صبخ صباح جديد على الابطال ديالنا ...
رؤيا فاقت فالصباح دوشات ولبسات عليها وهبطات لقات العساس حط ليها حوايجها فلوطو و كريمة موجدة ليها الفطور
رؤيا (كتهضر مع ماماها فتيلي ):صباح النور ماما
ريماس :صباح النور ابنتي كيف صبحتي
رؤيا:حمد لله ..هاني كنفطر باش نمشي
ريماس:اه ايوا الله يوصلكم على خير ابنتي....تهلاي فراسك ابنتي بلا منوصيك وايلا حتاجيتي شي حاجة صوني عليا ولا على باباك
رؤيا:هههه واماما مرانيش درية صغيرة ..
ريماس:ههه لا نتي هي مومو عينيا ديما غادي تبقاي فعيني صغيرة
رؤيا:هههه واخا الالة لحتاجيت شي حاجة نگولها ليك
ريماس:هكاك يرضي عليك ههه...
رؤيا:نتي وبابا مناوينش تسافرو
ريماس:لا غادي نسافرو غير مزال مقررناش فين
سيف الدين(حتا هو كيهضر معاهم):ياكما باغا تبعينا
رؤيا:ههههه غا تهنا مغاديش نتبعكم
سيف الدين:هكاك يرضي على بنتي
رؤيا:يالله انا خاصني دابا نمشي ...بيزوو
ريماس:فاش توصلي صوني ليا
رؤيا:واااخا اماما واخا (وقطعات عليها كضحك)
بعدما ركبات فاللوطو ديالها مشات نيشان للمطار دخلات من باب اخر ب لوطو ديالها .وقفات قدام الطيارة لي غادي يمشيو فيها لقاتهم مجموعين
امين(شاد سهيل ):على السلامة
رؤيا(كتعطيهم حوايجها باش يطلعوهم):الله يسلمك
نسرين:يالله نطلعو انا بغيت غير امتا نوصل
امين(ماد ليها حنكو):بوسيني ونمشيو
نسرين(كتقاد فشعرها):نووو
امين:لمهم حنا مبقيناش محركين شنو بان ليك نرجعو ا رؤيا
نسرين(باستو فحنكي):ناري ضحكك شحال خايب
امين:لا نتي زوينة هيهي
نسرين(قرصاتو):بصحة
امين( حط سهيل وهازها طالع بيها):ناري المسمومة قرصتك قاصحة
رؤيا(كتشوفهم وكضحك تفكرات ياسين فاش دار ليها نفس الحركة تسائلت شنو يكون كيدير دابا ..نفضات افكارها وطلعات للطيارة هازة سهيل
امين(گلس حدا رؤيا):مالنا على هاد التغوبيشة فاش كتفكري
رؤيا(جبدات مجلة من دوك المجلات ):نو غير فالخدمة
امين:دابا حنا غادين نفوجو نساي الخدمة
رؤيا(كتقلب فديك المجلة حتا حبسات فورقة ودمعات عينيها)
امين(كيشوف فصورة ياسين فمجلة الإقتصاد وكيتحسر على رؤيا):توحشتيه
رؤيا: امين...عافاك نسا عليا هاد الموضوع
امين:رؤيا....شحال قدك تبقاي هكا...العمر كيتسالا والحياة كدوز
رؤيا(دورات وجهها كتشوف فالغيوم حداهم )اما امين فخلاها على راحتها مبغاش يزيد عليها
بعد مدة كانو وصلو لتركيا وبالظبط اسطنبول ... خرجو نيشان تمشاو خداو الطوموبيلات ديالهم لي حجزو عليهم ومشاو جيهت ڤيلا كبيرة ديال امين ...دخلو نيشان قادو حوايجهم وخرجو برا فالجردة كيتعشاو اما رؤيا فكانت مزال كدوش
امين(غمز احمد):عرفتو بعدا انا علاش جبتكم لتركيا
نسرين:كيفاش علاش جبتينا هنا اش كتخربق
امين:دابا مغاديش تسكتي وتسمعي
نسرين:نتا واحمد كنتو متافقين ..ياسمين هادو كيتافقو علينا وحنا مسايقين خبار
ياسمين(,كتشوف احمد):يااك هي نتا عارف
احمد:هههه واسكتي وسمعي هالعار
ياسمين:يالله علاش جينا لتركيا
امين:جينا حيت......
بداو كيهضرو وكيتافقو . وغير شافو رؤيا جايا سكتو ..وكملو عشاهم
صبح صباح جديد ...فاقت رؤيا على صداع سهيل كيبكي حيت بيتها حدا بيتهم ...خرجات لقات الباب محلول وحتا حد مكاين لداخل ..هزاتو وهبطات بيه لعند ياسمين لي مجايبة خبار
رؤيا:وواههيا راه ولدك من الصباح وهو كيبكي
ياسمين:ماشي من عوايدو يفيق داابا....اجي احبيبي عندي ..فيك جوع..سيري طلعي بدلي عليك باش نخرجو
رؤيا(طلعات لبيتها)
بعد مدة قصيرة فطرو وخرجو باش يستكشفو اسطنبول
رؤيا:امين حنا شنو كنتسناو هنا بالسلامة
امين:واحد السيد كنعرفو غادي يجي معانا نتساراو شوية
رؤيا:بفف راه تعطل
شخص(خلع رؤيا من اللور):هاهو جا ..علاين تبداي تعايري
رؤيا:عاصم شنو كدير هنا
عاصم:فحالي فحالكم
رؤيا:ممم نت هو لي كيتسناك امين...دابا جيتي خلينا نمشيو نتساراو
عاصم:مزال معانا شخص اخر حتا هو مسكين جا لتركيا من شحال هادي ولكن مكتبش الله باش يخرج يتسارا
رؤيا:بففف...سربيونا دغيا عييت بالوقوف
عاصم(كيشوف موراها):هاهو جاي نيت
رؤيا(ضارت مصدومة ورجعات شافت ف امين وعاصم ):اوكي واخا ...دابا ايلا مزال باغين تساراو يالله راه عييت (كتحاول تبقا قوية ومتفرگعش عليهم تمت بالبكا)
امين:مزال حتا متسالمنا غير تسناي ...(كيسلم على ياسين )
بعدما تسالمو وقف ياسين قدام رؤيا..مدات ليه يديها وحتا هو مد ليها يديه
امين:يالله نتحركو محد مزال الحال
نسرين:اوكي ..ولكن ناكل شي حاجة قبل قتلني جوع
امين(جرها ):زيدي زيدي حسن عواااني..
كل واحد زاد مع لي معاه ..ياسمين مع احمد و امين مع نسرين ..اما رؤيا فمترددة وقلبها فضحها تمات غير غادا تابعاهم وهوما كل مرة كيدور يشوف فيها شي حد
نسرين:رؤيا مالكي
رؤيا(جراتها):واش نتوما جايبيني فعطلة ولا ناويين توقفو ليا القلب
نسرين:انا مفراسي والو ...خلينا بليز نتساراو هاد النهار من بعد ونهدرو فهادشي
تحركو كيتساراو عاصم و ياسين غادين وكيهدرو
ياسين(شاد راسو غا بزز ):عاصم شنو كنبان ليك انا حمار كتحطني فأمر الواقع
عاصم(كيطنز عليه) :علاه شنو درت مفيها والو ..اصلا راه رؤيا مخطوبة يعني معندك حتا فرصة
ياسين(معصب وعروقو بانو ووجهو ولا حمر):كيفاش اش كتخربق عليا...برب حتا نقتلها هي وهاد خينا
عاصم(كيضحك):relax اصحبي ولكن ايلا زدتي تعطلتي يمكن ياخدوها ليك...هي ايلا درتي عقلك
ياسين(دار نضاضرو وتم غادي):عاصم ..دير فبالك ..كلشي سالا بيناتنا بلا متحاول ..حنا طلقنا وكل مشا فطريق
عاصم(واقف مربع يديه):غادي يسالي كلشي بيناتكم ايلا كنتو طلقتو بصح..ماشي وهي على ذمتك
ياسين(دار عندو بشك):عاصم..اش كتخربق عليا
عاصم:كيفما سمعتي واخا كلفتيني بوراق طلاق..عمري طلقتكم ...
ياسين:نخليك انا غادي نمشي ..ومزال غادي نهضرو على هاد الموضوع (ومشا جيهت لوطو ديالو )
امين:عاصم مالو مشا
عاصم:خليه دابا حتا يفكر معا راسو وغادي يرجع انا متأكد😉
امين:علاش واش گلتي ليه على انك مطلقتيهش من رؤيا
عاصم:دكشي ولكن انا عارفو غدا تلقاه حداك
امين:ونتمناو
رؤيا(مصدومة)
امين(دار حتا كيشوفها حداه عرفها سمعاتو):رؤيا ..تسناي نشرح ليك
رؤيا(كتبكي ):مبقا عندك متشرح ليا. هاد المدة كاملة ونتوما كتكذبو عليا وحتا هو ..عمري غادي نسمح ليكم
عاصم:رؤيا ..تسناي خلينا غير نشرحو ليك علاش درنا هكا
رؤيا(مشات كتجري وهي كتبكي )
نسرين:مال رؤيا كتجري
امين(شاد راسو بين يديه):راه..سمعتنا وحنا كنهضرو
نسرين:دابا اش غادي نديرو فين غادي نلقاوها تاني
امين:دابا تبرد وترجع خليوها على خاطرها
أنت تقرأ
رؤيا
Romantik♥♥ بقلمي ...مونيا لوباروس♥♥ ⛔⛔⛔لا احلل النشر بدون ذكر الإسم (رواية مغربية مكتملة) البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
