♥♥ بقلمي ...مونيا لوباروس♥♥
⛔⛔⛔لا احلل النشر بدون ذكر الإسم
(رواية مغربية مكتملة)
البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
خرجو البنات ركبو غادين نبداو بلعروسة ياسمين لي قررات دير عرس غير بلاغوب بيضة بحدها ..لأن المدعوين اكترهم كانو اجانب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
نسرين:
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رؤيا :
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وصلو لقصر كبير كيبان مضوي بزاف ..كيلمع بجميع الألوان تمو داخلين مع السجادة طويلة فالأحمر حتا وصلو ..الأنظار كاملة كانت مجوجهة ليهم ..جيهة العروس تلقا ليهم احمد شد ياسمين وبقا غادي بيها وسط الموسيقى لي كانت اكتر من رائعة حتا گلسو فبلاصة زوينة كلها مفرشة بالأبيض ودايرين بيها ورود من جميع الألوان ..ضربو العقد لأنهم كانو مقررين انهم يديرو العرس والعقد فدقة وحدة ...بعدما تعلنو رسميا زوج وزوجة تحت تصفيقات المدعويين وكذلك الصحافة لي كان احمد مكلف واحد هو لي يصور كلشي ...بعدما سناو ..احمد تمشا بياسمين للوسط ..كانت ارضية كبيرة على شكل دائرة مزخرفة بالأبيض والأزرق .. فيها اضواء شي لي كيعطيها رونق وجمالية من نوع خاص احمد وياسمين بقاو كيشطحو على ايقاع اغنية thousand years بعدما سالاو ..جات اغنية اخرى لي خلات كلشي يدخل ..كانو دايرين دائرة حول العرسان ..رؤيا كتشطح وكل مرة كتبدل الشريك ديالها .لأنه هكا قانون الرقصة ..كل مرة كيتبادلو الشركاء ....بقات رؤيا كتشطح وكتشوف فنسرين لي حداها وكتضحك معاها ....من امين ليد محمود ليد سهيل ليد شخص اخر ... رؤيا باقا كتشوف ف نسرين لي ولاو مالاميحها مبدلين و وجهها ولا صفر ..رؤيا حسات بشي حاجة ماشي هيا هاديك . خلعاتها نسرين وهي كتشوف فيها مصدومة ..زائد هاد الشخص لي كيشطح معاها ..ريحتو دخلات لأعماق قلبها وفتحات الجروح من جديد كتحس بيه مزير على خصرها ..مقدراتش طلع راسها فيه خايفة لا تشوف شي حاجة متعجبهاش بقات كطلع فعينيها وخا مقادراش ..للحظة حسات براسها ضعيفة ...كرهات الرجفة ديالها قدامو ....محسات ايلا ب عينيها تلاقاو مع عينيه ..نفس النظرة ولكن اصبحت قاسية اكتر ...نفس الريحة .....جروحها تفتحو من جديد وگاع لحظاتها داخل المشفى دازو قدامها ...محسات براسها ايلا وهي غادة كتجري وتابعاها نسرين حتا دخلات فياسمين ياسمين:رؤيا مالكي ..ويلي اش طاري ليك .... نسرين مال رؤيا غادا كتجري نسرين: ياسمين... ..ياسين رجع وهو هنا معانا ياسمين :ها لا ميمكنش ...لا مستحيل ... وتمو غادين تابعين رؤيا لي غادا كتجري ومصدومة دخلات للبيت .وهوما دخلو معاها . ياسمين:..رؤيا ...شوفي فيا ا رؤيا ..نتي مشفتي والو ..نسيتي اش دار فيك ..صافي هو مبقاش كيهمك متبينيش ليه راك ضعيفة نيسرين: رؤيا كالم ...تهدني صافي رؤيا:علاش رجع ...ياك هو مشا لاش رجع تاني ..انا منقدرش نبقا هنا مبغيتش نشوفو نيسرين: رؤيا نتي ليك الأولوية تبقاي هنا ..كتفهمي ...دابا غادي تقادي راسك وتهبطي لتحت وديريه فحال الى مكينش ..ماشي نتي لي خاصك تحشمي بل هو ..حيت نتي مدرتي والو ..كتفهميني ولالا ...دابا حيدي عليا هاد السيفة وهبطي وريه اش كتسوى رؤيا القوية ياسمين:نسرين صافي خليها مرتاحة رؤيا:لا بلعكس نسرين عندها الصح انا مدرت والو لي نحشم عليه رؤيا بعدما قوات راسها هبطات ووقفات حدا امين هي ونسرين امين:رؤيا جيتي زوينة ليوم رؤيا:ههه شكرا حتا نتا ..امم و كيف جاتك نسرين امين:مبيهاش نسرين :فين كنتي نت هاد جوج سيمانات غابر امين:علاش ياكما توحشتيني نسرين: ها لا متوحشتكش امين:ايوا حتا توحشيني ونگولك فين كنت نسرين :يخخ على باسل امين:لا نتي حلوة رؤيا :باراكا من المدابزة ..خلينا نشربو شي حاجة .... نسرين :انا غادي نجيب ليكم رؤيا و امين خلاو نسرين مشات ومشاو كيضحكو كيشطحو ..وامين كل مرة كيحني جيهة وذن رؤيا ... كيتافقو على نسرين....من بعيد كيبانو فحال شي عشاق اما من قريب ..هوما غير كيضحكو على نسرين وكيختابروها امين:هههه نجحات الخطة رؤيا:هههه گتليك غير غادي تبعد شوية غادي توحشك امين:خههه انا صافي من اليوم غادي ندير ليها خو لعبها
رؤيا كترقص مع امين ..ومشافتش العينين لي متبعينها فكل حركة كديرها كتزيد تجعرو ،منين دخلات وهو حاظيها حتا من الرقصة دخل خصيصا من اجلها ..لكن فاللحظة لي جات بين ايديه لاحظها مقدراتش تشوف فيه ..حس برجفة ديالها وسطو ...نفس الرجفة لي كانت كدير وهو قريب ليها ...عرفها بيلا راها عرفاتو شكون بلا ماتشوف فيه ..شي لي خلاها عطاتو امل على انه مزال ساكن فقلبها ... عينيها فاش طلعتهم فيه للحظة سها فيهم ... واقف من بعيد حاضيها ..الصحافة لي كيشتتو تركيز ديالو وضايرين بيه من كل جانب ..مالقا كيف يدير من غير انه عطاهم وقتهم ورجع مركز معاها كيشوف فيها كبرات وولات انثى كاملة مكمولة ..بل اصبحت فاتنة . ..اي واحد يقدر يطمع فيها ...ويبغي يتملكها ......الى انها باقا نفس البنت البريئة لي كيعرف ..طبعا المظهر تغير الى ان داخلها و روحها ممبدلينش كيشوف فلبستها :اخخ ارؤيا ياك حذرتك شحال من مرة متلبسيش هاد اللبس .....نتي ديالي وغادي تبقاي ديما ديالي يطرا لي يطررا
رؤيا رجعات وقفات هي و امين ..لقاو نسرين واقفة معصبة كتسناهم .. بقاو واقفين كيضحكو حتا جا وقت لگاطو ...قطعوه ..من بعد مدة قصيرة الكل توزع فالطوابل ..رؤيا ماماها وباباها عياو ومشاو للدار ... رؤيا گلسات فنفس الطابلة مع العرسان وصحابهم .وكانت حتى نهيلة لي طول لوقت بقات لاصقة فياسين ... بقاو گالسين فطابلة طويلة كياكلو كانت 1 ديال الصباح ... وخا كان ااجو متوتر بين البنات بوجود ياسين.. لأنهم كانو كيشوفو رؤيا كتهبط اللقمة غير بزز .. حيت جا قدامها نهيلة :رؤيا مدة طويلة متشاوفنا رؤيا:اه من شحال هه نهيلة :اهه عقلت من نهار ديك الخطبة ديالك متشاوفنا يعني دابا شي خمس سنين ..ا ياسمين:نهيلة باراكا ماشي وقت دكشي نهيلة:عادي راه بغيت نسول فيها غير كيف بقات حيت من بعد مدخلات للمصحة عمرني مشيت شفتها .صراحة بقيتي فيا بزاف ......شحال فكريني المدة لي بقيتي فيها نسرين:..نهيلة بلا متعصبيني ..بغيتي تگولي شي حاجة مزيانة مرحبا ..مبغيتيش ..دوري قو*** رؤيا:ياسمين صافي موقع والو خليها الدنيا عامرة نهيلة: اصلا مگلت والو انا غير كنسول على احوالها وكيف بقات ..حيت الصراحة من بعد ديك الخطبة بقا فينا الحال كاملين والله ....بالخصوص فاش وقف ليك قلبك فالمستشفى نسرين:عرفتي شنو غادي ديري يالاه قو*** من قدامي منشوفكش رؤيا: نسرين صافي تهدني ..انا غادي نمشي للڤيلا عندك نرتاح نسرين:مابقا والو ا رؤيا شي ساعة ونمشيو بزوج رؤيا:صافي اوكي على طول داك العشا ياسين كتعاود ليه ديك الهدرة ديال نهيلة فراسو ..شنو وقع لرؤيا؟ واينا مصحة كيهضرو عليها؟ ..وشنو وقع ليها بعدما مامشيت؟ اسئلة كثيرة كدور ليه فبالو
رؤيا عيات وترهقات بدوك الحوايج بقات كتسنى حتا طلقات شعرها وكل هادشي تحت اعين ياسين ...لي زادت كملات عليه بديك الحركة ..كيشوف فشعرها الطويل لي واصل لتحت ظهرها بستة وستين كشيفة سالات الحفلة وودعو العرسان ..ورؤيا لي غير سالاو مشات نيشان لجيهة لوطو ديال نسرين حيت غادي تبات معاها الشخص :وقفي رؤيا:شنو بغيتي مني نتا علاش تابعني ياسين :خاصنا نهضرو ...ضروري ودابا رؤيا:معندنا فاش نهضرو ..انا ونتا بالخصوص معندنا فاش نهضرو دخلها لراسك ياسين(مزير على يديه): رؤيا ....غادي تسمعي ليا بالسيف ولا بالخاطر رؤيا:,بعد مني احسن ليك حيت مغادي تستافد والو ....الماضي فات ومكاين لاش يتجبد مرة اخرى ..حيت انا نسيت اي حاجة متعلقة بيك ياسين كيقرب ليها بشوفات كيخلعو ، حتا وقفو صوت نسرين: حدك تم ..شنو باغي نت من عندها هاد المرة مكفاكش دكشي لي درتي ...هاا رؤيا كانت عيانة ركبات مع نسرين تكات .ونسرين بعدما خنزرت فياسين وديمارات وزادت غير وصلو للدار حيدو المكياج والكساوي لبسو غير بيجامات خفاف ونعسو .بقوة لعيا
نمشيو جيهة ياسين لي مزال حاير وتالف ..خاصو اكيد يعاود ليها اش طرا ليه باش تعدرو ..هو مأكد انها مزال كتبغيه وهادشي كامل عرفو فاش تلاقات عينيها مع عينيه عينيها كانو هازين نظرات عتاب وحب وكره ..بزاف ديال الأحاسيس فدقة وحدة ....تكا شرب دوا ديال النعاس ...وهو عازم انه اول ميفيق خاصو يعرف اي حاجة طرات لرؤيا من بعد مامشا
