واخيرا جا يوم العرس ..
رؤيا فاقت كيف ديما كتعرق ...دخلات دوشات ودهنات لراسها گاع انواع المستحضرات ..خرجات نيشان لبسات غير جينز و تيشوت بيض مع سبرديلة بيضة ...وهبطات تفطر بعدما هزات حوايجها فساك ..هزات اللوطو ديالها وتاجهات نيشان للڤيلا ديال نسرين و وياسمين.لقاتهم گالسين مجمعين كيفطرو ..گلسات كتفطر معاهم ..
نسرين:رؤيا بنتي ليا ماشي هي هديك
رؤيا:لا والو
ياسمين:كتبان فيك متوترة مالكي اش واقع
رؤيا:صراحة كنحس براسي متوترة بلا قياس معرفتش علاش
ياسمين :relax ا رؤيا ..رتاحي مكين لاش يوتروك هاد الأجواء ديال العراسات
نسرين(كتعنق فيها) :رتاحي ا حبيبتي راه لي دزتي منو ماشي ساهل. .بلعكس راه خاصك تواجهي فحال هاد المواقف المشابهة
رؤيا:اه عندك الصح ..يالاه شنو نديرو دابا راه 2 دلعشية
ياسمين :خلينا گالسين شوية انا دايرا معاهم حتا لخمسة ديال العشية ..
نسرين:انا عندي فيلم زوين girls trip
لبنات بقاو كيتفرجو ..بقاو كيضحكو على طول الفيلم .. حتا دخل عليهم امين ومعاه احمد ..وحتا محمود كان معاهم لأنه خو احمد
امين: ضحكونا معاكم ....مم شادين فيلم
رؤيا: ههه ملقينا منديرو
نسرين:بففف سكتو خلينا نكملو
بقاو كيشوفو مركزين حتا بانت لقطة فكرتهم فشي حاجة
رؤيا:عرفتو شنو تفكرت
ياسمين:هههه واقيلا عرفتك علاش كتهضري
رؤيا:هههه نهار كنا فالصين فداك المعبد
نسرين:ههههه لاا عافاك سكتي بلاش هههه
امين :لا غا عاودي ا رؤيا شدني الفضول
احمد :خليها تگول لينا المسمومة
نسرين:اامسموم هو نتا ...لا ا رؤيا متعاوديش ليهم هههه
امين شاد نسرين من يديها ورؤيا بدات كتعاود
### Flash back. ###
كانو فالصين وبالظبط فأحد المعابد كيستكشفو المكان كانو بااظبط واقفين قدام داك الصنم اي كيعتابروه الهة ديالهم كانو حاطين الماكلة لداك الصنم ديالهم ..هادو اعتقاداتهم ..كانو طباسل فيهوم ليمون صغير ...لبنات كيتصورو حتا مع الدورة لقاو نسرين كتاكل فداك الليمون كتقشر وتاكل
رؤيا:ويلي ويلي حطي دكشي راه الألهة ديالهم زعما كياكل دكشي
نسرين(وفمها عامر): لاواه زفت ....مغادي ياكلو حد غادي يبقا حتا يخماج اللهم فيا انا ..
ياسمين:ناري كرشك غادي تخرج عليك
نسرين (كتقيس فداك الصنم وكضرب ليه فالصلعة):هاء ايوا صافي اصلا هاد راس الصمة غادي ياكل هادشي راه غا كذوب هادشي عندهم
البنات كيشوفو شي وحدين جايين ليهم كيشوفو فيهم معصبين
رؤيا:وقيلا هادوك جايين لعندنا
ياسمين:اينا واقيلا ..لا راه جايين لعندنا
رؤيا:نحسب حد تلاتة هربو
ياسمين:ياله
رؤيا :واحد ..جوج تلاتة
ياسمين و رؤيا بداو يجريو ايلا نسرين مزال كتاكل حسو بيها مكايناش رجعو عندها جروها وتمو غادين بيها كتاكل
ياسمين:وجري البشار راه تابعينا
نسرين:وهاد الليمون بنين خليوني ناكل اصلا ميقيسكمش انا معاكم
رؤيا:واجري راه داك الكاراطي ديالك مينفعك فوالو مع هادو ..راه تلقايهم كيطيرو فالكونغ فو
نسرين: ناري صافي قفرناها علقو
بقاو كيجريو حتا بعدو عليهم دخلو غير وسط فحال اامهرجان
.دخلو مع واحد الباب وسدو
رؤيا:اوووف واخيرا تلفناهم
نسرين:ناري كانو ليوك يشويونا مع داك سراق الزيت ديالهم
ياسمين: غادي تخرجي علينا نتي المصيبة
لبنات ضايرين كيهدرو مع نسرين وهي كتشوف من وراهم
رؤيا:هيه فين كتشوفي نتي ...
ياسمين:كاينة شي حاجة اللور ياك
رؤيا:باينة كاينة شي حاجة ..دوي الموصيبة اش كاين
نسرين وجهها مفيكسي كتشوف فداك العجب
رؤيا:نحسب حد تااتو نضورو بجوج
ياسمين :يالله
رؤيا :واحد جوج تلاتة
مع الدورة لقاو مرا مزوقة لابسة لباس الصينيين ودايرا مكياج ديال الكلون كتشوف فيهم
رؤيا:ناري ميمتي هادي مالها ..وا مولات الكاراطي نفعينا
نسرين:اويلي على حالة دايرا فوجهها
ياسمين:نتي هامك غا وجهها ..فكينا الموصيبة ...نتي لي طيحتينا فهادشي
كيشوفو ديك المرا جايا جيهتهم وكتعرى وكدير شي اصوات شبه الحمار حاشاكم وحاشا السامعين😂
نسرين:ميمتي ليوم تغتاصبنا هنا ..
ياسمين:ويلي شداك الصوت كدير
رؤيا: على مابان ليا حمار يمكن
نسرين:اختي بعدي لهيه ...نيهاو نيهاو ...ميمتي هادي كتقرب ..ويلي حاي كيف كتلوى كيف الحنش
رؤيا:داك الباب راهو دغيا نهربو منو
ياسمين:يلاه واحد جوج تلاتة
لبنات هربو من الباب دخلو فبلاصة اخرى لقاو صينيات كيشطحو وسط مجموعة من الرجال ..دخلو الوسط ودوك البنات كيجروهم يشطحو
نسرين :ديرو فحالهم ..غير يطلقونا نهربو
لبنات بداو كيديرو فحال دوك الصينيات ..ودوك الرجال كيصفقو
غير جاتهم الفرصة هربو ...بقاو كيجريو .محسو براسهم حتا ركبو فديك الحافلة ديالهم من الفوق ...كيضحكو
رؤيا:ههههه كان نيت فينا الملال ..دابا مبقاش
ياسمين :وياه ههههه والله ايلا هاد النهار غادي يبقا فذاكرتي
نسرين:اه قبيلة كنتو كتسبوني دابا كضحكو
رؤيا:ناري ديك المرا كتخلع شتي فاش بدات تحيد حوايجها
ياسمين :ههههه وااع وفاش دخلنا نشطحو ههه ..معرفت ديالاش ديك البلاصة
نسرين: هيهيهي علاش مزال معرفتي ههههههن هاديك راه دار الدعارة
رؤيا:ويليي فين دخلنا
ياسمين:بففف جينا مزروبين ومكلينا والو
نسرين: لا هاهو عندي داك الليمون ديالهم ..بنيين
رؤيا:مسخوطة هزيتيه كامل
نسرين جبدات ساكها وبدات كتجبد للبنات كياكلو
## نهايةflash back ##
امين:هههههه لا بزاف هادي ..نسرين ديك الشهية غادي تخرج عليك
احمد :هههههه ياسمين عمرك عاودتي ليا على هادي ...ولكن هاد نسرين والله ايلا صدقات نمرة
امين:وهي اصحبي طمعات فالليمون ديال داك الصنم
نسرين:وهو كان بنين مسخيتش بيه .
رؤيا:اه دكشي لاش شديتي گاع داك الليمون وخويتيه فصاكك هههههه
ياسمين:هنههه صراحة دوزنا رحلة زوينة مكتعاودش
من بعد ماسالاو الهدرة لبنات طلعو ووصلوهم الدراري للصالون ..منين دخلو وهوما مع ياسمين ..حتا لمن بعد مدة عاد دخلو صايبو راسهم ...تهلاو فراسهم بلي سوان ودكشي ..
بعد مدة وصلات 9دليل كان كلشي جاهز لبنات كانو واجدين
رؤيا:جيتي كتحمقي ا حبيبة ...تبارك الله
نسرين:جيتي كتفتني ..إنشاء الله يكون كلشي بخير
ياسمين:هههه حتا نتوما ...ايوا بلا متبداو دمعو عليا راني مبغيتش نخسر المكياج ههه
خرجو البنات لقاو ليموزين كتسناهم فاللون الأسود ومع الاضواء كتبان كتبري
أنت تقرأ
رؤيا
عاطفية♥♥ بقلمي ...مونيا لوباروس♥♥ ⛔⛔⛔لا احلل النشر بدون ذكر الإسم (رواية مغربية مكتملة) البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
