♥♥ بقلمي ...مونيا لوباروس♥♥
⛔⛔⛔لا احلل النشر بدون ذكر الإسم
(رواية مغربية مكتملة)
البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
نمشيو لعند رؤيا لي بقات شي ايام فوسط دارها كتحاول تجمع افكارها ،وفنفس الوقت كداوي دوك الجرحات لي فوجهها ومع كل جرحة كداويها كتفكر الف مرة و مرة و كتشوف راسها كيف ولات بلا شخصية ..كرهات راسها وهي كتشوف فحالتها ...اخرتها قررات انها تكمل حياتها كيف كانت قبل شهر لأنها بكل بساطة فحال اي بنت كتحلم انها تكون عندها حياة مستقرة ،وكذالك نفس رؤيا متسمحش ليها تعيش فالدل والإهانة....رؤيا من بعد مجا ياسين كتحس براسها ولات فحال شي لعبة ..فقدات التوازن فحياتها كان اخر قرار هو..... رؤيا(واقفة قدام المرايا):من هاد النهار غادي نعيش حياتي كيف مابغيت انا وماشي كيفما بغيتي نتا لي يلاه جيتي البارح
نمشيو عند ياسين حتا هو لي كان همو هو يشد الديب لأنو بعدما عرف ان الديب فالمغرب قرر انه يشدو ..نهار بعد نهار حتا كيگول قرب ليه و كيرجع بخطوات للور ..لأنه بكل بساطة مكان مخلي حتا اثار موراه ....وكذالك راسو كان مخربق مع رؤيا لي مزال معرفش كيف يتعامل معاها ...كيحس براسو عوض يقربها ليه كيزيد يبعدها بالأعصاب ديالو لي مكيقدرش يتحكم فيهم
عاصم (داخل عند ياسين البيرو):ا صاحبي فين كنتي من الصباح و انا كنصوني ياسين:غير كنت حابس ليه الصوت .مديتهاش فيه عاصم :مالك ا صحبي بنتي ليا ماشي هو هذاك ....ههه لا نتا اصلا عاد الأيام كاملة ماشي ف مزاجك ... ياسين:والله اصحبي تلفت مبقيت عارف مندير من جيهة هاد الزمر لي معرفنا منين نشدوه ...و من جيهة.... عاصم:رؤيا ياك ..هي لي محمقاك هكا مزال مهدرتيش معاها ؟ ياسين:اا والو مزال مهدرت معاها فوالو ..علا هي كتخلي لي لفرصة بعدا ...رافضة تسمع ليا نهائيا هاد السيمانة كاملة كنصوني ليها كنلقا تيلي طافي ... عاصم :غادي تكون غير تالفة و بغات تفكر داكشي لاش ياسين:ههه تالفة ..راه بدلات النمرة ...كل همها هو تفاداني. كدير اي حاجة باش تبعد عليا عاصم: ياسين نتا راك صاحبي ولكن راه حتا هي دوزات مدة صعيبة ..ومغاديش تقدر تنسا هادشي كامل لي دازت بيه ...فهاد المدة لقصيرة ياسين(معصب):تنسا ولا متنساش ...رؤيا ديالي ومغادي تكون لحد من غيري وهدا كلامي الأخير عاصم :ياسين هاد العصبية ديالك الزايدة غادي تخرج عليك عوض متربحها ..غادي تخسرها ...خليها علا خاطرها حتا تبرد شويا ياسين:هه نتا راك مكتعرفش رؤيا ....هاني خليتها علا خاطرها ..هاهي گالك باغا تسافر ...لبارح قطعات لباريس ..دابا هادي تخليها علا خاطرها ا صحبي عصام(غادي لجيهة الباب خارج): حاضيها ههههه لغيرة ا صحبي كتقتلك ... ياسين:(شير عليه بكاس):حتا تجرب و نشوفو هاد الهدرة ديالك عصام:ناري ا صحبي كان غادي يجيني فالراس .....لا لحب خليتو ليك
نمشيو لعند رؤيا لي من بعد مقطعات التذكرة ديالها ...كان كل همها انها ترتاح شوية ...كانت كتجمع حوايجها حتا سمعات شي حد فالباب رؤيا:البنات شنو كديرو هنا ياسمين: نتي لي فين هاد الغبرة ا صحبتي نسرين :كاين ميتنكل راه باقا بلا غدا انا رؤيا:راه دخلي لكوزينة راه فيها ياسمين:رؤيا مالكي شنو عندك ...مالكي فهاد الحالة رؤيا:ياسمين عافاك بغيت غير نرتاح ..بلا متسوليني ياسمين:صافي بقاي غير علا خاطرك نسرين:لبنات اجيو نخرجو نتساراو شوية . ياسمين: شنو بان ليك ا رؤيا رؤيا:اه واخا نسرين:ناويا تخرجي هاكا رؤيا:علاه مالها نسرين(جاراها):انا غادي نوريك شنو غادي تلبسي ياسمين:انا غادي نقاد ليها وجهها رؤيا:ونتي راجلك مخليك جايا عندي هنا ياسمين:علاه مالو احمد ماشي فحال داك ياسين ديالك رؤيا:ياسين ديال راسو نسرين:هههه خلي سيدة تقاد على خاطرها اش جابنا لشي دراري هاد الساعة ....خليونا نعيشو اللحظة رؤيا:نتي بعدا مابقيتي تعاودي ليا والو ياسمين:علاه ماشي فرقعات الرمانة هي وداك امين وراه گالك مزروبين يتزوجو ..محروقين هههنه رؤيا:ياك و باز كتخبي ياختي نسرين:وغير مجابتهاش الوقت وصافي .. ياسمين: نتي غادي تحضري ا رؤيا ياك رؤيا:علاه فوقاش بسلامة ناويين نسرين: درنا فالأخر ديال الشهر ..ديك الساعة غادي تكوني جيتي من باريس رؤيا:!اه صافي ...ضروري نحضر
خرجو البنات بعدما وجدو رؤيا وحاولو يخرجوها من الجو لي فيه هيا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
خرجو البنات بعدما قادو راسهم... بقاو كيتساراو ...حتا ختموها بعشا ....رؤيا حسات براسها رتاحت شوية بعدما وصلات للدار كملات جميع حوايجها ..وگلسات حسات براسها مخنوقة ....حاولات تلف مي مقداتش كان كل همها غير تبعد ...كتسمع الدقان ..بان ليها امين فالباب امين:رؤيا مالكي فهاد الحالة رؤيا:امين معنديش الگانة باش نعاود ليك. گلس رتاح انا نجيب ليك شي حاجة تشربها امين:متجيبي والو غير اجي نهضر معاك رؤيا:هاني گلست شنو ..اسي لعريس ههه امين: وشنو منديروش دارنا 😂 رؤيا:هههه وجه الدار الله يمسخك ....وكيف درتي ليها حتا ياسمين عتارفات امين:احم احم سر المهنة هاداك رؤيا:هههه امين:هيهوو رؤيا ا فين ساهية رؤيا:هه لا والو امين:رؤيا نتي عارفاني ديما معاك ...كتفكريني فملاك ....مكنقدرش نشوفك فشي حالة خايبة حيت كتزيدي تفكريني فيها كتر ...حاولي تخرجي من هاد الحالة ..حيت راه ميمكنش ترجعي كيف كنتي ...نتي رؤيا وحدة اخرى وديك المرحلة من حياتك نتي صافي تخطيتيها ..مخصكش ترجعي .....لمهم انا غادي دابا و عاودي فكري فهدرتي مزيان و متنسايش اي حاجة قررتيها انا معاك فيها ومن ديما غادي نبقا نحميك ...
رؤيا بقات كتبكي وهي معنقة امين حتا سكتات و طمن عليها عاد خرج
