صبح صباح جديد ...ياسين كان ليل كامل وهو حاضي رؤيا ...ليل كامل وراسو خدام كيفكر شنو خاصو يدير
رؤيا فاقت كيبان ليها قدامها ياسين گالس ...بقات مدة كتشوف فيه وعينيهم ملاقيين ...ناضت دخلات اادوش غسلات وخرجات بدلات ....كانت كتمشى حداه وكتفكر كان التوتر باين علا وجهها ...ياسين كان ملاحظ هادشي ... جاها مساج :نشوفك دابا قدام المول.
رؤيا دغيا مشات كتلبس ...
ياسين:فين غادا
رؤيا(بتوتر):غادي نمشي للدار عند ماما
ياسين:وخا لي بغيتي ..انا غادي نمشي
ىؤيا:اه صافي
بسرعة منو باسها ومشا خلاها حايرة وسط افكارها لي مكيتسالاوش ها الأيامات
بعدما خرجت ركبات فاللوطو ديالها ومشات جيهت المول ...بان ليها منصف و رجالو كل وكيف مفرق باش ميتيروش الإنتباه
كلشي طرا تحت اعين ياسين لي حاضيها من بعيد ...مكانش يقدر يخليها حتا تخرج ويتبعها ...اكيد غادي يكونو مراقبينها ....كان وصا عاصم يجيب ليه جهاز تعقب ...وفاش كان غادي باسها و حطو ليها فجيبها بلا متعيق ...عاد بعد مدة قلب الطريق ومشا من جيهة اخرى بلا ميحسو بيه
دوز سيمانة وهو كيتعقبها ...اما رؤيا فكانت كتوجد باش تزوج حتا من ماماها وباباها جاهم هادشي مزروب ...ولكن معا الوجه لي كيبين منصف ..كان كيبان ليهم زوج مثالي لبنتهم وخا تعرفو عليه غير لمدة قصيرة ...رؤيا مكانتش باغا تشطن واليديها ...بغات تبين ليهم كلشي مزيان
عاصم:ياسين ...جبت ليك خبار مكتفرحش
ياسين: اش كاين تاني
عاصم: كنت معا الدراري ليوم و سمعتهم كيهضرو على شي خطبة
ياسين: وحنا مالنا ا صحبي
عاصم(بتردد):رؤيا هي لي تخطبات و غادي تزوج هاد السيمانة
ياسين(شانق علا عاصم):اش كتگول نتا منين جبتي هاد الهدرة هاا
عاصم: ياسين ..هاد الهدرة مجبتهاش من راسي ...داكشي لي گالو راني جيت گلتو ليك
ياسين مشا مزروب ..اول وجهة كانت قصر ديال والدين رؤيا .مكانش عارف راسو شنو كيدير ... دخل للقصر لي كانو فيه الأشغال كيوجدو للعرس ..سيف الدين بان ليه ياسين داخل
ياسين:كتبان فيك ممتفاجأش ..يعني عارفني جيت
سيف اادين: شنو كدير نتا هنا ..شنو جابك عندي
ياسين(معصب):خاصني نهضر مع رؤيا ...
سيف الدين:من الأحسن ليك بعد على بنتي ...هي كتعرف مصلاحتها مزيان ...وهي اختارت الشخص المناسب ...
ياسين(بنبرة تهديد):سمعني نگولك ..رؤيا ديالي انا مستحيل نخليها لحد اخر ..ديرها فراسك
سيف الدين:بنتي مستحيل تعاود تشوف فيك مزال بلا متحاول ...انا بعدت عليها اي حاجة كتخصك باش تكرهك فخطرا وحدة ....حتا دوك مجلات الإقتصاد لي كتبان فيهم بعدتهم عليها ...باش متحنش فيك ....نسا عليك بنتي حيت غادي تزيد تجرحها كتر ماهي مجروحة منك ومن افعالك....فعلا نتا انسان ناجح ومتفوق فخدمتك و اي واحد يتمناك لبنتو ....ولكن انا ماباغيش لي يجرح ليا بنتي ....ايلا كنتي كتبغيها بصح بعد من طريقها
ياسين خرج بلا ميجاوبو ...باها منع ياسين من بعد داك النهار يقرب لجيهتها نهائيا
(خطوبة نسرين و امين)
ياسمين:رؤيا مأكدة من قرارك...واش مأكدة. .من داك منصف
رؤيا(بإبتسامة مصطنعة):اه ا ياسمين مأكدة
ياسمين:لي بغيتي يلاه نهبطو لتحت
بعدما هبطو لبنات لتحت وهوما لابسين تكاشط
دازت الخطبة على اتم وجه ..لكن مالم يكن فالحسبان هو دخول ياسين المفاجأ ..
رؤيا:شنو كيدير ياسين هنا
نسرين:غادي يكونو عرضو عليه الدراري
رؤيا:انا خاصني نمشي
ياسمين:نتي باقا كتبغيه كتبان ليك فعينيك
رؤيا:اش كتخربقي ا ياسمين ...انا دابا مخطوبة و قريب غادي نتزوج ...
نسرين: هاد الهدرة گوليها لشي حد مكيعرفكش
ىؤيا:صافي ا نسرين ..بلا متزيدي عليا
ىؤيا:واش ناويين ديرو العقد اليوم
نسرين: اه ... نتي لي غادي تشهدي
رؤيا:اه واخا ماشي مشكل
رؤيا الوقت كامل وهي ساهية ..كتشوف حياتها فين غادة ...ايلا تزوجات بمنصف حياتها كاملة غادي ضيع و لكن ميمكنش تبني سعادتها على تعاسة ناس اخرين ....كيبان ليها ياسين قدامها ...كتشوف فيه بكل حزن ...ميمكنش تزيد تكذب على راسها ...هدرة ياسمين صحيحة ..هي مزال كتبغيه بل اكتر ...متقدرش تنساه ...كان هو اول شخص كيدخل لحياتها ...كيفاش تقدر تنساه وهي كل نهار كانت كتحلم بيه ...وديك المدة كاملة كانو ديما رجليها كيديوها لبلايص لي كانو كيمشيو ليها بجوج ...
رؤيا(كتهضر فنفسها): اه مزال كنبغيك ا ياسين ...عمري قدرت ننساك ...ولكن عمرنا غادي نقدرو نتلاقاو مرة اخرى ..للأسف القدر عندو رأي اخر ...متصورش شحال توحشتك ...منقدرش نزيد نهار اخر وانا كنشوفك ...كنضعف قدامك ...ولكن فات لفوت ...هادي هي دنيا .مرة ليك ومرة عليك ...مكرهتش نتيقك ونگولك سامحتك ا حبيبي ...ونعيشو حياتنا كيفما كنا كنتخيلوها بجوج...عييت وتهديت ...مبقاتش عندي القوة مزال لي نهدر بيها ولا ندير شي حاجة...عييت منحارب باش نساك ولكن فكما كنحاول كنزيد نتعلق بيك و نبغيك كتر ...عارفاك تبدلتي وليتي انسان اخر ...وليتي قاصح وقاسي كتر من قبل ...تما عرفت انك دزتي من محنة صعيبة ..وايلا مكنتيش غادي تبدل هاكا ...بغيت نگولك دابا خلينا نرجعو كيف كنا ولكن لا كبريائي لا ضروفي تسمح ليا نگولهالك ..غادي ندعي الله يلاقيني بيك فحياة اخرى احسن من هادي
إليك يا من احتوتك العيون
إليك يا من أعيش لأجله
إليك يا من طيفك يلاحقني
إليك يا من أرى صورتك في كل مكان في كتبي في أحلامي في صحوتي
إليك يا من يرتعش كياني من شدة حبّي لك
احبك
لست أعرف ما أشعر به ، وليس لدي ما أقوله لك . . ولكني مُنذ البارحة وأنا أشعر بحاجة لقول كلام طويل بلا معنى ولا مقصد ولكنّه مُتعب
أنت تقرأ
رؤيا
Romance♥♥ بقلمي ...مونيا لوباروس♥♥ ⛔⛔⛔لا احلل النشر بدون ذكر الإسم (رواية مغربية مكتملة) البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
