رؤيا

الجزء 52

بعدما مشاو لبنات تبعو رؤيا طلعو عندها لبيت  كانت متكية
وحداها ماماها وباباها
ريماس :بنتي كتباني عيانة بزاف ..
سيف الدين :انا نعيط لطبيب ديالنا يجي يفحصها
رؤيا(شدات ليه فيديه):بابا معندي والو  غير عيانة وصافي نرتاح شي ايامات ونوض كيف الأول
سيف الدين(باسها فوق راسها):واخا ابنتي رتاحي ...هاهوما البنات معاك
رؤيا(بتاسمات ليه):اه واخا

نسرين(تخشات حدا رؤيا):خلعتينا عليك
ياسمين(حتا هي تخشات حداهم):رؤيا نتي بيخير
رؤيا(كتحاول تبقا قوية):اه انا بيخير بلا متشوشو بالكم معايا
نسرين:رؤيا وجهك ذبال بزاف حالتك معجبتنيش فمرة
رؤيا(ناضت للدوش):لا غير نرتاح نولي مزيان

لبنات بعدما دخلات للدوش بثاو ساكتين كل وقين كيفكر حتا سمعو رؤيا كتغوت
ياسمين(كدق وكتبكي ):رؤيا حلي اش واقع ...رؤيااا
نسرين(هبطت عندهم كتغوت )
ريماس (كتجري):اش واقع لبنتي ....رؤيا بنتي عافاك لما حلي الله يرضي عليك
حتا جا سيف الدين دفع الباب وتصدم  ..لقاها طايحة سخفانة والدنيا كاملة دمايات من جيهة رجليها ..ديك الساعة هزوها داوها للمستشفى  دخلات لغرفة المستعجلات
مدة وهوما كيتسناو حتا لحقو عليهم احمد وامين لي تخلعو منين صونات نسرين على امين
امين:نسرين دوي اش واقع
نسرين:مزال معرفناش ...راه من قبيلة وهوما كيجريو مزال مفهمنا والو

بعد مدة قليلة ..خرج عندهم داك الدكتور

سيف الدين:سي عدنان كيف بقات بنتي
عدنان :متخافش راها دابا مزيان غير هو
سيف الدين:شنو وقع دوي
عدنان:كنتأسف مقدرناش نقدو الجنين ..كان مزال صغير بزاف مقدش يستحمل ...زائد انها يمكن مرات بأيام صعيبة  ولا صحتها النفسية ولا الجسدية متدهورين
سيف الدين(مشا گلس حدا ريماس ):دابا شنو غادي نديرو كيف غادي نگولوها ليها ...ايلا عرفات غادي ترجع فنفس الحالة
عدنان:سي سيف الدين ..انا غادي نوصلها ليها بشي طريقة ولكن ماشي دابا خليها حتا تولي حسن

بعدما مشا طبيب كلشي باقي مصدوم وبقات فيهم رؤيا وحالتها....كلشي بقا تما حتا دخلوها رتاحت ..دخلو عندها غير ريماس وسيف شافوها وخرجو ..اما لخرين فغير طلو عليها ومشاو ومرة مرة كيسولو عليها ...هكا دازو الأيام ..ورؤيا بدات كترجع حيويتها والبنات كيجيو يضلو عندها النهار كامل وفالليل كيمشيو

عدنان(كيقاد ليها السيروم):رؤيا ..كتباني ليا صبحتي مزيان ليوم
رؤيا(بتاسمات ليه):اه كنحس براسي مزيان...ولكن فيا شوية ديال لوجع فكرشي  معرفتش علاش
عدنان :اه دابا يمشي معا لوقت (وگلس مقابل معاها)رؤيا فهاد الدنيا يمكن يوقعو لينا بزاف ديال المشاكل لي يقدرو يحطمونا  ولكن خصنا نبقاو قويين . وحتا نتي خصك تبقاي قوية واي مشكل واجهك ..ضحكي ليه وگولي غادي نتجاوزك
رؤيا(حبسات البكية وكتحاول تقوي راسها ):وانا قوية وحتا حاجا متقدر تغلبني 
عدنان(ابتاسم ليها):عارف
رؤيا(كتشوف فيه بشك):بغيتي تگول شي حاجة من قبيلة ونتا متردد
عدنان(شد ليها فيديها):عقلتي نهار جيتي لهنا
رؤيا(حركات راسها بآه)
عدنان:داك النهار كنتي فحالة خطيرة ..وصحتك كانت متدهورة ...باش نقدوك كان خصنا ضروري نحيدو ليك الجنين
رؤيا(حابسة لبكية ):واش انا كنت حاملة
عدنان(اومآ ليها براسو)
رؤيا(كتبكي بجهد ):واش دابا ولدي مات ...ولدي مات
عدنان(معنقها ):ولكن خصك تكوني اقوى من هكا ..الحياة مغاديش تسالي
رؤيا(كتبكي):حياتي سالات سالات ...ياسين مشاا و ولدناا ماات ...وانا بقيت بحدي فحال ديما ....علاش كيطرا ليا هكا علاش ...انا عمري اديت شي حد فشي حاجة
عدنان(شاد ليها يديها جامعهم ):مزال الدنيا مسالات مزال قدامك الحياة كاملة ..خصك تكوني اقوى من هكاا ...عائلتك كاملة كتسناك كلشي خايف عليك...هادشي مكيهمك فوالو
رؤيا(دارت لجيهة الأخرى تكات وكتبكي )
عدنان(جر ليها  الماكلة كانت محطوطة حداها):فكري فهدرتي مزيان ...(وخرج)

نمشيو عند ياسين لي مشا وحتا حد معرف عليه شي خبار بعد ايام قليلة عاد رجع للمغرب ..
عاصم(دخل عليه المكتب):مالك اصحبي هاد الغبرة كاملة عييت منصوني عليك
ياسين(كيشوف فشي وراق ):علاش راه ديجا هدرنا قبل
عاصم:راك معارف والو ..راه...رؤيا مريضة وطاح ليها البيبي
ياسين(ناض مصدوم):كيفاش ....(شاد فراسو)واش كانت حاملة
عاصم:اه دكشي لي گالو ليا راه دابا هي مزال فالمستشفى
ياسين(هز حوايجو وتم غادي نيشان مكسيري للمستشفى  )

ياسين مع الدخلة لقا البنات گالسين كيبكيو :فين هي رؤيا
نسرين:ياسين اش كدير هنا
ياسين(كيسمع رؤيا كتبكي):شنو واقع
امين(شاد ياسين):ياسين خرج دابا بلاما تشوفك ...
ياسين(شنق على امين):شنو واقع ليها ...مالها علاش كتبكي
امين:راه مكانتش عارفة بيلا طاح ليها لبيبي ..راه الدكتور كيدوي معاها 
ياسين(گلس فكرسي وشاد راسو بين ايديه كيسمع فيها كتبكي )
سيف الدين(وقف عليه ):اش كدير نتا هنا هدرنا قبل اولا
ياسين(ناض وحط يدو على كتف سيف):مغاديش نزيد نقرب ليها مزال غير تهنا ...
سيف الدين(حبسو):طلقها وفأقرب وقت ممكن
ياسين(قلبو ضرب بجهد فاش سمع هاد الكلمة..ولكن شد راسو):(ومآ ليه براسو ومشا خرج من المستشفى )

بعد ايام قليلة كانت رجعات  لحياتها العادية بعدما ولات صحتها مزيانة ...رجعات حلات الورشة ديالها وكملات مشاريعها وبالأخص المشروع لي كانت خدامة عليه هي وامين لي هو مستشفى  متعدد التخصصات ..بزز باش قدرات تجمع قوتها وتعاود اي حاجة من جديد ..مع انها كانت كتبان قوية ولكن من داخلها كانت منكاسرة وحزينة ...