رؤيا

الجزء45

ياسين بعدما تم داخل يدو كانت كاملة مجروحو وكتسيل بالدم ..رؤيا كانت يالاه هابطة معاهم حت بان ليها هكاك مشات نيشان كتجري عندو
رؤيا(عينيها كيدمعو):مال يديك ا ياسين ..شنو واقع ليك
ياسين:رؤياا مامالي والو غير تهرس ليا الكاس فيدي
رؤيا (كتبكي):عطيني نداويها ليك ..راك مجروح بزاف
ياسين(داها گلسها فوق الفوتاي وهو محني على ركابيه):مكاين والو ا حبيبي غير جرحة صغيرة (كيمسح ليها دموعها)
رؤيا:و..ولكن راه فيك الدم بزاف ا ياسين
ياسين(باسها فراسها):ناشي مشكل مكنحسش بيها
الخدامة (جابت علبة الإسعافات حطتها )
رؤيا(جبدات ليه يدو ):اراها انا غادي نداويها ليك
ياسين(عاطيها يدو ):رؤيا ..بلا بكا موقع والو
رؤيا(كتحاول تخبي دموعها)

ياسين بعدما نقات ليه يدو و لوات عليها فاصمة ...قربها ليه و عنقها كيستنشق ريحتها ...وهادشي كامل وهوما كيتفرجو عليهم من بعيد ...حتا من باباها لي زاد تيقن انه ايلا مشا ياسين هاد المرة فرؤيا هاديك هي اخرتها

ريماس (حاطة يديها عليه):سيف الدين ..متخاف من والو بنتنا عمرها غادي يوقع ليها شي حاجة محد ياسين حداها وكيحميها ..وربي عمرو غادي يخيبها
سيف الدين:و ايلا مشا عليها وخلاها تاني ...غادي نفقدوها فخطرة ...مكتشوفيش شحال متشبتة بيه ..انا عارف ياسين راجل وحتا حد ميقد عليه ولكن مكتعرفش الدنيا شنو جايبة
ريماس (كتشوف فرؤيا ):إنشاء الله مغادي يوقع والو ..انا ديما كندعي معاها تكون مرتاحة ..عارفة ربي مغاديش يخيبني
سيف الدين:نتمناو

نسرين:كنت عارفة رؤيا عمرها غادي تنساه ...فراسك راه هو اول حب فحياتها
امين:اوووو هادشي عندهم زوين ...رؤيا بنت مكاينش فحالها تستاهل كل خير ......زعما نتي ايلا تجرحت غادي تخافي علي فحال هكاك
نسرين(خنزرت فيه):دابا هادا سؤال هدا
امين:هههه ومالو زوين ياك
نسرين:فحال وجهك
امين:ههههه ناري جوابك على طرف لسانك

بعدنا تحط الغدا كلشي تجمع حتا من واليدين ياسمين ونسرين كانو ...اصلا هوما سيف الدين وبات البنات(عمر) صحاب من الصغر ..وحتا من مت  البنات(خديجة) صاحبة ريماس من القديم ..كانو كلشي مجموع حتا من صحاباتهم  عايدة وكلشي مجموع ..بقات غير فرح لي خلاها ياسين فأمريكا .....كانت حتا من نهيلة وسهيلة ...
نهيلة لي كتفقص غير بحدها منين شافت ياسين رجع هو ورؤيا وكيفاش كيعاملها ...تفقصات ..حتا من رؤيا وهي گالسة كتاكل وهي مرة مرة كطلع راسها كتشوفها كيفاش كتخنزر

ياسين(قرب لرؤيا):مالكي
رؤيا:لا والو
ياسين:شفتك مكليتي والو ..(زيد ليها الماكلة)..كولي شوية راني عارفك غير غادي طلعي مع البنات غادي تشغلي وغادي تنساي راسك
رؤيا(ابتاسمات):واخا 
ياسين(قرب ليها):عمرني گتليك واحد الحاجة
رؤيا(؟):ششنو هي
ياسين:كتولي زوينة فاش كتسمعي لهدرة
رؤيا(كضحك):هههه هي دابا انا خايبة
ياسين:لا نتي حلوة ....ههخه وكولي 
رؤيا(طلعات راسها لقات لبنات حاضيينها):😲

غير سالات الماكلة طلعو بيها لبيت  نعسو لعشية كاملة  حتا ضلام الحال ..وياسين بقا لتحت مع الدراري ومرة مرة كيجيوه اتصالات .....
بعدما فاقو البنات ناضو كيقادو راسهم  وكولا لبسات تكشيطة ...رؤيا لبستها فالابيض مرصع بألماسات و نسرين لبستها خضرة ديال الحنا ..و ياسمين لبستها فالأبيض
نسرين:وا هانتي الزواج صدق زوين
ياسمين:تفرقي على السيدة هههه
نسرين:هههه عقلتي علىيها داك النهار (كتعيبها)انا عمري غادي نسمح ليه
ياسمين:ههههه😂😂😂 الحب هاداك
رؤيا(باقا متكية فالناموسية ):ههههه .....منكدبش عليكم  عييت و تهديت  وحسيت براسي مقادراش نافق راسي ...انا وياه تحت سقف واحد وكنحاول نخلي راسي بعيدة عليه ومنضعفش ...عييت منحاول ولكن فالأخر لقيت راسي متبعة قلبي ...مزال مسامحتش ليه ولكن كنحاول نتعايش مع الوضع وننسا اي حاجة فاتت
ياسمين ونسرين(تكاو حداها داروها وسط منهوم)
نسرين(عنقتها):عارفة لي كاين ...احسن حاجة درتي هي هادي من الأحسن تنساي وتعيشي حياتك. المهم هو لي جاي ...
ياسمين:نسرين عندها الصح ...اصلا نتي عمرك نسيتيه
نسرين:وي عمرك نسيتيه ...عرفتي فوكاش عرفناك منسيتيهش ..قبل ايام قليلة من العرس ديال ياسمين ...شفناك واقفة قدام البحر فنفس البلاصة لي كنتي كتمشي ليها نتي وياه
ياسمين:تما عرفناك عمرك نسيتيه
رؤيا:ههه ونهار تزوجت انا وياسين كنتو عارفين قبل؟؟
نسرين:كنا عارفين ...
رؤيا:هادي هي مكنخبيو على بعضياتنا والو وباز
نسرين:ونتي صراحة عيقتي باغا تمشي تزوجي بداك الإرهابي تسطيتي
رؤيا(ناضت بجهد ):كيفاش ....كيفاش ارهابي
نسرين(عاد عرفات اش گالت):...رؤيا بشوية عليك ..بلا متخلعي
رؤيا (كترعد ):.نسرين.....كيفاش ...(كتشوف فياسمين)واش بصح ...واش منصف ارهابي
ياسمين:بشوية ا رؤيا ....راه دكشي فات ..حتا نتي ا نسرين مكتشديش داك الفم

رؤيا هبطات كتجري كتقلب على ياسين ..وهو غير شافها هاكاك تم غادي عندها
ياسين:اش واقع مالكي
رؤيا:واش .....واش منصف ارهابي
ياسين(تصدم مكانش باغيها تعرف ):رؤيا غير بشوية عليك معندك لاش تخافي
رؤيا(غوتات):گول ليا ا ياسين اش واقع شنو مخبي عليا
ياسين :رؤيا دابا ماشي وقت لهدرة
رؤيا:وقتها گالاك ماشي وقتها ....
ياسين(جرها لجيهت الپيسين ):اجي گلسي
رؤيا(گالسة):گوليا ا ياسين شنو واقع
ياسين(باس ليها يديها):رؤيا منصف قتل بابا  ..كيحاول يدمر اي حاجة كتخصني  وحاول يقرب ليك حتا نتي  ..ولكن مغاديش يقدر يقرب ليك محدني معاك ....تيقي بيا .....بلاما تعرفي كتر وتبرزطي راسك ...دخلي راه غادي يبداو (تم نايض)
رؤيا(شداتو من يدو وعينيها دامعين):واش هو لي خلاك تمشي ديك المدة كاملة
ياسين كيحاول مينهارش قدامها ولكن بنظرة وحدة فهماتو ..وناضت عنقاتو
ياسين:باراك راك قهرتي دوك العوينات ..(باسها فوقهم)يالاه نوضي دخلي لداخل وبدلي لجو ...
رؤيا (ابتاسمات):واخا
ياسين(جرها من خصرها):جاتك زوينة هاد اللبسة
رؤيا:ههه سميتها تكشيطة
ياسين:ههه ماشي مهم....ولكن جاتك زوينة (كيفرق بوسات خفاف على عنقها)
رؤيا(كطلق اهات خفاف)اما ياسين فدغيا بدا ليها ففمها كيمص فشفايفها بكل حنية ..
ياسين:سيري دغيا راه غادي نصدق كاويك هنا

رؤيا دغيا هربات ومشات گلسات مع البنات بعدما قادات وجهها ولكن ريحت الحنا مقدرتش تستحملها حيت مكتعجبهاش ....مرة مرة كتنوض تشطح مع ياسمين  حيت كانت حفلة فيها غير العيالات ...مبيناتهم