رؤيا

الجزء 49

#######بعد 4ايام######
ياسين باقي كيقلب على رؤيا ليل ونهار مزال مقدر يلقا والو ...عاصم داير كثر من جهدو باش على الاقل يقدر يدير شي حاجة ينفع بيها صاحبو ويريحو حيت حالتو غادا وكتدهور .....وكاين ناس اخرين لي مكلفين باش يلقاو رؤيا ولكن مزال حتا حاجة ملقاوها فحال إيلا تشقات الارض وبلعتهم ...

نمشيو لعند ياسين لي متكي فبيتو فبالو حاجة وحدة هي رؤيا وشنو واقع ليها ..ماقادرش يتخيل راسو بلا بيها...الغيرة والخوف والحقد كلشي مجموع عليه فدقة وحدة ...

عاصم(دخل عليه):ياسين ....كول شوية راه طاقتك غادي تمشي قبل متلقا رؤيا
ياسين(گالس فوق نفسو):مغادي يهنا لي لبال حتا نلقا رؤيا .... ياويلو ويقيس منها شعرة وحدة نقتلو بيدي ....
عاصم:ياسين هاد العصبية دابا مغادي تنفعنا فوالو ...حاول تفكر بعقلك ...دابا المهم هو نجبدوه
ياسين:مقادرش نخليها مع شي حد فحال هاداك...الله يقطع هاد اليدين لي قدرو يقيسوها ..انا لي هاد العصبية غادي تخرج علي ...
عاصم(شاد فيه):...ياسين كالم اصحبي ...غادي نرجعوها كنواعدك ....راه التوتر ديالك هو لي ممخليك دير والو ...انا عارفك تقدر تجيبها حداك من دابا
ياسين(كيفكر فهدرت عاصم حتا وصلو مساج خلاه يتعصب ):غادي نقتلك امنصف....غادي نخليك تندم على حياتك

كان مساج عبارة على صورة فيها رؤيا گالسة فطابلة طويلة فحال ايلا كاينة فشي قصر ...محطوطة قدامها الماكلة ومنصف مصور معاها سيلفي وكيضحك وهي گالسة مدايرة حتا ردة فعل ولكن باقي فيها جروح جيهة فمها و وجهها فيه ضرابي من اخر مرة دابزات مع ياسين و مساج مكتوب فيه :ايلا مقدرتيش تحافظ عليها فأنا نقدر ...عمرك تحلم تشوفها حيت ولات ديالي ولكن متخافش مغاديش نضربها كيف درتي

ياسين دخل لمكتب ديالو معصب حالف حتا يلقاه ..

نرجعو شوية لور نشوفو شنو وقع لرؤيا بالظبط داك النهار

منصف واقف فوسط صالون كبير حتا جابو ليه زربية كانو لاويين فيها رؤيا
منصف(معصب):الله ينعا لي مخدمكم ...خليتوها مخنوقة هنا
الشخص:سمح لينا ا سيدي غير ....
منصف(ضربو بسلاح لرجلو ):هادي باش تعلم دير خدمتك مقادا وبلا قوة الهدرة
شخص مجهول :هاهي دابا بين يديك ....دكشي لي تافقنا عليه فين هو
منصف(مد ليه ڤاليز كبيرة):هاهي.... دابا مبقا بيناتنا والو
شخص مجهول (كيشوف فرؤيا):ولكن غير عرف تخبا مزيان انا نظفت اي حاجة موراك..ولكن ياسين مستحيل يخليك بهاد السهولة ...زائد مستحيل يخلي ليك هاد الملاك كامل ..
منصف (شنق عليه): انا كنت كنبغيها قبل ميعرفها هو ...وفأقرب وقت مغاديش تبقا شي حاجة سميتها ياسين فالدنيا ...ودابا غبر عليا ومنشوفش وجهك حتا نبغيك
الشخص :اوكي مگلتي غير الموجود (ومشا )

رؤيا (كتفيق)
منصف(كيقيس ليها فشعرها):صباح النور الغزالة ..توحشتك
رؤيا(ناضت مخلوعة ):..فين انا ..شنو كدير نتا هنا
منصف(كيضحك):متحتاجيش تسولي
رؤيا(مخلوعة):خليني نمشي فحالي
منصف(مقرب ليها):نونو بلا متحلمي ..مغاديش نخليك تمشي عند داك الوحش ديال راجلك...بين يدي غادي تكوني مرتاحة كتر ..مغاديش نأذيك كنواعدك
رؤيا(كتفكر اهر حاجة وقعات):مغادي نكون لا بين ايديك لا بين ايديه ...فرقوني عليكم وخليوني نعيش مرتاحة ...عييت (كتغوت)
منصف(خاشي يديه فجيابو وضاير لجيهة اخرى):لا راك غالطة ...من دابا كاين غير انا ونتي 
رؤيا (كتشوف فجنابها كيبانو ليها قوة لي گارد  معندها كيف دير)
منصف:بلا متحاولي لا نتي تقدري تهربي ..لا ياسين يقدر يجي يعاونك ...وقريب شي حاجة سميتها ياسين مغاديش تبقا نهائيا
رؤيا(مصدومة من هدرتو)
منصف:ههههههه مفاجأة زوينة ياك.....دابا اجي ترتاحي فبيتك راه باقي لحال
رؤيا(غادي بيها منصف وهي غير تابعاه مصدومة)