♥♥ بقلمي ...مونيا لوباروس♥♥
⛔⛔⛔لا احلل النشر بدون ذكر الإسم
(رواية مغربية مكتملة)
البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
بعد ايام قليلة كانت رجعات لحياتها العادية بعدما ولات صحتها مزيانة ..وخا كان اصعب ايامها فاش وصل ليها عاصم ورقة طلاقها نهارت قدامو بالبكا وهي شادا الورقة ولكن حاولات تماسك راسها ....رجعات حلات الورشة ديالها وكملات مشاريعها وبالأخص المشروع لي كانت خدامة عليه هي وامين لي هو مستشفى متعدد التخصصات .بزز باش قدرات تجمع قوتها وتعاود اي حاجة من جديد ..مع انها كانت كتبان قوية ولكن من داخلها كانت منكاسرة وحزينة ...كتحاول تصنع القوة فالصباح وفالليل قوتها كتنهار كليا ..نهار على نهار وشهر على شهر حتا كمل عام والزيادة. ..والجرح بدا بشوية بشوية كيداوا ...رؤيا من داك النهار مشافت ياسين ولكن باقي فبالها وديما صورتو بين عينيها كتحاول تلاهي راسها بالخدمة والسفر مرة مرة ... وحتا البنات واقفين معاها وممخليينهاش بحدها
###صبح صباح جديد فحياة رؤيا ..كان الجو صيفي بإمتياز ...بداية شهر يونيو ....فاقت هبطات لتحت لقات الفطور وجداتو ليها كريمة حيت رؤيا فاش رجعات تعيش فدارها جات معاها كريمة للدار باش تعيش معاها ....
رؤيا(بإبتسامة): صباح النور كريمة:صباح الخير ابنتي ..كيف صبحتي مزيان رؤيا:حمد لله كيف العادة ونتي بنتي ليا لبارح عيانة كريمة :حمد لله ابنتي غير كنت وقفت فالشمس بزاف ...اه راه وصلاتك شي حاجة فالصباح..انا نجيبها ليك رؤيا(كتسمع صونيط فالباب):اه واخا جيبيها انا غادي نشوف شكون جا البنات(داخلين هاجمين):عيد ميلاد سعييييد رؤيا:ههههه صباح النور بعدا ... ياسمين:وغير تفكرناك جينا نيشان عندك هادي هي مرحبا رؤيا:ههه دخلو..مرحبا الدار داركم نسرين:هاي هاي الناس يالله كيفطرو ...صراحة واخا فطرت باقي في الجوع رؤيا:يخخ على قاعيدة ..گلسي تفطري هههه ياسمين:صراحة حتا انا في جوع رؤيا:هههه گلسي هاهو كلشي كاين ...فين هو سهيل(ولد ياسمين) ياسمين:مجبتوش خليتو مع احمد ليوم رؤيا:اه اوكيي ههه كريمة (حطات كرطونة فالأبيض):هاهي ابنتي لي گتليك رؤيا(حطاتها كتحل فيها) ياسمين(كطل ):مم الناس ديال الكادوات نسرين:اوو زوينة هاد السلسلة عمرني شفت فحال هاد الشكل ياسمين:وااو انا بعدا حمقتني..... نسرين(شادا ورقة زرقا مكتوب فيها happy birthday) من عندمن هادي ممكتوباش سمية رؤيا:معرفتش ولكن السلسلة زوينة (ودارتها فعنقها) ياسمين:هههه هادا باينة شي معجب من هادوك لي كانو كيسيفطو ليك قوة الكادوات عقلتي نسرين:هههه وياه كنا كنبقاو نستفو فيهم النهار كامل رؤيا:ههه معرف ....شنو بان ليكم نخرجو نتساراو هاد النهار فحال شحال هادي نسرين:ايه واخا مرحبا ياسمين:حتا انا والله مكرهت رؤيا(كضحك):انا غادي نطلع نلبس علي شي حاجة وهاني معاكم 😉
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
بعدما لبسات عليها هبطات لقاتهم خرجو برا كيتسناوها ركبات فاللوطو ديالها وركبو معاها غادين ورافعين صوت الموسيقى فحال شحال هادي ..وكيغنيو ....اول حاجة دارو مشاو للمول ...كيدخلو من بلاصة لبلاصة ..من بعد مشاو يتغداو وخا كسرو الدنيا بصداعهم ياسمين:دابا شنو بان ليك نسافرو مجموعين ولالا رؤيا:ممم فكرة مزيانة ولكن راه نتي عندك وليد صغير كيف غادي ديري ليه ياسمين:لا راه گلنا نسافرو كاملين حتا من نسرين غادي يكون معاها امين نسرين:واخا الصراحة انا كنت باغيا نسافرو غير حنا فحال ديك المرة. .ولكن ماشي مشكل هاد ختنا عندها البرهوش صغير ياسمين(قرصتها):هاداك سميتو سهيل ماشي برهوش نسرين:احح ناري يديك شحال مسمومين إخخ رؤيا:هههه صافي حتا هاكا مزيانة ..نمشيو نفوجو كاملين معنديش مشكل ياسمين(غمزات نسرين ) رؤيا:(كتشوف فيهم ):شنو مالكم نسرين:والو....لبنات يالله انا قنطت هنا
بعدما البنات خرجو مشاو تساراو شوية حتا ضلام الحال و مشاو لجيهة قصر واليدين رؤيا ..حيت عيطت عليها ريماس
رؤيا(داخلة):مال الدنيا مظلمة هكا شنو كاين.
حتا كتفاجآ باغنية عيد ميلاد مطلوقة و بزاف ديال الورود طاحو من الفوق وكلشي مجموع
امين(كيعنق فرؤيا):الشارفة عيد ميلاد سعيد رؤيا(ضربات):شارف هو نتا ههه ياسمين(عطاتها كادو):عيد ميلاد سعيد رؤيا(عنقاتها):شكرااا يخليكم ليا ...دكشي لاش كنتو كتغامزو قبيلة نسرين(مدات ليها الكادو):اووف عرفتي شحال فمي ضرني باش نگولها ليك راه هاد الزمرة لي كتسكتني رؤيا:ههههه وباز فمك كياكلك سيف الدين:وهادي هي نسرين عمرها تبدل ....عيد ميلاد سعيد عليك ابنتي كل عام ونتي فرحانة وكل عام نجاح على نجاح رؤيا(باستو فحنكو):وكل عام ونتوما معايا ريماس(عطاتها الكادو) رؤيا:اووو هادشي كبير شنو فيه ريماس :حتا تكوني بحدك وتحليه
بعدما قطعو الحلوة گلسو سهرانين مع بعضياتهم وتافقو على السفر ديالهم لتركيا
امين:نسرين يالله نتحركو فيا النعاس نسرين:نوو ليوم ناويين نباتو مع رؤيا ... امين:يااااك هي دابا غادي تخليني نعس بحدي نسرين(كضحك عليه):وراك كبير الخواف ...وحنا فحل عيد ميلاد اي وحدة فينا كنباتو مع بعضياتنا ..مغاديش تخسر لينا القاعيدة امين:ياك الالة واخا ...دابا نردها ليك نسرين(خرجات ليه لسانها)
غير سالاو السهرة خرجو مشاو بااتو مع رؤيا ..كان سهرة طويلة تفرجو ففيلم و دوزو الليل ضحك ونشطو مع بعضياتهم حتا من سهيل كان معاهم حيت ضروري يبات معا ياسمين ....الليل كامل حتا هو سهران معاهم وكيضحك حيت كيشوفهم كيضحكو ..وخا مفاهم والو
####صبح الصباح كل ومجبد فجيه رؤيا ونسرين مرمين فوق الناموسية و ياسمين جابت ناموسية من بيت اخر ونعسات فيها هي وولدها .... فاقت رؤيا هي الاولة لقاتهم كل وفين ملاوح جابو ليها الضحكة ...دخلات دوشات وخرجات صلات صلاتها وهبطات كتعاون كريمة فالفطور وعقلها فقنت اخر
ياسمين:صباح النور...الله ريحت الفطور شحال زوينة رؤيا :صباح الخير ...نسرين مزال مفاقتش ياسمين:مزال لا هي لا سهيل....غادي يخرج نعاس فحالها رؤيا:ههههه كيشبه لخالتو...لبارح بقا سهران ياسمين:هههه مسكتش من الضحك ..بزز باش نعس رؤيا:شنو بان ليك نمشيو نفيقوهم ياسمين:ههههه مزيانة هادي
طلعو كيجريو لقاو سهيل فاق و كيلعب بلاصتو ...اما نسرين فملاوحة فالناموسية كاملة تلاحو عليها حتا ناضت مخلوعة ....بعدما كلشي فاق هبطو فطرو ودخلو الپيسين يعومو ،فجو كلو نشاط ومرة مرة كيبداو يحماقو مع سهيل وهو عاجبو الحال .... بعدما سالا نهارهم..كل وتاجه لدارو حيت موعد الرحلة بقا ليه نهار وعلى حساب اتفاقهم غادي يمشيو كاملين فطيارة وحدة
