رؤيا

الجزء 51

بعد يومان ..بعدما قادو امورهم كاملة  واخا كانت رؤيا مريضة بزاف ..حيت من بعد دكشي لي طرا فقدات قوتها كاملة واخا كانت كتبان عادي فالأول مي كلشي رجع عليها فالأخر ... انطالقو جيهت المغرب ..غير وصلو للقصر لقاو كلشي مجموع تما..بعدما ساقو الخبار على شنو وقع لرؤيا ولكن الاهم من هادشي كامل كتسناهم مفاجأة لي غادي تصدمهم
ريماس :سيف الدين واش متأكد من هادشي لي غادي دير مستحيل يخليك ياسين
سيف الدين(معصب):هادي هدرتي الأخرة ...وياسين انا غادي نعرف ليه

لوطو كانت داخلة خرج منها ياسين و رؤيا وعاصم

ياسين(شاد رؤيا):رؤيا ...واش باقي كتحسي براسك عيانة
رؤيا :لا غير شوية  نرتاح وصافي
ياسين:وجهك معاجبنيش ..خليني نجيب ليك شي طبيب
رؤيا:لا ا ياسين بلاش خليني غير نرتاح

ياسمين و نسرين (كيعنقو فرؤيا ):توحشناك اصحبتي
رؤيا:ههه موقع والو انا بخير
ياسمين:رؤيا ....شنو عندك ..مالكي فهاد الحالة
رؤيا:لا غير ....
سيف الدين(جا عنقها):بنتي خلعتينا عليك
ريماس (حتا هي عنقتها):توحشتك ابنتي ...شنو وقع ليك مالك وليتي هكا
سيف الدين(كيشوف فوجها لي كامل ذابل و حتا صحتها نقصات تفكرها فاش كانت فالمستشفى كانت اصعب ايامهم  ...كانت غادي تنزل دمعة من عينو حتا حبسها ): بنتي وجدي راسك غادي نديك معايا
رؤيا( لمحات ديك الدمعة):بابا مالك انا بيخير
سيف الدين(معصب) :رؤيا  بنتي  مغاديش نخليك دقيقة وحدة هنا ...
رؤيا:ولكن ابابا
ريماس (غوتات عليها):هاد الدار هي لي مغاديش تبقاي فيها ...ولفتي عيشة الذل ..هادشي علاش مربياك انا هااا .... ايلا ابنتي مزال مقادراش تفرضي كرامتك ونفسك ..من الأحسن تبقاي فدار باك ...
ياسين(كان جاي حتا تصدم):...كيفاش ....ايلا نسيتو نفكركم هادي مرتي ...ومغادي تحرك حتا بلاصة
سيف الدين (واقف قدام ياسين):وهادي بنتي و ايلا گلت غادي تجي معايا هي غادي تجي ....وبنتي مغاديش تبقا مع واحد فحالك ...يحبسها ويضربها بإسم الحب  ومن فوق هادشي كامل عندو اعداء
ياسين(معصب وعروقو خارجين ):هاد الهدرة مغاديش تنفع معايا ..مرتي دارها هي هادي ومغاديش تحرك منها  وايلا قدرتي تخرجها من هاد الدار خرجها .
سيف الدين (ضرب ياسين لجيهة وجهو ):سمعني نگولك ...اياك تقرب لبنتي ولا نقتلك بيدي ...ريماس طلعي رؤيا ....
ريماس (شادا رؤيا لي مريضة):يالله ابنتي باراك من هاد الذل
ياسين(معصب):رؤياا ....
رؤيا(كتشوف فيه مخلوعة وكتبكي حيت بصح هدرت ماماها كلها صحيحة )
ريماس(شادا ليها لباب ديال لوطو) :بنتي دخلي
ياسين(جا جر رؤيا من يديها):رؤيا ...طلعي لبيت خليني نفك المشكيل
رؤيا(كتشوف فماماها وباباها وعينيها دامعين):ياسين(حيدات ليه)انا وياك منصلاحوش لبعضياتنا .لحياة لي كنت باغا نعيش معاك ..بعيدة بزاف على هادشي ...بعيدة على العنف والصداع وعلى اي حاجة خايبة ..
ياسين(عينو دامعين ومعصب):واش عارفة ارؤيا اش كتگولي..... واش بعقلك كضني غادي نتخلا عليك  ....هادي لي عمري غادي نديرها
رؤيا(حابسة البكية):عييت ا ياسين عييت  من هاد المشاكيل ..بغيت نرتاح  ونعيش فحال الناس ....
ياسين(شاد ليها وجهها بين يديه وكيهضر خايف):رؤيا غادي ندير هاد الهدرة بحال ايلا مسمعتهاش ....خليك تمشي ترتاحي المدة لي بغيتي مغاديش نمنعك  .. ولكن اخرتها ترجعي ليا ..بين يدي ...كنواعدك نتحكم فعصبيتي ومعمري نزيد نحط عليك يدي ......ايلا الفراق ا رؤيا منقدش عليه (طاحت دمعة من عينو)
رؤيا(طلعات فلوطو وسدات عليها الباب وگالت  لشيفور يزيد )
ياسين(واقف مصدوم ومعرف ميدير كيشوف كلشي مدمر قدامو ..)
عاصم(شد ليه فكتفو):ياسين إنشاء الله  كلشي غادي يتحل مع الوقت
ياسين(منهار):صعيب ..صعيب يتحل ...انا لي عوض منحافظ على المرا لي كنبغي ...مرتي ولي كنت غادي نعيش معاها حياتي كاملة ....ذليتها واذيتها بقوة الغيرة والعصبية ديالي ...سمحات ليا حيت مشيت  رغم انها معارفة حتا حاجة من دكشي لي مريت بيه . وانا ذليتها وحبستها فحال ايلا معندها حتا شخصية ..والاكتر من هادشي كنت غادي نديها لأمريكا وفكما كتبغي تهدر معايا فهاد الموضوع كنتعصب وكتسكت ...
عاصم:ولكن اصحبي كنتي خايف عليها ...من داك..
ياسين(كارز على يدو): معرفتش نتصرف ا عاصم معرفتش ....عندها الحق ..الحب حاجة والزواج حاجة ...(وطلع فحالو الجناح ديالو )

عاصم(شاد وجهو ):مشكيل هادا تاني

المجموعة(شي كيشوف فشي ومقادرين يگولو والو )

امين: نسرين...سيري وصلي على رؤيا ...غادي تكون حالتها
نسرين(عينيها مدمعين):اه واخا انا نمشي عندها هاد النهار منقدرش نخليها بحدها
ياسمين:حتا انا تسنايني
امين:نسرين
نسرين:شنو مالك
امين:وياك تجبدي ليها ياسين فالهدرة
نسرين(شدات ليه فيديه):واخا متخافش ...الغلط مغاديش يتعاود ...رؤيا راه كتر من ختي واي قرار خداتو غادي نساندها فيه لا انا لا ياسمين
امين(باسها فراسها)

بعدما مشاو البنات ركبو فاللوطو ديال امين تبعو رؤيا اما الدراري فبقا  شي كيشوف فشي كلشي طرا بزربة حتا بانت ليهم هيليكوبتر نازلة .... وتم ياسين نازل طلع فيها

امين:عاصم ا صحبي شنو واقع

عاصم(مشا عند ياسين كيجري ):.واش حماقيتي  فين غادي ا صحبي ..بهاد السهولة غادي تستسلم
ياسين:عاصم مبقات حتا حاجة لي ترجع كيف كانت  ....انا غادي نخليك ...تكلف بطلاقي انا وياها وخليها ترجع حرة كيف كانت قبل ..انا مستحيل نخليها فرحانة
عاصم:واش كتسطا عليا ا ياسين واش حماقيتي  راه هاد شي لي كدير غلطة فغلطة
ياسين:الغلط لي غادي ندير هو لخليتها محبوسة معايا ...من الاحسن نصحح الغلط ديالي ونحررها 
عاصم:هادي هي كتبغيها وعمرك غادي تخلا عليها. ...نتا دابا راك كتخلى عليها  ا ياسين بهاد الطريقة .
ياسين:رؤيا غادي نبقا حياتي كاملة كنبغيها .....عاصم انا غادي نمشي نقاد شي امور ونرجع ..
عاصم(كيشوف فديك الهيليكوبتر كطلع) حتا مشات
امين:عاصم واش هادا تسطا
عاصم: مبقيت فاهم والو ..ولكن انا عارفو مستحيل يتخلا عليها ...غير معصب دابا