♥♥ بقلمي ...مونيا لوباروس♥♥
⛔⛔⛔لا احلل النشر بدون ذكر الإسم
(رواية مغربية مكتملة)
البناااااات عندي ليكم قصة اكتر من روعة كتجمع مابين الكوميديا والرومانسية وقليل من الحزن #بقلمي انا .....كتهدر على الرؤيا البنت الوحيدة ديال باباها و ماماها.....رؤيا ب...
وهاكا دازت شهرين وزيادة رؤيا وياسين ديما كيتشاوفو تقربو من بعضهم كتر وكتر كيحسسو بالراحة مع بعضهم .رؤيا بقات مابين القراية ودار وكتشوف ياسين كل نهار وحتا هو كذلك ...تمسكو ببعضهم لدرجة كبيرة ليوم رؤيا كتوجد راسها وفرحانة كن جيهة خرجو ليها النتائج وفرحات بزاف ومن جيهة غادي تحضر للإحتفال لي منظماه شركة seven world .لي كيقوم ياسين بالتسيير ديالها بمناسبة تنفيذ صفقة كبيرة والفضل كيرجع لياسين ومجهوداتو رؤية ملاهية كتوجد راسها حتا كيصوني عليها :حبيبة اش كادييري رؤيا:اش غادي نكون كندير متلا ..كنوجد راسي مزال مختاريت شنو نلبس ياسين :كلشي كيجي معاك هو هداك احبيبتي غير تلبسي شي شوهة فحال ديك المرة نهرس ليك داك الراس رؤيا :لا متخافش هههه ياسين :يخليلي لي كيسمع الهدرة 😂 رؤيا:ومضسرش خليني معاك مزيانة ياسين:انا بعدا كدوبيني فاش كتولي فحال عبد القادر هههه رؤيا:عبد القادر هو لي غادي يجي ليك دابا لا مقطعتيش وخليتيني نكمل هادشي لي بين يدي ياسين : يالله سيري كملي حتا تجي ونفديهم فيك ونشوفو هاد عبد القادر واش غادي يبان ولا لا 😂 رؤيا:بااي (وقطعات عليه ) كملات توجادها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهبطات لقات ماماها واجدة هي وباباها ..هي مشات فلوطو ديالها . وهوما مشاو فوحدة اخرى ... وصلات رؤية لقات الحفلة مديورة ففندق وبالضيط فقاعة كبيرة كطل على بيسين كبير .. وكيفما العادة النظرات ديما موجهة ليها ,كتبتاسم وخا متوترة .جايا غير على قبل ياسين تمات داخلة حتا وصلو عليها باباها وماماها ....مشاو نيشان سلمو على ياسين وباباه كيهنئوهم.اما ياسين غير مدات ليه رؤيا يديها كرز عليها كيخنزر فلباسها مقدر يدير والو حيت باباها وماماها معاها رؤيا شافت سهيلة ومشات عندها ..الأخرى بدورها فرحات منين شافتها ...شوية كضور عينيها بانت ليها نهيلة اختها واقفة كتشوف فيها مخنزرة .رؤيا بقات واقفة حداهم حتا وصلها مساج :وصلي عليا لغرفة 112 رؤيا(كتعاود تسيفط ليه مسج):واش من نيتك ماشي دابا ياسين:والله ارؤيا ومتجي حتا نهود ندير ليك الشوهة رؤيا:اووف صافي هاني جاية رؤيا مشات طلعات الغرفة دقات حتا خرج ليها ياسين دخلها خبطها مع الحيط :اي مالك واش تسطيتي ياسين :واش باغا تحمقيني ارؤيا (شاد ليها شعرها من لور ومزير عليه)اش گلت ليك قبيلة هاد اللباس منبغيهش ولا غادي نتفاهم معاك ديما كنگولها ونعاودها رؤيا:احح ياسين ضريتيني طلق مني (بداو دموعها كيطيحو )عافاك طلق راه ضريتيني ياسين :(كيغوت )..رؤيا كديريها قد راسك ...عاجبك بنادم يتمنضر فيك وفلحمك (كارز ليها على فكها ) رؤيا:(تعصبت من هدرتو) ياسين طلق مني بغيت نمشي فحالي ..وا طلق المرض عيقتي والله (كتبكي )عافاك خليني نمشي مبقيتش باغا هاد الحفلة گاع . بغيت نمشي للدار ياسين غير شاف دموعها حس براسو اش دار هاد الغيرة كتخرجو على طوعو و كتخليه بلا عقل ..شد ليها وجهها بين ايديه :صافي مطرا والو بلا دموع .....والله غير الغيرة ديالي كتخليني هاكا بلا عقل ...(باسها فوق شفايفها) متصوريش شحال كنبغيك.....ولكن للمرة الأخيرة ا رؤيا كنقولك هاد اللباس حيديه من قاموسك ندوزو لرؤيا لي من بعد مدة وهوما مع بعضهم اول مرة تسمع كلمة كنبغيك من فمو ...شوكاتها وتلفاتها .. محسوش براسهم حتا دخلو فقبل حارة محاسينش اش طاري فالدنيا ومعارفينش هاد اللحظة غادي تگلب عليهم . رؤيا مكانتش رادة البال شكون كان موراها من بعد ماسيفك ليها ياسين ل msg.كانت نهيلة تابعاها من اللور وشافتها داخلة عند شي واحد .بانت ليها غير يد ديال شي حد :هههه دايرة لينا فيها عفيفة ايوا تسناي ا حبيبة نشوفو ردة الفعل ديال ماماك حبيبتك منين تحصلك مشات نهيلة عند ريماس لي كانت واقفة مع فرح :خالتي تكلمي لرؤيا ..راها فالغرفة112 كتحس برااسها عيانة . ريماس :كيفاش على مالها بنتي ..تمات غادة كتزرب وفرح تابعاها نهيلة :هههه ليوم شوهتك شوهة ارؤيا و قدام فرح
اما رؤيا وياسين فبعدما سالاو من قبلاتهم بقاو معانقين بعضهم..... محسو غير بريماس وفرح حلو الباب رؤيا بقات مشوكية كتشوف ماماها قدامها و كذلك فرح ...اما ياسين تعصب من ذاك المنظر .... ريماس :(كتشوف ففرح )قتليك داك النهار فاش كنا غادين للمول راني شفتهم مع بعضهم ونتي گلتي ليا لا غا تشابهو ليك ....ايوا هانتي تأكدي فرح :ولدي رؤيا راه ماشي ديال ااتفلية واش نتا جدي معاها ولا لا (كتهضر بكل جدية ) ياسين :(كيمسح على وجهو) زعما مكتعرفينيش علاش غادي نتفلا عليها راه كنبغيها ريماس كتقرب لبنتها هزات راس بنتها لي كانت مهبطاه بقوة ااحشمة :ونتي ابنتي كتبغيه ؟ رؤيا كتشوف فياسين وفماماها دارت ليهم اه غير براسها شي لي خلا ياسين يفرح كتر نهيلة دخلات عليهم فرحانة حتا كتفاجئ بياسين كاين ..حتاجت منها بضع تواني ربطات الأحدات و وصلت لنتيجة وحدة ومفادها ان ياسين ورؤيا كتجمع بيناتهم شي حاجة ......ياسين غير شافها عرف انها هي لي جابتهم هنا وحتا ريماس و فرح عرفوها هي لي خططات دير هاكا مي ااحاجة لي مكانوش عارفين هي ان نهيلة مكانتش عارفة ان رؤيا مع ياسين ....وبلا متحس عطاتهم نقطة فابور
