رؤيا

الجزء 11

رؤيا من بعد ما ودعات ياسين مشات للدار لقات ماماها گالسة فالصالون مع حكيمة :بنتي فين هاد التعطيلة
رؤيا:(كتحك فراسها)لا غير ...بقيت مع البنات
ريماس :مممم البنات ....اجي معايا لفوق بغيت نهضر معاك
رؤيا:واخا يالله
طلعات رؤيا مع ماماها وجلسو فجنب الناموسية
ريماس :(شدات وجه رؤيا بيديها)علاش ا بنتي مگلتي ليا والو ....زعما حتا لهاد الدرجة خايفة نوقف ليك فطريقك
رؤيا :لا بلعكس غير اماما غير معرفتش كيفاش نگولها ليك والله
ريماس :ماشي مشكل ابنتي ...بلعكس فرحتيني حيت وأخيرا لقيتي شي واحد لي تبغيه ويبغيك ...ومكنضنش غادي تلقاي حسن من ياسين
رؤيا : دابا شنو غادي نديرو ايلا بابا عرف
ريماس :ومن فوقاش سيف الدين كتخفى عليه شي حاجة ..
رؤيا:(بصدمة) ها كيفاش زعما يكون عارف
ريماس :هههههه دوك الحركات لي ويلتي كديري باينين للعمى و سيف الدين راه كيعرف اي حاجة كدور حداه غير من الشوفة
رؤيا:ههه بففف (خبات وجهها ) واااع دابا كيف غادي ندير نشوف فوجه بابا
سيف الدين :(واقف متكي على الباب)دابا عاد فكرتي فيها 😂
رؤيا: بابا 😐
سيف الدين :عاد شفتيني.....(تم جاي جيهت رؤيا وهي  حشمانة)مدرتيش شي حاجة لي تحشمي عليها ابنتي (هز ليها راسها )  ...وزيدون ياسين راه هدر معايا وطمنني ...مكنضنش انه من النوع لي كيتفلى ...انا رجل كبير وكنعرف نقرا الإنسان غير من عينيه ..بلعكس انا مرتاح لأنك لقيتي فجنبك إنسان لي يبغيك ..فهاد الزمان قلالو فيه ولاد الناس
ريماس:باباك عندو الصح ابنتي .. انا بعدا وأخيرا شفتك بغيتي  شي واحد .....عقلتي اسيف الدين نهار شدات داك الدري ضرباتو فاش جا يهدر معاها
سيف الدين:خهههههه تفكرت وعيطو علينا فالإدارة وكانو واليديه حتا هوما ...وفاش سولوها علاش درتي هاكاك ..گاتليهم گاليا فرسالة أحبك 😂
رؤيا:ناري حشومة عليكم فاش فكرتوني ..راه كنت صغيرة
ريماس :علاه مالك دابا كبرتي ...راه ديما غادي تبقاي فعينينا صغيرة ...عندنا عوينة وحدة هي نتي
رؤيا:هههههه (وعنقتهم )
مزال گالسين كيهدرو وكيتفكرو الصغر ديال رؤية حتا صونا تيلي ديالها  بدات غير كتقفقف
سيف الدين:(عنق ريماس وجارها)زييدي راه شي ناس مشغولين هههه (وغمز رؤيا)
خلاتهم حتا خرجو وهي تجاوبو :مگلتيش ليا راك هدرتي معا بابا
ياسين:گولي غا السلام  ابنادم
رؤيا:بففف واجاوبني
ياسين:لابغيتي نجاوبك ..گولي ليا كنبغيك ...قبيلة گاع مسمعتها من فمك😂
رؤيا:نوووو ماغاديش نگولها 😒
ياسين :وعلاش احبيبة 
رؤيا:هكاك حيت مكتگالش ف تيلي
ياسين :هاااح قلبي غادي يخرج من بلاصتو .....ايه وفوكاش الإفراج
رؤيا:معرفتش حتا يجي الوقت المناسب
ياسين :ممم هكاك ..ايوا صافي هاني كنتسنى واخا راه الصبر تقادا 
رؤيا :ودابا گول ليت بلييز شنو گلتي لبابا
ياسين:حتا يجي الوقت المناسب😂😂
رؤيا:كترد ليا الصرف ياك
ياسين :شوية هههه
بقاو ساكتين معرفو ميگولو حتا نطق ياسين :رؤيا
رؤيا:مم
ياسين :توحشتك
رؤيا:(قلبها كيضرب ف90)عاد كنت معاك
ياسين :وخا هكاك ا رؤيا ....عرفتي شنو خرجي عندي هاني لتحت
رؤيا:هاا كيفاش (مشات كتطل من البالكون)اش كدير هنا
ياسين:جاي نشوف حبيبتي حيت توحشتها بزاف ....ودابا غادي تهبطي ولا نجي انا فحال داك النهار
رؤيا بدات كتفكر داك النهار :صافي صافي هاني جاية

                            Flash back. 
رؤيا كانت ناعسة فالليل ومريضة بزاف  حتا حسات بالبرد وجاتها التبوريشة ...كتحس بالبرد كيضرب فوجهها ..حلات عينيها بتتاقل لقات البالكون محلول  ..بزز باش قدرت تنوض ..غادا وهي كتنهج ..غير سداتو تمات راجعة حتا شدتها الدوخة ..حسات بشي يد شاداها ..عرفاتو غير من ريحتو :ياسين اش كدير هنا
محسات غير بياسين هازها وغادي بيها خشاها فاالناموسية جاب ليها دوا معاه شرباتو   وتخشا حداها معنقها  بكل جهدو  كيحاول يدفيها حيت كانت كترعد بزاف ..كان خايف عليها بزاف... عرفها مريضة غير من صوتها فاش هدرات معاه  فتيلي ..مقدرش يحبس راسو يمشي عندها)

نهاية flash back

رؤيا هبطات عند ياسين وهي كتسلت ناسية راسها اش لابسة ..كانت لابسة دوني قصير سماطي بيض و شورط معاه حتا هو فنفس اللون وقصير ..نسات راسها راه مدايرا لا سوتيان لا والو .ومع شعرها مطلوق ..كانت كتبان مثيرة ...
هبطات بانت ليها لوطو ديال ياسين مشات بالزربة دخلت وسدات الباب :بففف هاني جيت شنو كاين
ياسين معرف راسو باش تبلى منين شافها هكاك  ولا كيتعرق غير بحدو
رؤيا:ياسين مالك (كتقيس ليه فوجهو)واش مريض مالك
ياسين :(جرها عندو جلسات فوقو )واش باغا تسطيني ....احح صافي ليوم اخرتي
رؤيا:(شافت راسها اش لابسة) ....بفف نسيت فاش عيطتي عليا هبطت مزروبة ...(كتشوف فيه خايفاه يتعصب فحال قبيلة )
ياسين :(كيفرق بوسات صغار على عنقها)حتا حد مشافك  دنيا خاوية
رؤيا:(كتحس بالتبوريشة وكتهضر ليه فودنو بشوية  )ياسييين
ياسين:(صوتها جاب ليه التبوريشة ) روووح ياسين
رؤيا:شنو كدير غادي يشوفنا شي واحد
ياسين :هههه واخا نكويك حنا حتا حد ميسمعك ولا يشوفك 
رؤيا:(وجهها ولا حمر )صافي خليني نمشي
ياسين :هههه لا متخافيش  مزال لحال على دكشي
رؤيا: وشكون گالك نتا لي غادي ديرها  ولامشيتي وتزوجت بشي حد اخر 😒
ياسين غير سمعها تعصب وزير عليها:كيفاش اش كتگولي نتي 
رؤيا:(خايفة )ها لا غير كنت كنضحك معاك
ياسين:(كيزير عليها وكيغوت  )رؤيا هادشي منسمعوش
منك  ولو بالضحك كتفهمي ولالا ...واش مفاهمين اولا

رؤيا غير كتگول ليه اه براسها وكتبكي ..هو غير شاف دموعها كيهبطو مقدرش يستحمل :ششش صافي ماشي غير نگولك جوج كلمات تبداي تبكي
رؤيا:بعد مني انا مكنبكيش نتا لي قصحتيني (وهي شادا فخصرها
ياسين:بفف صافي سمحي ليا يالله (هبط جيهت خصرها باسها )دابا مزيان
رؤيا وجهها حمر وقلبها كيضرب فاش باسها
ياسين:(قربها لعندو  حتا تخالطو انفسهم )رؤيا اخر مرة تگولي هاكا ولو بضحك ...نتي ديالي بحدي  ..الملك ديالي انا ومعمري غادي نسمح لشي حد يبعدك عليا ..حتا نتي بنفسك مغاديش نسمح ليك تبعديني عليك ....كتفهمي