رؤيا

الجزء 48

بقاو مدة فالعرس كانت اجواء زوينة  ورؤيا كتشوف ياسين لي باغي يجي ولكن غير مرة كتشدو الصحافة.  مرة الناس لي كيشغلوه ..وفكما كيبغي يجي كتلاها مع الناس حيت ميقدرش يجي يشوهها  بالخصوص حتا وليديها كانو تما

عاصم:كيبان ليا وقيلا برد  شوية ...انا خصني ندير اتصال ضروري نخليك
رؤيا:اه واخا

بعدما مشا عاصم لمدة 5 دقائق تم راجع ووقف حداها

عاصم:باقا فأمان
رؤيا:هههه وياه
ياسين(شدها من خصرها وجرها حتا لصقات معاه وكيهضر شوية ):غادي تزيدي دابا معايا بلا منشوه مك هنا
رؤيا(مصدومة معرفاتو امتا جا):ياسين....عافاك ماشي دابا
ياسين(كيهضر ببرود وهو النار شاعلا فيه):غير زيدي قدامي نوريك جايبك بلبسة وتهبطي ليا بنصك معري .. دابا زيدي معايا بلا شوهة
رؤيا(كتشوف فعاصم)
عاصم:ياسين ماشي وقت هادشي
ياسين:عااصم مدخلش
ياسين(جار رؤيا): ليوم نعاود لمك  التربية  نشوفو هاد قصوحية راس واش غادي تبقا ديك الساعة ولالا
رؤيا:ياسين عافاك ماشي وقتها ..
ياسين:انا لي غادي نقرر واش وقتها ولالا ..كتعرفي غا تخلي مي معصب ...كيعجبك الحال

غير دخلو لبيت كاين تما رضخها مع الناموسية

ياسين:عاجبك توري صدرك وفخاضك ...باغا ترجعي لعادتك القديمة ..اش كنبان ليك انا قدامك ز***
رؤيا(مقصحة):ياسين باراك او شنو فيها گاع
ياسين:انا نوري لمك اش فيها

رؤيا معرفات دقة منين جاتها فجيهة راسها .. وشعرها كامل كتحس بيه قرب يتنصل من بلاصتو تما زادت تعصبات

رؤيا(معصبة  وكدفع فيه):اخر مرة تقيصني الكلب ... كنگولك متقيصنيش ..معندكش الحق (صرفقاتو)

ياسين تما معقلش عليها ومعقلش حتا على راسو شنو كيدير  اما رؤيا فطاحت ليه بين يديه سخفات لأنها كانت كتحس غير بضربات كيجيوها من كل جيهة  عيا ميحاول يفيقها وفالأخر خرج كيقلب على لما   باش يفيقها ...

عاصم(جاي جيهت ياسين لي لقاه خرج كيقلب على الما):ياسين مالك شنو واقع
ياسين(بخوف):قلب ليا على الما رؤيا سخفات
عاصم:ناري ا صحبي هاد العصبية الزايدة ديالك غادي تقتل البنت

ياسين كيشوف جيهة الناس تما  فلحظة لمح وجه منصف كيضحك   وشاد فيديه سنسلة كيوريها لياسين ودار ليه حركة بيديه (👎)..بقا مصدوم محيلتو لرؤيا لي حالتها هكاك محيلتو لمنصف ...داخت بيه الدنيا وكيتمنى داك الشي لي فبالو ميكونش وقع

ياسين:منصف ..لا ميمكنش
عاصم:دوي ا صحبي اش واقع 
ياسين(غادي راجع كيجري لبيت):رؤيا ....لا ميمكنش (بدا كيهرس فأي حاجة جات قدامو)
عاصم:ياسين...اش واقع  ..ماشي دكشي لي فبالي ياك ...يالله كنتي معاها دابا شنو طرا

ياسين خرج كيجري . ولي گارد حتا حد  مقشع شي حاجة  وخا كانو حاطين لى گارد فجميع البلايص فداك القصر لي فيه العرس وحتا من   الزنقة و الشوارع لي قريبة ...

عاصم(راجع كيجري عندو ):منصف دارها تاني ...شنو غادي نديرو دابا
ياسين( واقف وسط الشارع معصب وتالف ):غادي نقتلو غير بلاتي .. (زدح يدو حتا ولات كاملة دم)

عاصم :ياسين ياك كنتي داير ليها GPS فالخاتم لي وريتيني ...يعني سهالت علينا
ياسين(كيتفكر هدرتها فاش كانت معاه وكيحاول يهدن راسو):مزال معطيتوش ليها ....معطيتوش ليها كنت باغي حتا نكون انا وياها ونعطيه ليها
عاصم(كيحاول يهدنو):صافي ا صحبي غير رتاح غادي نجيبوه وغادي يتربا مزيان

ياسين بعدما دخل رجع لبيت كيبان ليه دنيا خاوية ..يالله كانت معاه دابا وهاهو دابا مقادرش حتا يلقاها .......

عاصم:ياسين ....لقيت شي حاجة..اجي معايا

ياسين كان كيشوف سجلات وبانت فيها لقطة فيها شي جوج مخرجين زربية من نفس لبيت لي كانو فيه و خرجوها داوها فواحد اللوطو كبيرة

ياسين(بالغوات):غادي نقتلك ا منصف .. غادي نجيبك بين يدي طوال الزمان ولا قصار  نوريك شنو هي تقرب لمراتي
سيف الدين(من موراهم):شنو طاري هنا ...شنو واقع
ياسين(معرف ميگول )
عاصم:سي سيف الدين مواقع والو
سيف الدين(كيغوت):شنو واقع لبنتي اش طاري
عاصم(عاود ليه كلشي من الأول)
سيف الدين(كيهدد ياسين):غير ترجع بنتي معمرك ترجع تقرب ليها ولا تحلم تشوفها مرة اخرى  ....كنحذرك(ومشا كيدير اتصالاتو حيت حتا هو عندو معارفو الخاصة)

ياسين حس بالدنيا دارت بيه  معرف ميدير من غير گلس كيفكر

عاصم:ياسين ماشي وقتها دابا ..لمهم هو نلقاو رؤيا ...هوما عارفين انها نقطة ضعفك ...متحاولش ضعف ..معندو فين يتخبى كون هاني نجيبوه فنهارو

ياسين خرج نيشان كسيرا تلاقا مع شخص معروف فالمخابرات لي يقدر يفيدو فشي حاجة وعلى الأقل يجيب ليه راس الخيط