رؤيا

الجزء 17

امين من بعد موصلاتو خبار رؤيا رجع بيه الزمان اللور تفكر ختو الصغيرة
Flash back
ملاك  21 سنة  كانت اسم  على مسمى ..بيضة بزاف ،شعرها زعر ،عينيها زرقين ..توفات ماماها نهار ولدتها ...دوزات حياتها كاملة بين جدران القصر .بحكم انها  كانت مريضة بالقلب .. ...كان عزيز عليها ترسم ..اغلب وقتها كتقضيه وسط الورشة ...امين خوها الكبير ..مكان كيخليها ناقصها والو .عزيزة عليه بزاف ...كانت كتبغي ولد خالتها ..العلاقة بيناتهم كانت زوينة بزاف  .. بالظبط نهار عرسها ..كانت كتوجد باش تهبط لعند العدول ..مكانت قاداها فرحة ...حتا لقات راسها فوسط شي ديپو ..تغتاصبات بأبشع الطرق ...وجابوها لباب القصر ورماوها .مع رسائل التهديد مكتوبين فوق لحمها..واخا معندها حتا ذنب ..ولكن الأعداء ديال باها مكيعرفوش هادشي ...واخا داوات وقدرو ينقدوها الى انها مقدراتش تستحمل دكشي لي طرا ليها ...مقدارتش تكمل فالمصح النفسي لأن الصدمة كانت قوا منها .....قلبها مقدرش يستحمل كتر ....حتى ماتت

نهاية flash back

امين نزلات من عينو دمعة  حارة من عينو فاش طاح ليه مشهد ديالها فاش تلاوحات من اللوطو ومشا كيجري  .،لقاها بديك الحالة كانت كترجف بين ايديه  ..تفكر كيف كانت كتخاف من اي شخص غريب عليها فاش كانت فالمصحة ... الا هو لي كانت كتخشا فيه وكتزير عليه  ..كان كيتفرق معاهت غير بالمهدئ
تفكر رؤيا لي كانت كتشبه لملاك ختو فكلشي ....من بعد ماسمع گاع دكشي لي طرا ليها  بقا كيفكر حتا داتو عينيه

صبح الصباح 
امين اول حاجا دارها هي مشا المصحة يشوف رؤيا ..حاس براسو كأنه غادي يشوف ختو لي ماتت هادا شحال ...
الممرضة خارجة من البيت كتجري :جيبو المهدئ دغيا
امين :اش واقع
الممرضة :سمح ليا ا سي امين راه لمريضة رجعات ليها نفس الحالة 
امين:واش رؤيا
الممرضة:اه ا سيدي
امين دخل كيطل عليها لقاها حالتها حالة يديها كاملين مجروحين .بزز باش حبسات من بعد مادگو ليها الإبرة باش تكالما  ..بقا جالس حداها فالغرفة كيتأمل تقاسيم وجهها  .وفيديها لي مجروحين ومغروسة فيهم سلسلة صغيرة (كانت هدية من ياسين) بقا كيقرب ليها كحيدها ليها من يديها وداوا ليها جروحها   .سمع الممرضة كتمنع فواليديها باش يدخلو حيت ناعسة
ريماس كتبكي :سيف الدين عييت والله مبقيتش قادرة نشوفها هاكا ...بغيت بنتي ترجع كيف كانت .بغيتها ترجع لينا وضحك معانا كيف ديما ..
سيف الدين(عينيه فيه الدموع):مكتاب ا ريماس  معندنا منديرو ..خاصنا ندعيو معاها ..اكيد غادي يجي نهار وتنسى  ميمكنش تبقى هكا ..دابا تشوفي
ريماس : بنتي عمرها ادات شي واحد ..عمرها فكرات حتا فيها ..سيف الدين بغيت بنتي ترجع ليا كيف كانت .نفطرو مجموعين كيف ديما وهي كتضحك علينا ...
هادشي كامل داز على مسمع أمين
بقا  گالس حتا حس بيها فاقت بقات كتشوف فيه
رؤيا:نتا شكون ..شنو كدير هنا
امين :مكتشوفيش راسك زدتي فيه ..معيتيش من هاد الحالة حتا لإمتى ناوية تبقاي هاكا. .حياتك كاملة  مثلا ..
رؤيا تمات غادة خارجة حتا جرها جيهت لمرايا لي كاينة تما :شتي كيف وليتي....واش هادي هي رؤيا بي فهاد التصاور (كيشير ليها على تيلي ديالو فيه تصويرتها)
واش مكتشوفيش راسك ..حتا لاين ناوية ضيعي فحياتك
(جارها لجيهت الشرجم)كتشوفي فهادوك لي گالسين تما ...هادوك ماماك و باباك ..شتي شحال كتبان فيهم عيانين بزاف ..واش كتشوفي ماماك لي ديما كتبكي عليك ليل ونهار وكتعذب كتر وكتر ....واش نتي راضية على واليديك فهاد الحالة  كيشوفو بنتهم الوحيدة كتعذب بحال هكا ..هاد ياسين گاع يستحق ديري هادشي كامل على قبلو ..هو صافي مشا ومغاديش يرجع ..دخليها لهاد الراس مشا يبني حياتو فبلاصة اخرى  ..واش غادي تدفني روحك غير حيت مشا ..مبقاوش فيك واليديك لي جاراهم معاك فهاد الدوامة ..ولا ياكما ناوية تبقاي حياتك كاملة هاكا ...فيقي شوية ورجعي كملي حياتك كيف كانت ..الحياة مفيهاش غير الحب فيها بزاف ديال الحوايج ..نتي باقا صغيرة ..واش نسيتي قرايتك لي ضيعتيها ..بل حلمك كان  ...فيقي شوية ا رؤيا عافاك....وسيري فرحي واليديك ولو غير بخبار زوينة من بعد هاد المدة كاملة
رؤيا اول مرة من بعد مدة طويلة كتهبط الدموع ..وكتشوف راسها انها ضيعات نفسها بزاف فوسط ديك الدوامة  ..وضيعات معاها حتا واليديها ...سمحات لنفسها انها تسجن فوسط هاد المصحة بعدما كانت فحال شي طائر ..كتعشق الحرية