاقت مخلوعة و زدتها بالغوات خرجت راسها من شرجم ديال الطومو حتا شبعت سبان عاد زادت ...متاخدوش عليها نظرة خايبة هي طبيعتها كالم غا فاش كطلع ليها القردة ....محبسها غا صوت تيلي ديالها :الو وي ماما .. هاني فااطريق..شكون جاي ...و انا مالي نتي عارفة ليوما السبت كنخرج مع نسرين و ياسمين ولا ا ماما عفيني عافاك ..بفف هاد صاحبتك ملقات تجي غا ليوم و السبت نتوما ليوم فالفيرمة .بففف صافي واخا غير على قبلك ا احسن ام فالدنيا ..هههه صافي هانا غادي نعلمهم صافي هاني قريبة
دخلت للفيرمة ديالهم حطات لوطو فالجردة و دخلت تلقات ليها حكيمة مرا ضريفة بزاف منين كانت صغيرة و هيا خدامة معاهم ولكن 😮😮😮 علاش جايا كتجري :وااااع دخلتي فيا مالكي ...
حكيمة:(جارا رؤيا من يديها )واحد الحاجة غادي تعجبك بزاف
بقات جاراها حتا تفاجئت : نو واي روكسانا ولدت .العودة ولدت بقات ملاهيا معاها حتا ولات حالتهت حالة .فرحت بزاف اول مرة تشوف هاكا كان صغير بزاف ..:حكيمة شوفي شحال زوين و صغير
ريماس : (من بعيد)رؤيا...رؤيا بدلي عليك ا بنتي راه فرح قربات تجي (وهي كتقرب)ويلي علا حالة اش هادشي ..نوضي ا حبيبة غسلي حالتك و بدلي عليك راه جايين
انا:اوكي هاهيا غادا
طلعت لبيتها بدلت عليها وغسلت ..لبست سروال جينز اسود مع تريكو ابيض صوفي طالع نظرا كاين البرد الشوية ف اواخر شهر 3 مع گاط اسود طالع و رخفت شعرها على راحتو و هبطت للتحت
أنت تقرأ
رؤيا
Romance♥♥ بقلمي ...مونيا لوباروس♥♥ ⛔⛔⛔لا احلل النشر بدون ذكر الإسم (رواية مغربية مكتملة) البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
