رؤيا

الجزء 32

عاصم:ياسين كالم  اصحبي لا كان هادشي موترك بلاش منو ..نرجعو فحالنا
ياسين(وجهو حمر ومعصب):مكاينة رجعة ايلا مديتش معايا رؤيا
عاصم:بعد هاد السنين كاملة ا صحبي راه مدة طويلة دازت مكنضنش انها تكون مزال مفكراك
ياسين: رؤيا ديالي مغاديش نخليها تكون لشي حد اخر
عاصم:وشكون ضمن ايك انها دابا ماشي معا شي حد اخر
ياسين(معصب و شانق علا عاصم):شكاتگول نتا. رؤيا انا اول حد دخل حياتها و غادي تبقا ديما ديالي بغات بالخاطر ولا بزز
عاصم:تهدن ا صحبي ،،نتا حر دير لي بغيتي ...

ياسين طلع لبيتو معصب دخل للدوش باش يهدن راسو مي خاصو ضاروري يمشي للعرس ديال احمد حيت متشوق يشوف رؤيا ومتشوق يشوفها كيف ولات اكيد غادي تكون ولات حسن ...هاد الافكاى كانت كاملة فبالو وهو كيدوش  ..مشا لبس حوايجو  كان طقم  كامل فالاسود ....خرج ب سيارتو ووصل لبلاصة  العرس ..هبط بكامل رجولتو و اناقتو ...انظار الصحافة كاملة عليه حيت حتا حد مكان متوقع يجي لعرس احمد بالظبط
دخل بمشيتو الرجولية وگاع البنات حاضيينو كيقلب على رؤيا بحدها حتا كتبان ليه داخلة معا العروسة كتمشى بكل انوثة لابسة كسوة فالازرق انوتثها زادت طغات كتر وكتر ....ولات انثى بما تحمله الكلمة من معنى ..بقا متبعها بعينيه وهو معصب من ديك اللبسة و بالخصوص فاش بدات تشطح بيها ...محسش براسو حتا داوه رجليه وسط الناس لي كيرقصو ..و بخفة  دخل وخدا بلاصة الشخص التاني لي غادي يرقص معاها وشدها بين ايديه ....رجفات نفس الرجفة بين ايديه مقدراتش طلع عينيها.   عرفها خايفة لاتشوفو ...مقدرش يزيد يستحمل مزال فاش شافت فيه بعينيها  ....دوك العينين لي توحش يشوفهم ...بسرعة منها قدرات تفلت منو ....ولكن حركاتها كاملين عطاوه امل جديد انه مزال ساكن قلبها
كان باغي يتبعها حتا شدو عاصم:..بلاش من الاحسن بلا متبعها خليها علا خاطرها
ياسين:حذرتها متعاودش تلبس هكاك وهي كدير غير لي فراسها
عاصم: واش هاذيك رؤيا مأكد ...ممتيقش انها غادي تكون بهاد الجمال كامل
ياسين (معصب):عااااصم
عاصم:...صافي ا صحبي غير ضاحك ....ياه شحال مغيار

ياسين من ديك اللحظة وهو متبعها من بعيد ....من بعد داك النهار وهو فينما كتمشي كتلقاه قدامها ...كانت رافضة تسمع ليه ....وهو عصبيتو زايدة و مكيقدرش يدوز ليها استفزازها مرور الكرام  مكيقدرش يتحكم فعصبيتو قدامها .... 

    
                   نهاية ###flash back####

منصف:الزوينة هاني جيت ...شنو قررتي
رؤيا:صافي انا موافقة....ولكن مبغيت حتا حد فعائلتي يعرف انني تزوجت بهاد الطريقة
منصف(كيضحك):ههه لا متخافيش غادي نتزوجو على اتم وجه ا حبيبة .....يلاه وجدي راسك  باش تخرجي

منصف بعدما وصل رؤيا للدار ....فنفس الوقت كان ياسين كيقلب عليها ولكن تفاجأ فاش رجالو علموه بيلا رجعات

ياسين:رؤيا حلي هاد الباب ولا غادي نهرسو
رؤيا:شنو اش واقع ا ياسين ...
ياسين(كيقيس ليها فوجهها ):وقع ليك شي حاجة
رؤيا(تفكرات شنو گال ليها منصف على ياسين مع وحدة اخرى ):معندي ميوقع ليا ....شنو بغيتي تاني
ياسين(معصب):ىؤيااا راني عارف شنو واقع ليك ...دوي معايا شكون هادوك لي داوك معاهم
رؤيا(داخلة وهو تابعها):معندي منگولك ...ماشي سوقك
ياسين(جرها مزير عليها):كيفاش ماشي سوقي ..  اي حاجة كتخصك كتخصني ......شكون هادوك زو****لي داوك معاهمم ....شنو وقع ليك عاودي ليا
رؤيا(ودموع فعينيها):شحال من مرة غادي نگولك متبقاش تابعني ..صافي بعد مني مبقيتش باغا نشوفك
ياسين(معصب):عمري غادي نتفرق معاك ا رؤيا دخليها لهاد الراس ...
رؤيا(كتبكي):كيف كنتي غابر شحال هادي رجع فحالك .....ورجع حتا عند هاديك لي مشيتي على قبلها
ياسين(مزير عليهها ومعصب): اش كتخربقي ا رؤيا  اينا بنت .. شكون كيدخل ليك هاد الهضرة لراسك
رؤيا(كتحاول تنصل منو):بعد مني .  طلقني
ياسين:رؤياااا تهدني ..شنو واقع مالكي
رؤيا: ما مالي والو ....(كتبكي) مامالي والو سير فحالك ا ياسين ...سير عافاك (كتبكي و دموعها شلال بين عينيها)

ياسين لأول مرة كيشوفها هكاك تخلع عليها .... فلحظة ضعف عنقاتو و خشات راسها فصدرو كتبكي ....حسات كأن گاع احلامها تبخرو فلحظة وحدة  وكان الملجأ الوحيد قدامها ديك الساعة هو ياسين
ياسين(مخلوع وكيمسح ليها على راسها بحنية):شش بشوية عليك تهدني شنو واقع   واش دارو ليك شي حاجة
رؤيا(باقا معنقاه..وكتبكي بااجهد): لا ...بقا معايا متخلينيش بحدي ..انا خايفة
ياسين:واخا غادي نبقا معاك ..مغاديش نخليك ...شش تهدني انا معاك

رؤيا بقات بين يدين ياسين حتا عيات ونعسات ....اما ياسين فهو معصب لأنه مقدر يعرف منها والو ....كيشك ان الوحش عندو علاقة بهادشي لأنه مستحيل شي حد يقدر يقرب لرؤيا من غيرو ...
عاصم:هاني ا صحبي وصلت ..حل الباب
ياسين: زيد دخل
عاصم:شنو واقع ...كيفاش رؤيا رجعات بهاد السهولة
ياسين(معصب):اكيد هددوها بشي حاجة وايلا مكانوش غادي يطلقوها هاكا
عاصم:فين هي دابا
ياسين: راهي لفوق ناعسة ....
عاصم(بتردد):عنداك يكونو قاسوها ولا دارو ليها شي حاجة
ياسين(معصب )كون داروها كون قتلتهم كاملين بواحد بواحد ....مي هوما غاراضهم حاجة اخرى ..قريب غادي نعرف باش هددوها ...حيت انا كنعرف رؤيا مزيان مستحيل تگولينا شنو واقع ...اكيد هي خايفة من شي حاجة
ياسين:هاد الأيام بغيتك تكلف شي حد يحضي تحركاتها كاملين ...نبغي اي حاجة توصلني
عاصم:اه واخا انا غادي نكلف شي حد....